તારાજી / શિવરાજપુર બીચ પર ભયંકર નુકસાન, BSFનું હેડ ક્વાર્ટર ધ્વસ્ત, મંદિરમાં દર્શન ફરી શરૂ: વાવાઝોડા બાદ દ્વારકામાં જુઓ કેવા છે હાલ

• વાવાઝોડા બાદ દ્વારકામાં જનજીવન સામાન્ય બન્યું
• દ્વારકાધીશના દર્શન કરવા લોકો આવી રહ્યા છે દ્વારકા
• ઓડિશાના લોકો 2 દિવસથી દ્વારકામાં ફસાયા હતા
• ઓડિશાથી ભગવાન દ્વારકાધીશના દર્શન કરવા આવ્યા હતા દ્વારકા

 વાવાઝોડા બાદ દ્વારકામાં જનજીવન સામાન્ય બન્યું હતું. ત્યારે દ્વારકાધીશનાં દર્શન કરવા લોકો દ્વારકા આવી રહ્યા છે. ઓડિશાથી દ્વારકા દર્શન કરવા આવેલ 2 લોકો વાવાઝોડાનાં કારણે દ્વારકામાં ફસાયા હતા. ત્યારે દ્વારકામાં વાતાવરણ સામાન્ય બનતા ઓડિશાનાં લોકોએ ભગવાનનો આભાર માન્યો હતો. ઓડિશાનાં લોકો ભગવાન દ્વારકાધીશનાં દર્શન કરવા દ્વારકા આવ્યા હતા. ઓડિશાથી દ્વારકા આવ્યા બાદ  વાવાઝોડું આવતા લોકો ફસાયા હતા.

વાવાઝોડાથી BSFના હેડ ક્વાર્ટરમાં થયું ભારે નુકસાન 
દ્વારકાના મીઠાપુરમાં વાવાઝોડાથી ભારે નુકશાન થયું છે. ત્યારે મીઠાપુર પાસે આવેલ BSF નું હેડ ક્વાર્ટર ધ્વસ્ત થયું છે. વાવાઝોડાથી BSF  હેડ ક્વાર્ટરમાં પણ ભારે નુકશાન થવા પામ્યું છે. BSFના હેડ ક્વાર્ટરની એક પણ ઓફિસ વાવાઝોડાની અસરથી બચી શકી નથી. 

દ્વારકાના શિવરાજપુર બીચ પર ભારે નુકસાન
બિપોરજોય વાવાઝોડા બાદ દ્વારકા જીલ્લામાં ભારે નુકશાન થવા પામ્યું છે. દ્વારકાનાં શિવરાજપુર બીચ પર ભારે નુકશાન થવા પામ્યું છે. શિવરાજપુર બીચ પર આવેલા ગાર્ડનમાં પાણી ભરાયા હતા. બીચ બહાર આવેલા તમામ સ્ટોલ ધરાશાયી થયા હતા. ત્યારે સ્ટોલ ફ્રીઝ અને લારીઓનો પણ નુકશાન થવા પામ્યું છે.