ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / ફેશન અને સૌંદર્ય / અંબાણી મહિલાઓ ફરી છવાઈ, કોકીલાબેને સાથે જોવા મળ્યો સ્ટાઈલીશ લુક, અનારકલી ડ્રેસમાં જોવા મળી ઈશા
6 ફોટો ગેલેરી
Last Updated: 04:31 PM, 29 October 2026
FOLLOW ON
શેર કરો
1/6
અંબાણી પરિવારના દરેક ખાસ પ્રસંગમાં ફેશન અને શાહી અંદાજની ઝલક જોવા મળે છે. Jio Platformsના IPOની લિસ્ટિંગ બાદ યોજાયેલી પાર્ટીમાં પણ કંઈક આવું જ જોવા મળ્યું. નીતા અંબાણી, ઈશા અંબાણી અને કોકિલાબેન અંબાણી પોતાના અલગ-અલગ અંદાજમાં જોવા મળ્યાં. કોઈએ ભારે ભરતકામવાળી સાડી પસંદ કરી તો કોઈએ હળવા રંગના પરંપરાગત પોશાકથી સૌનું ધ્યાન ખેંચ્યું. ત્રણેયના કપડાં, ઘરેણાં અને સ્ટાઇલની ખાસિયત જાણીએ.
આ તસવીર શેર કરો
2/6
Jio Platformsના IPOની લિસ્ટિંગ બાદ અંબાણી પરિવારમાં ખાસ કાર્યક્રમનું આયોજન કરવામાં આવ્યું હતું. 28 ઓક્ટોબરે શેરબજારમાં લિસ્ટિંગના પ્રસંગે પણ પરિવારની મહિલાઓના પરંપરાગત કપડાં ચર્ચામાં રહ્યા હતા. ત્યાર બાદ યોજાયેલી પાર્ટીમાં નીતા અંબાણી, તેમની દીકરી ઈશા અંબાણી અને કોકિલાબેન અંબાણીનો અંદાજ જોવા મળ્યો હતો. ત્રણેયે અલગ રંગ અને ડિઝાઇનનાં કપડાં પસંદ કર્યાં હતાં. તેમના પોશાક સાથેનાં ઘરેણાં અને સ્ટાઇલ પણ આકર્ષણનું કેન્દ્ર બન્યાં હતાં.
આ તસવીર શેર કરો
ADVERTISEMENT
3/6
નીતા અંબાણી ઘેરા લીલા રંગની સુંદર સાડીમાં જોવા મળ્યાં હતાં. સાડી પર સિલ્વર અને ગોલ્ડન રંગનું બારીક ભરતકામ કરવામાં આવ્યું હતું. ફૂલો, પાંદડાં અને વેલની ડિઝાઇન સાડીને પરંપરાગત લુક આપતી હતી. તેની બોર્ડર પર કરવામાં આવેલી ભારે કઢાઈને કારણે સાડી વધુ સુંદર લાગતી હતી. તેમણે આ સાડી સાથે મેચિંગ લીલો બ્લાઉઝ પહેર્યો હતો. બ્લાઉઝની હાફ સ્લીવ્ઝ અને ગોલ્ડન બોર્ડર સાડીની ડિઝાઇન સાથે સારી રીતે મેળ ખાતી હતી.
આ તસવીર શેર કરો
4/6
સાડી સાથે નીતા અંબાણીએ ડાયમંડ અને એમરલ્ડ એટલે કે લીલા રંગના કિંમતી પથ્થરોની જ્વેલરી પહેરી હતી. તેમના ગળામાં લીલા પથ્થરોવાળો સ્ટેટમેન્ટ નેકલેસ જોવા મળ્યો હતો. તેની સાથે મેચિંગ ઇયરિંગ્સ પહેર્યાં હતાં. હાથમાં બ્રેસલેટ અને આંગળીઓમાં વીંટીઓ પણ જોવા મળી હતી. ખુલ્લા વાળ, નાની બિંદી અને હળવા મેકઅપ સાથે તેમણે પોતાનો લુક પૂરો કર્યો હતો. લીલી સાડી અને લીલા પથ્થરોની જ્વેલરીના મેળે તેમના અંદાજને શાહી દેખાવ આપ્યો હતો.
આ તસવીર શેર કરો
ADVERTISEMENT
5/6
કોકિલાબેન અંબાણી હળવા લેવેન્ડર અને બ્લુ રંગની ફ્લોરલ પ્રિન્ટવાળી સાડીમાં જોવા મળ્યાં હતાં. સાડી પર ગુલાબી, લીલા અને જાંબલી રંગનાં ફૂલોની ડિઝાઇન હતી. હળવા રંગો અને ફૂલોની પ્રિન્ટને કારણે તેમનો લુક સુંદર અને સાદગીભર્યો લાગતો હતો. સાડીની બોર્ડર પર ગુલાબી અને બ્લુ રંગનું બારીક ભરતકામ કરવામાં આવ્યું હતું. આ ડિઝાઇનથી સાડીની સુંદરતા વધી હતી અને તેમનો પરંપરાગત અંદાજ અલગ દેખાતો હતો. કોકિલાબેને સાડી સાથે ગળામાં મોતીની અનેક લેયરવાળી માળા પહેરી હતી. કાનમાં નાનાં ઇયરિંગ્સ અને હાથમાં ડાયમંડનાં કંગન તથા વીંટી જોવા મળ્યાં હતાં. તેમણે હાથમાં ઘડિયાળ પણ પહેરી હતી. વાળનો અંબોડો અને લાલ બિંદીએ તેમના લુકને પરંપરાગત બનાવ્યો હતો. ભારે ઘરેણાંની જગ્યાએ પસંદ કરેલી જ્વેલરીએ તેમના પોશાક સાથે સરસ મેળ બેસાડ્યો હતો. હળવા રંગની સાડી અને મોતીની માળાના કોમ્બિનેશનથી તેમનો અંદાજ સુંદર લાગતો હતો.
આ તસવીર શેર કરો
6/6
ઈશા અંબાણીએ આઇવરી એટલે કે ક્રીમ રંગનો ભરતકામવાળો અનારકલી સૂટ પહેર્યો હતો. ફ્લોર-લેન્થ અનારકલી પર ફૂલો અને વેલની બારીક ડિઝાઇનનું ભરતકામ કરવામાં આવ્યું હતું. આખા પોશાકમાં એક જ રંગના અલગ શેડ્સનો ઉપયોગ થયો હતો, જેના કારણે તેની ડિઝાઇન વધુ સુંદર દેખાતી હતી. ફુલ સ્લીવ્ઝ અને બંધ ગળાની ડિઝાઇનથી પોશાકને શાહી અંદાજ મળ્યો હતો. તેમણે આ સાથે મેચિંગ બોટમ અને આઇવરી રંગનો દુપટ્ટો પહેર્યો હતો. પોશાકની હળવી ચમક અને બારીક કઢાઈએ તેમના લુકને પરંપરાગત હોવા છતાં ક્લાસી બનાવ્યો હતો.ઈશા અંબાણીએ પોતાના પોશાક સાથે ડાયમંડનાં સ્ટેટમેન્ટ ડ્રોપ ઇયરિંગ્સ અને વીંટી પહેરી હતી. તેમણે ગળામાં નેકલેસ કે ભારે ઘરેણાં પહેરવાનું ટાળ્યું હતું. તેના કારણે અનારકલી પર કરવામાં આવેલી કઢાઈ સ્પષ્ટ રીતે દેખાતી હતી. હાફ ઓપન અને વચ્ચે માગ કાઢેલી હેરસ્ટાઇલ સાથે તેમણે હળવો મેકઅપ કર્યો હતો. નેચરલ લુક આપતી લિપસ્ટિક અને હળવા આઇ મેકઅપથી તેમનો દેખાવ વધુ સુંદર લાગતો હતો. ઓછી જ્વેલરી અને બારીક ભરતકામવાળા પોશાકના કોમ્બિનેશનથી ઈશાનો અંદાજ સાદગીભર્યો છતાં આકર્ષક રહ્યો હતો.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
