- અમદાવાદ સહિત ગુજરાતમાં વધ્યાં એક્સ્ટ્રા મેરિટલ અફેર્સના કેસો
- 5 વર્ષમાં એક્સ્ટ્રા મેરિટલ અફેર્સના કેસોમાં અઢી ગણો વધારો
- કપલો અભયમ હેલ્પલાઈન પર કરી રહ્યાં છે એક્સ્ટ્રા મેરિટલ અફેર્સની ફરિયાદ
મહિલાઓની સુરક્ષા માટે શરુ કરવામાં આવેલી હેલ્પલાઈન અભયમ 181 પર આજકાલ અલગ પ્રકારના કેસો સામે આવી રહ્યાં છે અને તે એક્સ્ટ્રા મેરિટલ અફેર્સના કેસો છે. એક્સ્ટ્રા મેરિટલ અફેર્સના કેસોમાં અઢી ગણો વધારો થયો છે. આ અમદાવાદના આંકડા છે પૂરા ગુજરાતમાં આંકડા વધારે હોઈ શકે છે. અમદાવાદ સહિતના ગુજરાતના મોટા શહેરોમાં મહિલાઓ અભયમ હેલ્પલાઈન પર ફોન કરીને પોતાના પતિના એક્સ્ટ્રા મેરિટલ અફેર્સ અને તે સંબંધિત હિંસાની ફરીયાદ કરી રહી છે. મોબાઈલને કારણે એક્સ્ટ્રા મેરિટલ અફેર્સની શંકા વધી રહી છે અને તેને કારણે ઘરેલુ ઝગડાઓ વધી રહ્યાં છે. અભમયમને અલગ અલગ પ્રકારના કેસ મળ્યાં છે.
મહિલા આખી રાત જોતી રહી પતિનો મોબાઈલ
આ કેસમાં હાજર રહેલા એક કાઉન્સેલરે જણાવ્યું હતું કે, એક કેસમાં પતિ સુઈ ગયા બાદ એક મહિલા તેના પતિનો ફોન લઈને આખી રાતતેના તમામ સંદેશાઓ, સોશિયલ મીડિયા પોસ્ટ્સ, વીડિયો વપરાશનો ઇતિહાસ અને કોલ લોગ્સ જોતી હતી. કાઉન્સેલરે વધુમાં જણાવ્યું હતું કે, "તેણે કહ્યું હતું કે તેની પત્નીને એક મહિનાથી પૂરતી ઊંઘ મળી રહી ન હતી કારણ કે તે આખી રાત ફોનમાં ફંફોસતી રહેતી હતી અને પછી સવારમાં આ વાતે ઝગડો કરતી હતી.
ગુજરાતમાંથી દર મહિને 750 જેટલા કોલ
આવો જ એક કિસ્સો છે. અભયમ હેલ્પલાઈનના ડેટા સૂચવે છે કે, લગ્નેતર સંબંધોને લગતા તકલીફ કોલ્સ છેલ્લા પાંચ વર્ષમાં 2.5 ગણા વધ્યા છે. ગુજરાતમાંથી દર મહિને 750 જેટલા કોલ આવે છે ત્યારે ડોમેસ્ટિક વાયોલન્સ અને સતામણી બાદ આ હેલ્પલાઈન પર ફોન કરવાનું આ ત્રીજું સૌથી સામાન્ય કારણ હતું.
ફાલ્ગુની પટેલે આપ્યાં ઉદાહરણો
હેલ્પલાઇનના કો-ઓર્ડિનેટર ફાલ્ગુની પટેલે જણાવ્યું હતું કે, અમારી પાસે એવા ઘણા કિસ્સાઓ છે જેમાં મહિલાઓ સતત તપાસ હેઠળ હોય છે - તેમના જીવનસાથીઓ તેમને પૂછે છે કે તેમને ઓફિસના સમય પછી પુરુષ સહકર્મીના કોલ કેમ આવી રહ્યા છે, તેઓએ વોટ્સએપ પર કોઈની સાથે ચેટ કેમ કરી અથવા તો તેણે સોશિયલ મીડિયા પર પુરુષ કર્મચારીની પોસ્ટ કે લાઈક કરી કે કોમેન્ટ કરી. પુરુષોને પત્નીઓ પર શક પડી રહ્યો છે. આ બધું મોબાઈલને કારણે બની રહ્યું છે. કોરોના વખતે જ્યારે વર્ક ફ્રોમ હોમ એક સામાન્ય બાબત બની ગઈ હતી, ત્યારે લગ્નેતર સંબંધોના ઘણા કિસ્સાઓ સામે આવ્યા હતા. "ઘણા કિસ્સાઓમાં, પતિ અથવા પત્નીને પહેલા શંકા થાય છે, પછી વળગણ જે પાછળથી પાકી શંકામાં ફેરવાય છે.
શું બોલ્યાં મનોચિકિત્સક
શહેરના મનોચિકિત્સક ડો.હંસલ ભચેચે જણાવ્યું હતું કે છેલ્લાં કેટલાંક વર્ષોમાં મોબાઇલ ફોન વિખવાદનું કારણ બની રહ્યો છે. કપલો એકબીજા પર નજર રાખવા માટે
સોફ્ટવેર ઇન્સ્ટોલ કરે છે, અથવા તેઓ વોટ્સએપ જેવા પ્લેટફોર્મ પર ચેટ પર ટેબ રાખવા માટે તેમના ફોનને મિરર કરે છે. તેઓ ઘણીવાર પાસવર્ડ્સ અને રેકોર્ડ કોલની માંગ કરે છે
અને અંતે આવા અવિશ્વાસથી લગ્નજીવન ભાંગી પડે છે. તેમણે કહ્યું કે જો કપલ પાસે છુપાવવા લાયક કંઈ ન હોય તો મોબાઈલને પાસવર્ડ વગર રાખવા જોઈએ. તો જ વિશ્વાસ વધી શકે છે. જો કોઈ પતિ કે પત્નીને કોઈ વાતની શંકા હોય અને સંતોષકારક જવાબ ન મળે તો શક સ્વાભાવિક છે પરંતુ વિશ્વાસની ભાવના જગાડવી હંમેશાં સલાહભર્યું છે.
