ગાંધીનગર / 8 વર્ષની છોકરી ઉંઘમાં બોલી 'લંબુબાપા મને છોડો મારા પપ્પા મને બોલશે', પડોશીની કાળી કરતૂત સામે આવતા માતા-પિતાના પગ નીચેથી જમીન સરકી

• ગાંધીનગર પંથકમાં વધુ એક બાળકી દુષ્કર્મનો શિકાર
• 48 વર્ષીય ઢગો બાળકી સાથે બળજબરી કરતો હતો
• 'મને છોડી દો મને છોડી દો' ની બૂમો પાડતા આ સમગ્ર કાંડ બહાર આવ્યો

ગાંધીનગર પંથકમાં વધુ એક બાળકી દુષ્કર્મનો શિકાર બની હોવાની ઘટના સામે આવતા સંસનાટી મચી જવી છે. જ્યાં શ્રમિક દંપતી કામેં ચાલ્યા જતા હતા. ત્યારબાદ પાડોશી 48 વર્ષીય ઢગો ત્યાં આવી અને બાળકી સાથે બળજબરી કરતો હતો. એકાદ મહિનો આ કુકર્મકાંડ ચાલ્યા બાદ ફૂલ જેવી બાળકી એટલી હદે ડરી ગઇ હતી કે તે નિંદ્રામાં પણ 'મને છોડી દો મને છોડી દો' ની બૂમો પાડતા આ સમગ્ર કાંડ બહાર આવ્યો હતો. જેને લઈને માતા-પિતાના પગ તળેથી જમીન સરકી ગઈ હતી. ત્યારબાદ આ મામલે ચિલોડા પોલીસ મથકમાં ફરિયાદ નોંધાવતા પોલીસે આરોપી લંબુબાપા ઉર્ફે વિજય ઉર્ફે ભીખો કાળુ સોલંકીને દબોચી લઈ કાયદેસરની કાર્યવાહી હાથ ધરી છે.

ગાંધીનગર સિવિલ હોસ્પિટલ ખાતે ખસેડાઈ

હૈયું હચમચાવી નાખતી આ ઘટના ગાંધીનગરના ચિલોડા પોલીસ મથકની હદમાં સામે આવી છે. જેમાં 38 વર્ષીય એક યુવાન મજૂરી કરી પોતાના પરિવારનું ગુજરાન ચલાવતો હતો. આ દરમિયાન આજથી ચાર દિવસ અગાઉ દંપતી બાળકો સાથે ઘરે સુતા હતા ત્યારે રાત્રિના સમયગાળા દરમિયાન આઠ વર્ષની પોતાની બાળકી ઊંઘમાં અચાનક બોલવા લાગી હતી કે 'મને છોડી દો છોડો મારા પપ્પા મને બોલશે મારે ઘરે જાવું છે' આમ બોલતા બોલતા તે બેભાન થઈ ગઈ હતી જેને લઈને બાળકીને તાત્કાલિક 108 મારફતે ગાંધીનગર સિવિલ હોસ્પિટલ ખાતે ખસેડાઈ હતી.

લંબુબાપા સામે ગુન્હો નોંધી કાર્યવાહી
ત્યારબાદ આ મામલે દંપતીએ દીકરીને પૂછતા દીકરીએ ભારે હૈયે પોતાની આપવી હતી જણાવી હતી. જેમાં તેમણે કહ્યું કે બાજુમાં રહેતા લંબુબાપા મને પૈસા આપી દૂધ લેવા મોકલતા હતા અને જ્યારે હું દૂધ લઈ આવતી એટલે લંબુબાપા ઘરમાં બેસાડી મારી સાથે ખરાબ કૃત્ય કરતા હતા. મને મારી નાખવાની પણ ધમકી આપી હતી. આ સમગ્ર ઘટનાને પગલે દંપતી અવાચક બની ગયા હતા અને તેમણે પોલીસમાં જાણ કરતા પોલીસે આરોપી લંબુબાપા સામે ગુન્હો નોંધી તેને પકડી પાડી કાર્યવાહી હાથ ધરી છે.