નેશનલ / પ્રેમ પ્રકરણમાં પતિ પર ખૂની હુમલો, ચાકુથી તાબડતોબ વાર, સીસીટીવી ફૂટેજે ખોલ્યા રાઝ

ગાઝિયાબાદના વસુંધરા વિસ્તારમાં પ્રેમસંબંધોને કારણે એક હચમચાવી નાખળારી અને દિલ દ્રવી જાય તેવી ઘટના પ્રકાશમાં આવી છે. અહીં એક જિમ ટ્રેનરે ઘરમાં ઘૂસીને મહિલાના પતિ પર ચાકુથી આડેધડ ઘા મારીને જીવલેણ હુમલો કર્યો હતો. આ સનસનાટીભર્યા કેસમાં પોલીસે ત્વરિત કાર્યવાહી કરીને આરોપી જિમ ટ્રેનર અને તેની મહિલા મિત્ર બંનેની ધરપકડ કરીને જેલના સળીયા પાછળ મોકલી આપ્યા છે.

ઘટનાની વિગતો અને પોલીસ તપાસ

ગાઝિયાબાદના ઇન્દિરાપુરમ પોલીસ સ્ટેશન વિસ્તાર અંતર્ગત આવતી વસુંધરાની જાગૃતિ આરડબ્લ્યુએ સોસાયટીમાં 26 ઓક્ટોબરની સવારે આ ઘટના બની હતી. જિમ ટ્રેનર પ્રતાપ સિંહે પ્રિયા શર્માના પતિ શશાંક કંથરિયાના ઘરમાં ઘૂસીને ચાકુ વડે અનેક ગંભીર વારો કર્યા હતા. પોલીસ તપાસમાં પત્ની સાથેના પ્રેમસંબંધોના કારણે હત્યાના આ કથિત ષડયંત્રનો પર્દાફાશ થયો છે. સ્થાનિક રહીશોની સમયસૂચકતા અને મદદથી ગંભીર રીતે ઘાયલ થયેલા શશાંકને તાત્કાલિક હોસ્પિટલમાં દાખલ કરવામાં આવ્યા હતા, જ્યાં તેમની સારવાર કરવામાં આવી છે. પોલીસે ગુનામાં વપરાયેલું ચાકુ પણ જપ્ત કરી લીધું છે.

Ghazyabad अपडेट घटना वाले दिन का सीसीटीवी फुटेज आया सामने। इस सीसीटीवी में देखा जा सकता है की घटना वाली सुबह पत्नी प्रिया घर से बाहर निकलती है। और अपनी कार में बैठकर जिम के लिए चली जाती है। उसके कुछ देर बाद ही आरोपी जिम ट्रेनर प्रताप घर में एंट्री लेट है और वारदात को अंजाम देकर फरार हो जाता है। शोर शराबा सुनकर सोसायटी के लोग उसको पकड़ने के लिए दौड़ते हैं। सीसीटीवी फुटेज #PoliceCommissionerateGhaziabad #GhaziabadPoliceInNews #UPPInNews #UPPoliceInNews #dgpup #InfoDeptUP #UPGovt #Uppolice #dm_ghaziabad #CMOfficeUP #myogioffice #BJP4UP #AMRUTCityGzb #gdagzb #adgzonemeerut #digrangemeerut #CommissionerMe3 @cdoghaziabad @chiefghaziabad @Uppolice @adgzonemeerut @CMOfficeUP @dgpup @ChiefSecyUP @homeupgov @myogiadityanath @ANINewsUP @r_news_network #UPPolice #UPPoliceInNews

— Parveen Arora (@ParveenaroraJi1) October 29, 2026

સીસીટીવી ફૂટેજથી ખૂલ્યું ખૌફનાક રહસ્ય

આ સનસનાટીભર્યા બનાવનો એક સીસીટીવી ફૂટેજ પણ સામે આવ્યો છે. ફૂટેજમાં સવારના સમયે મહિલા પ્રિયા શર્મા ઘરની બહાર નીકળ્યા બાદ જિમ ટ્રેનર પ્રતાપ સિંહ ઝડપથી ફ્લેટમાં પ્રવેશતો સ્પષ્ટ નજરે પડે છે. તેના થોડી જ ક્ષણો પછી તે ત્યાંથી દોડતો બહાર નીકળતા નજરે ચઢે છે. આ ભયાનક ઘટનાના કારણે આખી સોસાયટી અને આસપાસના વિસ્તારમાં ભારે ભાગદોડ અને સનસનાટી મચી ગઈ હતી.

હોસ્પિટલમાં જિંદગી અને મોત વચ્ચે જંગ

ઘાયલ શશાંક કંથરિયા ટપાલ વિભાગ (ડાક વિભાગ)માં સિનિયર અકાઉન્ટન્ટ તરીકે ફરજ બજાવે છે. હુમલા બાદ તેમને અત્યંત નાજુક હાલતમાં યશોદા મેડિસીટી હોસ્પિટલમાં ખસેડવામાં આવ્યા હતા, જ્યાં તેમની સારવાર ચાલી રહી છે. તેમના માથા, છાતી અને હાથ પર ઊંડા ઘા વાગ્યા છે, જેના કારણે તેમની સ્થિતિ અત્યંત ગંભીર બની છે અને તબીબોની દેખરેખ હેઠળ તેમની સર્જરી સફળતાપૂર્વક પાર પાડવામાં આવી છે.

વધુ વાંચો : / આંદોલન દરમિયાન હિંસા કરનારાઓને સરકારી નોકરી મેળવવામાં મુશ્કેલી પડી શકે, જાણો ક્યાં લેવાયો

પોલીસે બંને આરોપીઓને મોકલ્યા જેલ

શશાંકના ભાઈની સત્તાવાર ફરિયાદના આધારે ઇન્દિરાપુરમ પોલીસે જિમ ટ્રેનર પ્રતાપ સિંહ અને પ્રિયા શર્મા વિરુદ્ધ હત્યાના પ્રયાસ અને આપરાધિક ષડયંત્ર સહિતની ગંભીર કલમો હેઠળ ગુનો નોંધ્યો છે. પોલીસે આરોપીઓની પૂછપરછ અને નિશાનદેહીના આધારે હુમલામાં ઉપયોગમાં લેવાયેલું ચાકુ પણ કબ્જે કરી લીધું છે. હાલ પોલીસ આ સમગ્ર પ્રકરણની તમામ કડીઓ જોડવા અને બંને આરોપીઓની અલગ-અલગ ભૂમિકા અંગે ઊંડાણપૂર્વક તપાસ ચલાવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ