દુ:ખદ અકસ્માત / ભારતના અબજોપતિ બિઝનેસમેન અને તેમના દીકરાનું નિધન: ઝીમ્બાબ્વેમાં ક્રેશ થયું હતું વિમાન, કુલ છ લોકોના નિધન

• દક્ષિણ-પશ્ચિમ ઝિમ્બાબ્વેમાં એક પ્લેન ક્રેશ થયું
• દુર્ઘટનામાં માઈનિંગ કંપનીના માલિક હરપાલ રંધાવાનું મૃત્યુ 
• રંધાવા સાથે તેમના પુત્ર અને એક મિત્રએ પણ જીવ ગુમાવ્યો 

દક્ષિણ-પશ્ચિમ ઝિમ્બાબ્વેમાં હીરાની ખાણ નજીક એક ખાનગી વિમાન ટેકનિકલ ખામીને કારણે ક્રેશ થયું હતું, જેમાં એક ભારતીય બિઝનેસમેન અને તેના પુત્ર સહિત તેમાં સવાર છ લોકોના મોત થયા હતા. મીડિયામાં છપાયેલા સમાચારો પરથી આ જાણકારી સામે આવી છે. એક ન્યૂઝ વેબસાઈટે પોતાના સમાચારમાં જણાવ્યું છે કે મશાવાના જવામહાંડે વિસ્તારમાં થયેલી વિમાન દુર્ઘટનામાં માઈનિંગ કંપની 'રિયોઝિમ'ના માલિક હરપાલ રંધાવા, તેમના પુત્ર અને અન્ય ચાર લોકોના મોત થયા છે.

 

भारतीय अरबपति हरपाल समेत 6 की प्लेन क्रैश में मौत, उनका बेटा भी विमान में था सवार

हरारे से मुरोवा जा रहा था एयरक्राफ्ट, जिम्बाब्वे में हुआ हादसा#harpal #planecrash #viralvideo pic.twitter.com/30nzgReknb

— Shailendra Singh (@Shailendra97S) October 2, 2023

વિમાનમાં તકનીકી ખામી સર્જાઈ 

'રિયોઝિમ' એ સોના અને કોલસા તેમજ નિકલ અને તાંબાનું શુદ્ધિકરણ કરતી મુખ્ય ખાણકામ કંપની છે. અહેવાલો અનુસાર 'રિયોઝિમ'ની માલિકીનું સેસના 206 વિમાન શુક્રવારે હરારેથી મુરોવા હીરાની ખાણ તરફ જઈ રહ્યું હતું ત્યારે આ દુ:ખદ અકસ્માત થયો હતો. સિંગલ-એન્જિન પ્લેન મુરોવા હીરાની ખાણ પાસે ક્રેશ થયું હતું, જે રિયોઝિમ ની સહ-માલિકીની છે. અહેવાલો અનુસાર, જવામહાંડેના પીટર ફાર્મમાં પડતા પહેલા વિમાનમાં તકનીકી ખામી સર્જાઈ હતી, જેના કારણે તે હવામાં વિસ્ફોટ થઈ શકે છે.

આ અકસ્માતમાં રંધાવાના મિત્રનું પણ મોત થયું હતું

કહેવામાં આવી રહ્યું છે કે આ દુર્ઘટનામાં પ્લેનમાં સવાર તમામ યાત્રીઓ અને ક્રૂ મેમ્બરના મોત થયા છે. મળતી માહિતી મુજબ અકસ્માતમાં માર્યા ગયેલા ચાર લોકો વિદેશી હતા. જ્યારે અન્ય બે ઝિમ્બાબ્વેના નાગરિક હતા. પોલીસે હજુ સુધી મૃતકોના નામ જાહેર કર્યા નથી, પરંતુ રંધાવાના મિત્ર અને વ્યાવસાયિક પત્રકાર અને ફિલ્મ નિર્માતા હોપવેલ ચિનોનોએ અકસ્માતમાં તેમના મૃત્યુની પુષ્ટિ કરી છે.