અટપટો કેસ / 3 લગ્ન કરીને ફસાયા વૃદ્ધ, ત્રીજા લગ્નના 25 વર્ષ બાદ બે પત્નીઓએ કર્યો કેસ, હાઈકોર્ટે આપ્યો આ ચુકાદો

• કર્ણાટક હાઈકોર્ટમાં આવ્યો બહુવિવાહનો કેસ 
• 77 વર્ષીય શખ્સે કર્યાં હતા ત્રણ લગ્ન
• ત્રીજા લગ્નના 25 વર્ષ બાદ પહેલી પત્નીએ કર્યો કેસ 
• હાઈકોર્ટનો ચુકાદો- હિંદુ ધર્મમાં બહુવિવાહની મંજૂરી નથી
• હાઈકોર્ટે ઠુકરાવી બીજી પત્નીની ફેમિલી પેન્શનની અરજી

કર્ણાટક હાઈકોર્ટમાં બહુવિવાહનો એક કેસ આવ્યો છે. 77 વર્ષીય આનંદે ત્રણ લગ્ન કર્યાં હતા અને ત્રીજા લગ્નના 25 વર્ષ બાદ પહેલી પત્નીએ તેમની સામે બહુવિવાહનો કેસ દાખલ કર્યો હતો. 77 વર્ષીય આનંદે પોતાની સામેનો કેસ રદ કરાવવા માટે કર્ણાટક હાઈકોર્ટમાં અરજી કરી હતી. શનિવારે આ કેસની સુનાવણી ચાલી હતી જેમાં જસ્ટિસ એમ.નાગપ્રસન્નાએ પોતાના ચુકાદામાં કહ્યું હતું કે આનંદ અને તેમની ત્રીજી પત્ની વિરુદ્ધનો કેસ રદ ન કરી શકાય કારણ કે તેઓ અગાઉના લગ્નો વિશે જાણતા હતા. જો કે, આનંદના મિત્રો સામે દ્વિલગ્ન માટે દુષ્પ્રેરણાનો કેસ રદ કરવામાં આવ્યો હતો.

77 વર્ષીય આનંદે કર્યાં હતા ત્રણ લગ્ન 
આનંદે 1968માં ચંદ્રમ્મા સાથે લગ્ન કર્યા હતા. ત્યાર બાદ તેમણે 1972માં સાવિત્રીમા સાથે લગ્ન કર્યા હતા.આનંદે દાવો કર્યો છે કે ચંદ્રમ્માએ બીજા લગ્ન માટે સંમતિ આપી હતી. આનંદે 1993 માં વરલક્ષ્મી સાથે લગ્ન કર્યા હતા અને હાઈકોર્ટ સમક્ષ દાવો કર્યો હતો કે તેની પ્રથમ બે પત્નીઓએ ત્રીજા લગ્ન માટે સંમતિ આપી હતી. ચંદ્રમ્માએ 2018 માં બહુવિવાહની ફરિયાદ નોંધાવી હતી. તેણે આરોપ લગાવ્યો હતો કે આનંદે વરલક્ષ્મી સાથે લગ્ન કરતી વખતે તેના અગાઉના લગ્ન વિશેની માહિતી છુપાવી હતી.

ત્રીજા લગ્નના 25 વર્ષ બાદ પહેલી પત્નીએ ફરી બહુવિવાહની ફરિયાદ 
આનંદ  તેની ત્રીજી પત્ની અને અન્ય આરોપીઓએ તેને હાઈકોર્ટમાં એ આધાર પર પડકાર્યો હતો કે લગ્નના લગભગ 25 વર્ષ પછી ફરિયાદ દાખલ કરવામાં આવી હતી. બીજી દલીલ એ હતી કે તેની અન્ય બે પત્નીઓએ ત્રીજા લગ્ન માટે સંમતિ આપી હતી. આનંદે દાવો કર્યો હતો કે તેની ત્રણ પત્નીઓ સાથે સંકળાયેલા સંપત્તિના વિવાદ બાદ દ્વિ-લગ્નનો કેસ નોંધવામાં આવ્યો હતો. 

બહુવિવાહ અપરાધ, પહેલી પત્નીની મંજૂરી અનૈતિક- કર્ણાટક હાઈકોર્ટ
કર્ણાટક હાઈકોર્ટે તેના ચુકાદામાં એવું જણાવ્બયું કે હુવિવાહ ગુનો છે અને પતિને બીજા લગ્ન કરવાની પત્ની દ્વારા મંજૂરી આપવી અનૈતિક છે. 77 વર્ષીય વૃદ્ધ દ્વારા પોતાની સામે દાખલ કરવામાં આવેલી બહુવિવાહની એક અરજીને રદ કરવા સંબંધિત અરજી પર સુનાવણી કરતા હાઈકોર્ટે આવું જણાવ્યું હતું. 77 વર્ષીય આનંદ નામના શખ્સે 1968માં ચંદ્રઅમ્મા સાથે લગ્ન કર્યાં હતા ત્યાર બાદ 1972માં ચંદ્રઅમ્માની બહેન સવિત્રાઅમ્મા સાથે લગ્ન કર્યાં હતા. 1993માં વારાલક્ષ્મી સાથે ત્રીજા લગ્ન કર્યાં હતા. ચંદ્રઅમ્માએ 2018માં આનંદની સામે બહુવિવાહનો કેસ દાખલ કર્યો હતો. તેણે એવો આક્ષેપ કર્યો હતો કે આનંદે તેનાથી એ વાત છૂપાવી હતી કે તેણે અગાઉ વારાલક્ષ્મી સાથે લગ્ન કર્યાં હતા.