- વાયુ પ્રદૂષણને કારણે હાર્ટ એટેકનું જોખમ
- બદલાતી લાઈફસ્ટાઈલના કારણે લોકો હ્રદયરોગનો શિકાર થઈ રહ્યા છે
- હ્રદયરોગથી બચવા માટે ફોલો કરો આ ટિપ્સ
બદલાતી લાઈફસ્ટાઈલ અને ખાનપાનની આદતોમાં ફેરફાર થવાને કારણે લોકો અનેક સમસ્યાનો શિકાર થઈ રહ્યા છે. હાલના સમયમાં અનેક લોકો હ્રદયરોગથી પીડાઈ રહ્યા છે. હાર્ટ એટેક મેડિકલ ઈમરજન્સી છે, જેમાં લોહીના ગઠ્ઠા થવા લાગે છે, જેના કારણે બ્લડ ફ્લો અટકી જાય છે અને હાર્ટ ટિશ્યૂઝમાં ઓક્સિજનની કમી થવા લાગે છે. અનેક સ્ટડી પરથી જાણવા મળ્યું છે કે, વાયુ પ્રદૂષણને કારણે હાર્ટ એટેક, સ્ટ્રોક અને ઈર્રેગ્યુલર હાર્ટ રિથમ ટ્રિગર થઈ શકે છે. આ તમામ તકલીફથી કેવી રીતે બચી શકાય તે અંગે અહીંયા જણાવવામાં આવ્યું છે.
વાયુ પ્રદૂષણ શા માટે જોખમી છે?
સતત પ્રદૂષણ વધવાને કારણે આરોગ્ય પર અસર થાય છે. વાયુ પ્રદૂષણને કારણે હાર્ટની લોહીને પંપ કરવાની ક્ષમતા ઓછી થઈ શકે છે.
કોને સૌથી વધુ જોખમ રહે છે?
- હાર્ટ એટેક, એનજાઈના, બાઈપાસ સર્જરી, સ્ટ્રોક, ગરદન અને પગની આર્ટરીઝમાં તકલીફ, હાર્ટ ફેલિયર, ડાયાબિટીસ અથવા ક્રોનિક ઓબ્સટ્રક્ટિવ પલ્મોનરી ડિસીઝ ધરાવતા લોકોને હ્રદયરોગનું વધુ જોખમ રહે છે.
- 45 વર્ષથી વધુ ઉંમરના પુરુષ અને 55 વર્ષથી વધુ ઉંમરની મહિલાઓને લોકોને હ્રદયરોગનું વધુ જોખમ છે.
- પરિવારમાં સ્ટ્રોક અથવા હાર્ટ ડિસીઝની હિસ્ટ્રી હોય, હાઈ બ્લડપ્રેશર અથવા હાઈ કોલસ્ટ્રોલની સમસ્યા હોય તો હ્રદયરોગનું વધુ જોખમ છે.
- વજન વધુ હોય અને ફિઝીકલી એક્ટીવ ના હોય, સીગારેટ પીતા હોય તો હ્રદયરોગનું જોખમ રહે છે.
સુરક્ષિત રહેવા માટેની ટિપ્સ-
- હ્રદયરોગની બિમારી હોય, સ્ટ્રોક આવ્યો હોય તો વાયુ પ્રદૂષણથી બચવા માટે ડોકટરની સલાહ લેવી.
- હ્રદયરોગ અથવા સ્ટ્રોકનું જોખમ હોય અને કસરત કરવાનું વિચારી રહ્યા છો, તો ડોકટરની સલાહ લેવી.
- હાર્ટ હેલ્ધી રહે તે માટે સંતુલિત આહારનું સેવન કરવું.
- લાઈફસ્ટાઈલમાં યોગ્ય ફેરફાર કરીને હાર્ટ એટેકથી બચી શકાય છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
