બિઝનેસ / ઘરમાં છે 100 ગ્રામથી વધારે સોનુ? થઇ જાઓ સાવધાન, પડી શકે છે ઇનકમ ટેક્સની નજર

જો તમારી પાસે 100 ગ્રામથી વધુ સોનું હોય અને તમારી પાસે યોગ્ય ડોક્યુમેન્ટ ન હોય, તો આવકવેરા ઓડિટ દરમિયાન પ્રશ્નો ઉભા થઈ શકે છે. ભારતમાં સોનાને માત્ર રોકાણ જ નહીં, પરંતુ એક મૂલ્યવાન સંપત્તિ માનવામાં આવે છે જે પેઢી દર પેઢી પસાર થાય છે, લગ્નોમાં ભેટમાં આપવામાં આવે છે અને સમય જતાં ધીમે ધીમે એકઠુ થાય છે. જોકે, જ્યારે સોના સંબંધિત આવકવેરા નિયમોની વાત આવે છે, ત્યારે ઘણા લોકોના મનમાં પ્રશ્નો હોય છે. શું સોનાના હોલ્ડિંગ પર કોઈ મર્યાદા છે? અને જો તમે મર્યાદા ઓળંગો છો તો શું થશે?

નોંધનીય છે કે, ભારતમાં સોનાની માલિકી પર કોઈ કાનૂની મર્યાદા નથી, જો તે તમારી જાહેર કરેલી અને કાયદેસર આવકમાંથી ખરીદેલ હોય. જોકે, CBDT (સેન્ટ્રલ બોર્ડ ઓફ ડાયરેક્ટ ટેક્સ) એ સોનાની માલિકી પર મર્યાદા નક્કી કરી છે. આ મર્યાદા અનુસાર, એક પરિણીત મહિલા 500 ગ્રામ સુધી, એક અપરિણીત મહિલા 250 ગ્રામ સુધી અને એક પુરુષ પરિવારનો સભ્ય 100 ગ્રામ સુધી સોનાની માલિકી ધરાવી શકે છે.

જો આટલું સોનું મળી આવે છે, તો તે જપ્ત કરવામાં આવતું નથી, ભલે દસ્તાવેજો તાત્કાલિક ઉપલબ્ધ ન હોય. આ માર્ગદર્શિકા સ્પષ્ટ કરે છે કે સામાન્ય રીતે કેટલું સોનું જપ્ત કરવામાં આવશે નહીં. આવકવેરા અધિકારીઓ શોધ અને જપ્તી દરમિયાન આ માર્ગદર્શિકાનું પાલન કરે છે.

લિમિટથી વધારે સોનુ છે તો શું થશે?

જો કોઈ પરિવાર પાસે તેમની આવકની તુલનામાં વધુ પડતું સોનું હોય તેવું લાગે, તો અધિકારીઓ તેમને પૂછી શકે છે કે શા માટે, ભલે તે નિર્ધારિત મર્યાદામાં હોય. ભારતમાં ઘણા પરિવારો પાસે આ "સેફ લિમિટ" કરતાં વધુ સોનું હોય છે, ખાસ કરીને જ્યારે તેમાં પ્રાચીન ઘરેણાં અને લગ્નની ગિફ્ટ સામેલ છે.

સારી વાત એ છે કે, આ લિમિટથી વધુ સોનું રાખવાથી કોઈ શંકા થતી નથી. જો કે, જો રકમ વધુ પડતી હોય, તો તમને તેના સ્ત્રોતનો પુરાવો માંગવામાં આવી શકે છે, જેમ કે ખરીદી બિલ, વારસો અથવા આવકના રેકોર્ડ. જો તમે સોનું ક્યાથી આવે છે તો કોઇ પરેશાની નથી થતી.

આ દસ્તાવેજ થવી જરુરી

આ જ કારણ છે કે, સોનાનો વ્યવહાર કરતી વખતે સૌથી મહત્વની બાબત એ છે કે, તેનો જથ્થો નહીં, પણ તેનો સ્ત્રોત સાબિત કરવો. ખરીદીના બિલ અને બેંક અથવા ડિજિટલ ચુકવણી રેકોર્ડ હોવાને સૌથી મજબૂત પુરાવો માનવામાં આવે છે. જો બિલ ના હોય તો પણ, તમે તમારી ભૂતકાળની આવક, કૌટુંબિક રેકોર્ડ અથવા રજિસ્ટર્ડ વેલ્યુઅરના રિપોર્ટ દ્વારા સોનાનો સ્ત્રોત સાબિત કરી શકો છો. ઘણા મામલામાં લેખિત નિવેદન અથવા સોગંદનામું પણ સ્વીકારવામાં આવે છે.

આ પણ વાંચોઃ PNBમાં તમારુ ખાતુ હોય તો થઇ જજો સાવધાન ! આ કારણથી થઇ શકે છે બંધ

સોનુ ખરીદતી વખતે આ બાબતોનું રાખો ધ્યાન

ઇનકમ ટેક્સ કાયદા મુજબ, 2 લાખ કે તેથી વધુની ખરીદી સંપૂર્ણપણે કેશમાં કરી શકાતી નથી અને તેના માટે PAN જરૂરી છે. જ્વેલર્સ પણ KYC નિયમોનું પાલન કરવું જોઈએ અને સાચો રેકોર્ડ રાખવા જોઈએ. કુલ મળીને તમે કેટલું સોનું રાખી શકો તેની કોઈ મર્યાદા નથી, પરંતુ તેનો હિસાબ રાખવો જરૂરી છે. મોટાભાગના લોકોને ઘણા ડોક્યુમેન્ટની જરૂર નથી, પરંતુ કેટલાક મહત્વપૂર્ણ રેકોર્ડ રાખવા જરુરી છે, ખાસ કરીને સોનાના ભાવ સતત વધી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ