- બનાસકાંઠામાં આ વર્ષે બટાટાનું વાવેતર ખૂબ જ ઘટ્યું
- ખર્ચાળ ખેતી અને પૂરતા ભાવ ન મળતા વાવેતર ઓછું થયું
- જિલ્લામાં પાંચ વર્ષ 21 ટકા વાવેતર ઘટ્યું
બટાટા નગરી તરીકે ઓળખાતા ડીસા સહિત સમગ્ર બનાસકાંઠા જિલ્લામાં આ વર્ષે બટાટાનું વાવેતર ખૂબ જ ઘટ્યું છે બટાટાની ખેતી કરતા ખેડૂતો હવે અન્ય ખેતી તરફ વળ્યા છે ત્યારે ડીસા સહિત બનાસકાંઠા જિલ્લામાં કેમ બટાટાનું વાવેતર ઘટ્યું છે.
બનાસકાંઠામાં આ વર્ષે બટાટાનું વાવેતર ખૂબ જ ઘટ્યું
બનાસકાંઠા જિલ્લામાં શિયાળાની સિઝનમાં વિવિધ પાકોનું બોહળા પ્રમાણમાં વાવેતર થતું હોય છે. રાયડો, ઘઉં, જીરું સહિત બટાટાનું મોટા પ્રમાણમાં વાવેતર થતું હોય છે. પરંતુ આ વર્ષે બટાટાના વાવેતરમાં ઘટાડો નોંધાયો છે. ગયા વર્ષે જિલ્લામાં 58 હજાર 902 હેક્ટરમાં બટાટાનું વાવેતર થયું હતું જેની સરખામણીમાં આ વખતે 53 હજાર 547 હેક્ટરમાં વાવેતર થયું છે.. જેમાં બટાટા નગરી તરીકે ઓળખાતા ડીસા પંથકમાં પણ વાવેતર ઘટ્યું છે. ડીસામાં ગત વર્ષની સરખામણીએ 1 હજાર 342 હેક્ટર વિસ્તારમાં બટાટાનું વાવેતર ઘટ્યું છે. જેનું કારણ બટાટાની ખર્ચાળ ખેતી અને પૂરતા ભાવ ન મળતા હોવાનું ખેડૂતો જણાવી રહ્યા છે.
ખર્ચાળ ખેતી અને પૂરતા ભાવ ન મળતા વાવેતર ઓછું થયું
બનાસકાંઠા જિલ્લામાં વર્ષ 2018 19માં 68 હજાર 134 હેક્ટરમાં બટાટાનું વાવેતર થયું હતું વર્ષ 2019-20માં તે ઘટીને 62 હજાર 349 હેક્ટર થયું, વર્ષ 2020-21માં 58 હજાર 903 હેકટર, અને વર્ષ 2021-22માં 58902 હેક્ટર થયું ચાલુ વર્ષની વાત કરીએ તો 2022-23માં બટાટાનું વાવેતર ઘટીને 53 હજાર 548 હેક્ટરમાં બટાટાનું વાવેતર થયું છે. આમ છેલ્લા પાંચ વર્ષની અંદર જિલ્લામાં બટાટાનું વાવેતરમાં 21 ટકા જેટલો ઘટાડો નોંધાયો થયો છે. બટાટાના બિયારણના ઊંચા ભાવો અને ખાતરની અછત તથા વધતી જતી મોંઘવારી વચ્ચે બટાટાના ભાવમાં જોવા મળતા ઉતાર ચઢાવના કારણે ખેડૂતો અન્ય પાકો તરફ વળ્યા છે. તેવું બટાટા સંશોધન કેન્દ્રના સંશોધક વૈજ્ઞાનિક આર એન પટેલે જણાવ્યું હતું.
મહત્વનું છે કે ગુજરાતમાં સૌથી વધુ બટાટાનું વાવેતર ડીસા અને બનાસકાંઠા જિલ્લામાં થાય છે પરંતુ છેલ્લા દસ વર્ષથી સતત બટાટાની ખેતી મોંઘી થઈ છે અને તેની સામે બટાટાના ભાવ પણ પૂરતા મળતા નથી જેથી ખેડૂતો ઓછા ખર્ચ અને ઓછા જોખમ વાળી ખેતી તરફ વળ્યા છે.
- પાંચ વર્ષમાં 21 ટકા વાવેતર ઘટ્યું
| વર્ષ |
હેક્ટર |
| 2018-19 |
68134 |
| 2019-20 |
62349 |
| 2020-21 |
58903 |
| 2021-22 |
58902 |
| 2022-23 |
53548 |
