વડોદરા / સ્પા સંચાલક પાસે લાંચ લેતા ઝડપાયેલ વિદ્યાર્થીના હિતમાં કોર્ટનો મહત્વનો ચુકાદો, જાણો શું હતો સમગ્ર કેસ

• વિદ્યાર્થીને લઈ મહત્વનો ચુકાદો
• પરીક્ષા માટે આપ્યા વચગાળાના જામીન
• ભવિષ્યને ધ્યાને રાખી કોર્ટનો ચુકાદો

વડોદરાના મકરપુરા પોલીસ સ્ટેશન નજીક સ્પા સંચાલક પાસેથી લાંચ લેતા ઝડપાયેલા (પોલીસ કર્મીના વચેટિયા) વિદ્યાર્થીને લઈ કોર્ટે મહત્વનો ચુકાદો આપ્યો છે. લાંચ લેતા ઝડપાયેલ વિદ્યાર્થીનું ભવિષ્ય ન બગડે તે માટે કોર્ટે મહત્વનો ચુકાદો આપ્યો છે. કોર્ટે MSCના ત્રીજા વર્ષમાં અભ્યાસ કરતા વિદ્યાર્થીને પરીક્ષા માટે જામીન આપ્યા છે. વિદ્યાર્થીને કોર્ટે પરીક્ષા આપવા માટે વચગાળાના જામીન આપ્યા છે. વિદ્યાર્થીના તારીખ 8 એપ્રિલથી 17 એપ્રિલ સુધીના વચગાળાના જામીન મંજૂર કરવામાં આવ્યા છે. મહત્વનું છે કે, ACBએ 80 હજારની લાંચ લેતા બે વચેટીયાની ધરપકડ કરી હતી. 

શું છે સમગ્ર મામલો?
થોડા સમય અગાઉ શહેરના મકરપુરા પોલીસ મથકના પોલીસ કર્મીએ સ્પા સંચાલક પાસેથી માગેલી લાંચના લેવાના મામલામાં બે વચેટિયાને એસીબીએ ઝડપી પાડ્યા હતા. મકરપુરા પોલીસ મથકના કલ્પેશ નંદકિશોર સોનવણે નામના પોલીસ કર્મીએ સ્પા સંચાલકને ધમકી આપીને 80 હજારની લાંચ માંગી હતી.  જેથી આ મામલે સ્પા સંચાલકે ACBનો સંપર્ક કર્યો હતો. 

લાંચ લેવા આવેલા વચેટિયાની કરાઈ હતી ધરપકડ
જેથી ACBએ શહેરના  સિલ્વર ઓક કોમ્પ્લેક્સના પાર્કિંગ પાસે છટકું ગોઠવીને પોલીસકર્મી વતી લાંચ લેવા માટે આવેલા વચેટિયા સંજય લક્ષ્મણ ભરવાડ અને પ્રિન્સ રાજકુમાર શર્માને ઝડપી લીધા હતા. જે બાદ મકરપુરા પોલીસ સ્ટેશનનો હેડ કોન્સ્ટેબલ કલ્પેશ નંદકિશોર સોનવણે ફરાર થઈ ગયો હતો.  

હેડ કોન્સ્ટેબલને પણ ઝડપી લેવામાં મળી હતી સફળતા
એસીબીએ હેડ કોન્સ્ટેબલ કલ્પેશને ઝડપી પાડવા તેના ઘરે દરોડા પાડ્યા હતા. આખરે ફરાર કોન્સ્ટેબલ ઝડપાઈ ગયો હતો. જે બાદ એન્ટી કરપ્શન વિભાગે ગુનો દાખલ કરીને કાયદેસરની કાર્યવાહી હાથ ધરી હતી.