માન્યતા / મંગળવારે હનુમાન દાદાને કેમ ધરાવવામાં આવે છે બુંદીનો પ્રસાદ? રોચક છે કારણ, થાય છે આ 3 લાભ

• મંગળારે બજરંગબલીની પૂજા અર્ચના કરવાનો દિવસ
• હનુમાનજીને બુંદીનો પ્રસાદ કેમ ચઢાવવામાં આવે છે?
• દૂધથી બનેલ મિઠાઈનો ભોગ ના લગાવવો જોઈએ

શાસ્ત્રો અનુસાર મંગળારે બજરંગબલીની પૂજા અર્ચના કરવાનો દિવસ હોય છે. શું તમે ક્યારેય ધ્યાનમાં લીધું છે કે મંગળવારના દિવસે હનુમાનજીને બુંદીનો પ્રસાદ કેમ ચઢાવવામાં આવે છે. હનુમાનજીની પૂજામાં દૂધથી બનેલ મિઠાઈનો ભોગ ના લગાવવો જોઈએ. 

હનુમાનજીને બુંદીનો ભોગ શા માટે ધરાવાય છે?
હનુમાનજીનો જન્મ મંગળવારે થયો હતો અને જેથી આ દિવસે તેમની પૂજા કરવામાં આવે છે. હનુમાનજીને દૂધથી બનેલ મિઠાઈ ધરાવવામાં આવતી નથી. દૂધ ચંદ્રમાનું પ્રતિક છે. ચંદ્રમા અને મંગળ વચ્ચે મિત્રવત ભાવ નથી, આ કારણોસર હનુમાનજીને મીઠી બૂંદીનો ભોગ ધરાવવામાં આવે છે. હનુમાનજીને બુંદી અથવા બુંદીના લાડવા ધરાવવાથી તમામ મનોકામના પૂર્ણ થાય છે અને તેમના આશીર્વાદથી તમામ કાર્યમાં સફળતા મળે છે. 

હનુમાનજીને સિંદૂર શા માટે ચઢાવવામાં આવે છે?
અયોધ્યામાં માઁ સીતા સિંદૂર લગાવી રહ્યા હતા, તે સમયે હનુમાનજીને તેમને જિજ્ઞાસાપૂર્વક જોઈ રહ્યા છે. તે સમયે સીતા માતાએ પૂછ્યું હતું કે, હનુમાન તમે શું જોઈ રહ્યા છો? બજરંગબલીએ સામે સવાલ કર્યો હતો કે, માતે તમે સિંદૂર કેમ લગાવો છો? તે સમયે સીતાજીએ કહ્યું હતું કે, આ પ્રકારે કરવાથી પ્રભુ રામ પ્રસન્ન થાય છે. 

આટલું સાંભળીને હનુમાનજી આખા શરીરે સિંદૂર લગાવીને રામ દરબારમાં પહોંચી ગયા. તે સમયે સહુ લોકો હનુમાનજીને જોઈને હસવા લાગ્યા અને સવાલ થયો કે, હનુમાનજીએ સિંદૂર કેમ લગાવ્યું છે? ભગવાન રામે હનુમાનજીને પૂછ્યું કે, તમે આ શું રૂપ ધારણ કર્યું છે?

હનુમાનજીએ કહ્યું માતા સીતા દરરોજ માથા પર સિંદૂર લગાવે છે, જેથી તમે પ્રસન્ન રહો છો. જેથી મેં પણ વિચાર્યું કે, હું આખા શરીરે સિંદૂર લગાવું તો તમે પણ પ્રસન્ન થશો. હનુમાનજીની આ વાત સાંભળીને પ્રભુ રામ હસવા લાગ્યા. ત્યારથી હનુમાનજીની કૃપા પ્રાપ્તિ માટે તેમને સિંદૂર અર્પણ કરવામાં આવે છે. 

હનુમાનજીને સિંદૂર ચઢાવવાના ફાયદા

• હનુમાનજીને સિંદૂર અર્પણ કરવાથી કુંડળીમાં મંગળ દોષ દૂર થાય છે અને હનુમાનજી પ્રસન્ન થાય છે.  
• હનુમાનજીને નારંગી સિંદૂર અર્પણ કરવાથી તેમની ભક્તિ પ્રાપ્ત થાય છે. હનુમંત કૃપાથી જીવનમાં અધ્યાત્મ વધે છે. 
• હનુમાનજીને સિંદૂર અર્પણ કરવાથી દાંપત્ય જીવન સુખમયી બને છે અને સૌભાગ્ય પ્રાપ્તિ થાય છે.