વરસાદની આગાહી / સુરત સહિતના ચાર જીલ્લામાં અતિભારેની આગાહી, રેડ એલર્ટ જાહેર, જુઓ તમારા વિસ્તારમાં કેવો વરસાદ

હવામાન વિભાગ દ્વારા રાજ્યમાં સાત દિવસની રાજ્યમાં ભારેથી અતીભારે વરસાદની આગાહી કરવામાં આવી હતી. આજે હવામાન વિભાગ દ્વારા દક્ષિણ ગુજરાતનાં સુરત, નવસારી, વલસાડ, તાપી, દમણમાં ઓરેન્જ એલર્ટ સાથે ભારે વરસાદની આગાહી કરી છે.

આજે ઉત્તર ગુજરાત સહિત અન્ય જીલ્લાઓમાં ભારે વરસાદની આગાહી

તો બીજી તરફ ઉત્તર ગુજરાતનાં બનાસકાંઠા, સાબરકાંઠા, અરવલ્લી, દાહોદ, મહીસાગર, નર્મદા, ભરૂચ તેમજ ડાંગમાં પણ વરસાદની આગાહી હવામાન વિભાગ દ્વારા કરવામાં આવી છે.

સોમવારે ક્યાં જીલ્લાઓમાં વરસાદની આગાહી

જ્યારે 5 ઓગસ્ટનાં રોજ હવામાન વિભાગ દ્વારા દક્ષિણ ગુજરાતનાં સુરત, નવસારી, વલસાડ, ડાંગ, તાપીમાં ભારે વરસાદની આગાહી કરવામાં આવી છે.

વધુ વાંચોઃ ગુજરાતમાં શંકાસ્પદ ચાંદીપુરા વાયરસના કેસ 150ને પાર, અત્યાર સુધીમાં 66 દર્દીઓના મોત

બે દિવસ રાજ્યમાં ગાજવીજ સાથે વરસાદની સંભાવના

સુરત, નવસારી, વલસાડ, દમણ અને દાદરા નગર હવેલીમાં અતિ ભારે વરસાદની આગાહી કરાઈ જેને લઈ એલર્ટ અપાયું છે. બનાસકાંઠા, સાબરકાંઠા, અરવલ્લી, ખેડા અને તાપીમાં અતિભારે વરસાદની શક્યતા છે. ઉલ્લેખનીય છે કે, આગામી બે દિવસ રાજ્યમાં ગાજવીજ સાથે વરસાદની સંભાવના વ્યક્ત કરાઈ છે.