બોટાદ / VIDEO : જેનું કોઈ નથી તેના ખજૂરભાઈ છે.!, ભગવાને એક હાથે લીધું અને બીજા હાથે દીધું આને કે'વાય

• ગઢડામાં 51 વર્ષીય મહિલાની વ્હારે આવ્યા ખજૂરભાઈ
• મહિલા છેલ્લા 7 વર્ષથી પથારીવશ છે
• ખજુરભાઈએ મહિલાને એર કુલર,એર ગાદલું આપ્યું

ગઢડા શહેરમા રહેતી ૫૧ વર્ષના મહિલાની વ્હારે યૂટ્યૂબર ખજુરભાઈ આવ્યા હતા. આશાબેન શેખ નામની મહિલા છેલ્લા ૭ વર્ષથી માંદગીના ખાટલે છે. જે ખજુરભાઈ ને ખબર પડતાં ગઢડા દોડીઆવી મહિલાને એર કુલર તેમજ એર ગાદલું આપી તેને મકાન બનાવવાની ખાત્રી આપી હતી. જ્યારે ખજુરભાઈ ગઢડામા આવ્યાના સમાચાર મળતા મોટી સંખ્યામાં ચાહકો ઉમટી પડ્યા હતા.

માતા પિતા અને ભાઈનું નિધન થતા હાલ તે એકલા જ રહે છે
બોટાદ જિલ્લાના ગઢડા શહેરમાં આવેલ બોટાદના ઝાંપે વિસ્તારમાં આશાબેન શેખ કે જેઓ ૭ વર્ષ પહેલા પડી જતા તેને મણકા તુટી ગયેલ અને પેરેલીસીસ થયેલ છે. જેથી તેઓ માંદગીની પથારીમાં હતા. આશાબેન પોતાના ખાટલા પર સાડીના લીરા કરીને ઉપર બાંધીને તે બેસતાં હતાં. આમ સાત વર્ષથી હેરાન પરેશાન થઈ રહ્યા છે. તેમજ તેમના માતા પિતા અને ભાઈનું નિધન થતા હાલ તે એકલા જ રહે છે. 

ખજૂર ભાઈએ સારવાર કરાવવાની ખાત્રી આપી
આશાબેન પોતાના સગા સંબંધી તેમજ સંસ્થાઓ તેમજ આગેવાનો પાસે અનેકવાર મદદ માંગી હતી. પરંતુ ક્યાંયથી મદદ મળી ન હતી અને આખરે આશાબેને ખજુરભાઈને ફોન કરતા ખજુરભાઈ ગઢડા દોડી આવ્યા હતા. અને તેણે આશાબેનને એર કુલર,એર ગાદલું આપ્યું હતું અને આશાબેનને જમાડ્યા હતા અને તેને મકાન બનાવી દેવાની તેમજ તેમને સારવાર કરાવવાની ખાત્રી આપી હતી. 

ખજુરભાઈ એટલે કે નિતીન જાની ગઢડા આવ્યા છે. તે સમાચાર મળતાની સાથે ખજુરભાઈ ના ચાહકો મોટી સંખ્યામાં ઉમટી પડ્યા હતા અને સતત ત્રણ કલાક સુધી રસ્તા પર લોકોની ભીડ જોવા મળી હતી.