ટેક્નોલોજી / WhatsAppમાં નથી ડાર્ક મોડ ફીચર, છતાં તમે આવી રીતે કરી શકો છો યૂઝ

ઘણા લાંબા સમયથી લોકો રાહ જોઈ રહ્યા છે કે વોટ્સએપમાં પણ ડાર્ક મોડ આપવામાં આવે. ટેસ્ટિંગ સમયે તેને પણ જોવામાં આવ્યું છે. પરંતુ હાલ સુધી સ્માર્ટફોન યુઝર્સને માટે વોટ્સએપ ડાર્કમોડમાં આવ્યું નથી. ભલે સ્માર્ટફોન એપ માટે ડાર્ક મોડ આવ્યું ન હોય પરંતુ વોટ્સએપ વેબ ડેસ્કટોપમાં તમારા માટે ડાર્ક મોડ યૂઝ કરી શકાય છે. 

M4shd  નામના એક  XDA મેમ્બરે વોટ્સએપ ડેસ્કટોપના માટે ડાર્ક થીમ તૈયાર કર્યો છે. આ મોડને તમારે તમારા કમ્પ્યૂટરમાં ઈન્સ્ટોલ કરવાનો રહે છે. આ થર્ડ પાર્ટી છે. તેને ઈન્સ્ટોલ કરતી સમયે ડેટા શેર કરવા માટે તમારે કેટલીક શરતો વાંચવાની રહે છે. 

આ રીતે વોટ્સએપ ડેસ્કટોપ પર કરો ડાર્ક મોડ એપ્લાય

• સૌ પહેલાં વોટ્સએપની વેબસાઈટથી વોટ્સએપના ડેસ્કટોપ વર્ઝનને ડાઉનલોડ કરો.
• https://www.whatsapp.com/download/ અહીંથી ડાઉનલોડ કરી શકાય છે. જાણવા મળ્યું છે કે windows સ્ટોરથી ડાઉનલોડ કરવામાં આવેલા વોટ્સએપ ડેસ્કટોપની સાથે આ થીમ કામ કરતો નથી.
• આ windows અને macOS બંનેમાં ઈન્સ્ટોલ કરી શકાય છે. તેના માટે તમારે કંઈ ખાસ કરવાનું રહેતું નથી. તેને ફક્ત કમ્પ્યુટરમાં ડાઉનલોડ કરવાનું છે. ત્યારબાદ વોટ્સએપ ડેસ્કટોપને પોતાના કમ્પ્યુટરમાં ઓપન કરો. ચેટ સિંક કરવા માટે પહેલાંની જેમ તમારે મોબાઈલ ડિવાઈસથી QRકોડ સ્કેન કરવાનો રહે છે.
• વોટ્સએપ ડેસ્કટોપ ઓપન કર્યા બાદ WADark.exeને ઓપન કરો. જેને તમે પહેલાં ડાઉનલોડ કર્યું છે. તેને ઓપન કરતાં જ ઇન્સ્ટોલેશન પ્રોસેસ શરૂ થશે. કમ્પ્લીટ થયા બાદ તમે વોટ્સએપ ડેસ્કટોપ પર ડાર્ક મોડ એક્ટીવેટ કરી શકશો.