લોન્ચ / ટાટા પંચને ટક્કર મારવા Hyundaiએ લોન્ચ કરી SUV Exter, તસવીરો અને ફીચર્સ લક્ઝુરિયસ કાર જેવા

• હ્યુંડાઇએ માઇક્રો એસયુવી એક્ટરને લોન્ચ કરી
• કારની શરૂઆતની કિંમત 5.99 લાખ રૂપિયા
• ટોપ એન્ડ વેરિએન્ટની કિંમત 9.3 લાખ રૂપિયા

હ્યુંડાઇએ માઇક્રો એસયુવી એક્ટરને લોન્ચ કરી દીધી છે. આ સીએનજીની સાથે પણ ઉપલબ્ધ છે. માનવામાં આવી રહ્યું છે કે આ કારની સીધી ટક્કર ટાટા પંચ, નિસાન મેગ્નાઇટ અને રેનો કાઇગર સાથે હશે. હ્યુંડાઇની આ કારની શરૂઆતની કિંમત 5.99 લાખ રૂપિયા છે. આ કારના ટોપ એન્ડ વેરિએન્ટની કિંમત 9.3 લાખ રૂપિયા છે. તેના સીએનજી એડિશનની કિંમત 8.2 લાખ રૂપિયા છે. 

The highly anticipated #HyundaiEXTER launches today. The stage is set to bring you a front row seat to witness the magic on 10th July, 12 PM onwards.
Watch the event live at https://t.co/wL3XDUYwXr
Think outside. Think EXTER.#Hyundai #HyundaiIndia #Thinkoutside #ILoveHyundai pic.twitter.com/DvifQTiSlF

— Hyundai India (@HyundaiIndia) July 10, 2023

8 ઇંચનું ટચસ્ક્રિન ડેશબોર્ડ

હ્યુંડાઇ એક્સ્ટરમાં ઇન્ટિરિયર ડિઝાઇન ઓરા યા નિઓસ જેવું છે. જેમાં સમાન પેટર્નવાળું ડેશબોર્ડ અને 8 ઇંચનું ટચસ્ક્રિન છે. એક્સટરમાં i20ની જેમ એક ડિજિટલ ઇંસ્ટ્રુમેન્ટ ક્લસ્ટર પણ છે. એક્સટરની લંબાઇ 3815 મીમી અને વ્હીવેસ 2450 મીમી છે. સ્ટાઇલની વાત કરીએ તો એક્સટરમાં ગ્રિલની સાથે સાથે પાછળના ભાગ માટે પેરામીટ્રિક હ્યુંડાઇ ડિઝાઇન છે. એક્સટરના લાઇટિંગ પેટર્નમાં હેન્ડલેંપ અને ટેલ-લેંપ બંને માટે એક ટચ પેટર્ન છે. 

Find new reasons to work from anywhere with Hyundai EXTER. Think outside. Think EXTER. #Hyundai #HyundaiIndia #HyundaiEXTER #Thinkoutside #ILoveHyundai #meme #trendingmemes pic.twitter.com/HO1F9zYi2v

— Hyundai India (@HyundaiIndia) July 8, 2023

6 એરબેગ, ઓટોમેટિક ક્લાઇમેટ કંટ્રોલ સહીતની સુવિધા

એક્સટર 6 મોનોટોન અને 3 ડ્યુઅલ ટોન રંગમાં ઉપલબ્ધ છે. તેમાં વ્હીલ આર્ક અને સ્કિડ પ્લેટ પણ છે જે બીજું એસયુવી સ્ટાઇલિંગ ટચ છે. એક્સટર હ્યુંડાઇ એસયુવી લાઇન-અપમાં વેન્યુથી નીચે છે. ફિચર્સની વાત કરીએ તો એક્સટરમાં વોયસ કમાન્ડ દ્વારા સંચાલિત સિંગલ પેન સનરૂફ અને એક ડેશકેમ છે. જે આ કેટેગરીમાં કોઇ બીજી એસયુવીમાં નથી. સાથે જ ક્નેક્ટેડ કાર ટેક્નોલોજી, ઓટીએ અપડેટ, 6 એરબેગ, ઓટોમેટિક ક્લાઇમેટ કંટ્રોલ, એપ્પલ કારપ્લે, એન્ડ્રોઇડ ઓટો, વોયસ કમાન્ડ, ફૂટવેલ લાઇટિંગ પણ આપવામાં આવી છે. 

એસયુવી એક્સટરની ટાટા પંચ સાથે સિધિ ટક્કર

એક્સટર માત્ર 1.2 લીટર પેટ્રોલથી લેસ છે પરંતુ તેનું સીએનજી એડિશન પણ છે. 1.2 લીટર પેટ્રોલ 83bhpનો પાવર આપે છે અને 5 - સ્પીડ મેનઅલ અથવા એએમટી ઓટોમેટિકની સાથે આવે છે. સીએનજી એડિશન ઓછો પાવર આપે છે અને માત્ર મેનુઅલની સાથે આવે છે. માઇલેજના મામલે એક્સટર મેનુઅલ માટે 19.4 કિમી પ્રતિ લીટર અને ઓટોમેટિક માટે 19.2 કિમી પ્રતિ લીટર આપશે તેવું કંપનીનું કહેવું છે. સીએનજીની એવરેજ 27.1 કિમી/કિગ્રા છે. ટાટા મોટર્સની માઇક્રો એસયુવી ટાટા પંચની પણ શરૂઆતની કિંમત 5.99 લાખ રૂપિયા છે. સેફ્ટીના મામલામાં આ કારને ગ્લોબલ એનસીએપી તરફથી 5 સ્ટાર રેટિંગ આપવામાં આવી છે. બિલ્ટ ક્વોલિટીના મામલામાં આ કાર ખુબ જ મજબૂત છે. એવામાં એસયુવી એક્સટરની ટાટા પંચ સાથે સિધિ ટક્કર જોવા મળી શકે છે.