ચેતજો / શું તમે પણ ફણગાવેલા અનાજને રોજ હેલ્ધી સમજીને ખાઓ છો? તો એલર્ટ, નહીં તો થશે મોટું નુકસાન, જુઓ શું કહે છે રિસર્ચ

• ફણગાવેલા અનાજ પણ હોઈ શકે છે સ્વાસ્થ્ય માટે હાનિકારક
• ફણગાવેલા અનાજને આ રીતે ખાવું
• રિસર્ચમાં સામેં આવ્યું ચોંકાવનારું પરિણામ

કહેવાય છે કે જેવુ અન્ન તેવુ મન. જેના અન્ન નોખા તેના મન નોખા. ખોરાક સાથે સંકળાયેલ આવી ઘણી કહેવતો સાંભળી છે. આ કહેવતો પણ 100 ટકા સાચી છે. જો આપણે શુધ્ધ અને સાત્વિક ખોરાક લઈએ તો તેની ખુબ સારી અસર આપણા મન પર પડે છે. આ સાથે જ તે આપણા સ્વાસ્થ્ય માટે પણ ફાયદાકારક હોય છે. જો ફણગાવેલા અનાજનું મર્યાદિત માત્રામાં સેવન કરવામાં આવે તો તે ફાયદાકારક છે. પરંતુ વધુ પડતા અંકુરિત કઠોળ ખાવાથી શરીરને નુકસાન પણ થાય છે.

ફૂડ પોઈઝનિંગ, ઝાડા, ઉલટી જેવી સમસ્યા માથું ઊંચકી શકે
રિસર્ચમાં સામેં આવ્યું કે કોઈ ખાદ્ય પદાર્થને રાધવામાં આવે ત્યારે વરાળને લીધે આ ખોરાકમાં રહેલા બેક્ટેરિયાનો નાશ થઈ જાય છે. પરંતુ જો સ્પ્રાઉટ્સ કાચા ખાવામાં આવતા હોવાથી તેમાં રહેલા બેક્ટેરિયા મરતા નથી. રિપોર્ટમાં જણાવાયા અનુસાર સ્પ્રાઉટ્સમાં સૅલ્મોનેલા, લિસ્ટેરિયા મોનોસાયટોજેન્સ, સ્ટેફાયલોકોકસ, બેસિલસ સેરિયસ, એરોમોનાસ હાઇડ્રોફિલા, શિગેલા, યર્સિનિયા એન્ટરકોલિટીકા અને ઇ-કોલી જેવા બેક્ટેરિયા હોય છે. જેના કારણે ફૂડ પોઈઝનિંગ, ઝાડા, ઉલટી જેવી સમસ્યા માથું ઊંચકી શકે છે.

અમુક લોકો એવું માને છે કે ફણગાવેલા કઠોળ ખાવાથી ખુબ ફાયદો થાય છે. તો હવે આ રિસર્ચ જાણ્યા બાદ મનમાં એવી સવાલ થાય છે કે ફણગાવેલા કઠોળ ખાવા જોઈએ કે નહીં! ત્યારે જાણો ફણગાવેલા અનાજને કેવી રીતે ખાવુ જોઈએ.

ફણગાવેલા અનાજને આ રીતે ખાવું

• ફણગાવેલા અનાજ હાનિકારક હોય તેવું રિસર્ચમાં સામે આવ્યું છે તો સૌથી પહેલા ઘરમાં સ્વચ્છ અને કેમિકલમુક્ત અનાજ અંકુરિત કરવું જોઈએ. સ્પ્રાઉટ્સ પેકેટ બજારમાંથી ન લાવવા જોઈએ.
• અનાજને અંકુરિત કરવા માટે લાંબા સમય સુધી કપડામાં બાંધી રાખવું જોઈએ નહિ. માત્ર 5 થી 7 કલાકમાં તેમાંથી અંકુરિત થઈ જાય છે. 
• વધુમાં હાનિકારકતાને ધ્યાને લઈને ફણગાવેલા અનાજને કાચા ખાવાને બદલે ઉકાળીને અથવા માખણમાં તળી તેનો આહારમાં સમાવેશ કરવો જોઈએ.