તમારા કામનું / ફાસ્ટટેગમાં કપાઈ ગયો છે ડબલ ટોલ ટેક્સ? કેવી રીતે રિફંડ મેળવવું, બસ એક વસ્તુ રાખો યાદ

કાર ચલાવતા દરેક વ્યક્તિએ ફાસ્ટેગ અને તેની સંબંધિત માહિતીથી વાકેફ હોવું જોઈએ, કારણ કે ભારતમાં ચાલતા તમામ વાહનો માટે ફાસ્ટેગ હોવું ફરજિયાત છે. જો તમારી પાસે ફાસ્ટેગ નથી, તો તમારે ડબલ ટોલ ટેક્સ ચૂકવવો પડશે. આ જ કારણ છે કે લોકો તેમના ફાસ્ટેગને અપડેટ રાખે છે. ઘણી વખત લોકોને ફાસ્ટેગને લઈને ફરિયાદો હોય છે, તમને સોશિયલ મીડિયા પર આવા ઘણા પ્રશ્નો જોવા મળશે.

એવી પણ ફરિયાદ છે કે જ્યારે ફાસ્ટેગમાંથી બે વખત પૈસા કપાય છે, ત્યારે શું કરી શકાય અને આ રિફંડ કેવી રીતે મળશે. જો ક્યારેય તમારો ડબલ ટોલ ટેક્સ કપાય છે તો તમારે ગભરાવાની કે ચિંતા કરવાની જરૂર નથી. કારણ કે તમને તે પાછું મળશે. 

વધુ વાંચો : ક્રેડિટ કાર્ડ વાપરનારા ગ્રાહકો માટે ગુડ ન્યૂઝ: આ તારીખથી બિલિંગમાં નવો નિયમ થશે લાગુ, RBIનો પરિપત્ર જાહેર

આ માટે તમારે તે બેંકનો સંપર્ક કરવો પડશે જેમાંથી તમે ફાસ્ટેગ બનાવ્યું છે. તમારે કસ્ટમર કેર પર ફોન કરીને આ માહિતી આપવાની રહેશે. જો ડુપ્લિકેટ ટ્રાન્ઝેક્શન થયું હોય, તો આ કિસ્સામાં બેંક દ્વારા તમારા ફાસ્ટેગ એકાઉન્ટમાં રિફંડ જમા કરવામાં આવે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો