ટીપ્સ / વસ્તુ રાખીને ભૂલી જાઓ છો? યાદશક્તિ કમજોર પડી હોય તો ચેતી જજો, શરીરમાં આ વિટામિનની ઉણપના છે સંકેત

• વિટામિન B1 મહત્વનો ભાગ ભજવે છે
• વિટામિન બી-1 હૃદયની તંદુરસ્તી જાળવવામાં મદદરૂપ
• વિટામિનની ઉણપને લઈને શરીરમાં અનેક સમસ્યાઓ ઉત્પન્ન થતી હોય છે

માનવ શરીર માટે વિટામિન્સ ખૂબ જ મહત્વપૂર્ણ પરિબળ છે. દરેક પ્રકારના વિટામિનમાં અલગ અલગ શક્તિ હોય છે. જેને લઈને વ્યક્તિઓને ખોરાકમાં લીલા પાંદડાવાળા શાકભાજી અને મોસમી ફળો સહિતની વસ્તુ આરોગવાની સલાહ આપવામાં આવતી હોય છે. વિટામિનની માફક વિટામિન B1 પણ મહત્વનો ભાગ ભજવે છે. અભ્યાસમાં એવું પણ સામે આવ્યું કે ચેતા અને સ્નાયુઓ સિવાય વિટામિન બી-1 હૃદયની તંદુરસ્તી જાળવવામાં સારો ભાગ ભજવે છે. વિટામિન બી 1 ને થાઈમીન તરીકે પણ ઓળખવામાં આવે છે. તે શરીરમાં ગ્લુકોઝના પાચન અને ચેતા અને સ્નાયુઓની કામગીરીને સરળ બનાવવાનું કામ કરે છે. આ વિટામિનની ઉણપને લઈને શરીરમાં અનેક સમસ્યાઓ ઉત્પન્ન થતી હોય છે. જેની ઉણપને દૂર કરવા માટે આહારમાં આ વસ્તુનું સેવન કરવું જોઈએ.

પાણીમાં દ્રાવ્ય વિટામિન B1 કાર્બોહાઈડ્રેટને એનર્જીમાં બદલાવી શરીરને જાગૃત અને સક્રિય રાખે છે. વિટામીન B1 ની ઉણપને કારણે બેરી બેરી નામની બીમારીનો ખતરો તથા વજનમાં ઘટાડો અને અનેક માંદગીનો ભોગ બનવાની નોબત આવતી હોય છે.

લીલા વટાણા
આહારમાં લીલા વટાણાનું સેવન કરવાથી વિટામિન બી1 ની ઉણપ દૂર કરી શકાય છે. 100 ગ્રામ લીલા વટાણામાં 0.282 mg વિટામિન B1 જોવા મળે છે. જેમાં કેલ્શિયમ, આર્યન, મેગ્નેશિયમ, ફોસ્ફરસ, પોટેશિયમ પણ ભરપૂર માત્રામાં હોય છે.

સૂર્યમુખીના બીજ
સૂર્યમુખીના બીજમાં વિટામિન B1 પણ પૂરતી માત્રામાં જોવા મળે છે. 100 ગ્રામ સૂર્યમુખીના બીજ 0.106 મિલિગ્રામ વિટામિન B1 પ્રદાન કરે છે. આ બીજમાં વિટામિન B2, B3, B6, C, E અને K સાથે ઘણા જરૂરી પોષક તત્વો મળી આવે છે, જે ગંભીર રોગોના જોખમને ઘટાડવામાં મદદ કરે છે. આ બીજના સેવનથી વિટામિન B1 ની ઉણપ દૂર કરી શકાય છે.

આખા અનાજ, માછલી અને માંસમાં હોય છે
વધુમાં આખા અનાજ, માછલી અને માંસમાં પણ વિટામિન B1 ની હાજરી જોવા મળતી હોય છે. સિવાય કઠોળ, દાળ અને દહીંમાં પણ આ વિટામિન જોવા મળે છે. જેનો આહારમાં ઉપયોગ કરવો જોઈએ.