બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / ગાંધીનગરના સમાચાર / આદ્રા નક્ષત્ર બેસતા જ વરસાદ ભુક્કાં બોલાવશે, દરિયો બનશે ગાંડોતૂર: અંબાલાલ
7 ફોટો ગેલેરી
Last Updated: 12:26 PM, 8 June 2026
FOLLOW ON
શેર કરો
1/7
રાજ્યમાં અંગ દઝાડતી ગરમી વચ્ચે ચોમાસાની આતુરતાથી રાહ જોવાઈ રહી છે ત્યારે જાણીતા હવામાન નિષ્ણાંત અંબાલાલ પટેલે આગામી દિવસોના હવામાન અંગે મહત્વપૂર્ણ આગાહી વ્યક્ત કરી છે. તેમના અનુમાન મુજબ જૂન મહિનાના બીજા સપ્તાહથી અરબ સાગર અને પશ્ચિમ કિનારાના વિસ્તારોમાં હવામાનમાં નોંધપાત્ર ફેરફાર જોવા મળી શકે છે, જેના કારણે ગુજરાતમાં પણ વરસાદી માહોલ સક્રિય બનવાની સંભાવના છે.
આ તસવીર શેર કરો
2/7
અંબાલાલ પટેલના જણાવ્યા અનુસાર 8થી 14 જૂન દરમિયાન દરિયાઈ વિસ્તારોમાં પવનની દિશામાં ફેરફાર થઈ શકે છે અને સમુદ્રમાં ઊંચા મોજાં જોવા મળી શકે છે. આ સમયગાળા દરમિયાન અરબ સાગરમાં લો-પ્રેશર સિસ્ટમ બનવાની શક્યતા પણ વ્યક્ત કરવામાં આવી છે, જે ચોમાસાની ગતિને વધુ વેગ આપી શકે છે.
આ તસવીર શેર કરો
3/7
અંબાલાલ પટેલના અનુમાન મુજબ કેરળથી શરૂ થયેલું ચોમાસું 12 જૂન સુધીમાં કર્ણાટક અને મહારાષ્ટ્રના કેટલાક વિસ્તારો સુધી આગળ વધી શકે છે. ત્યારબાદ 14થી 16 જૂન વચ્ચે ગુજરાતના દરિયાકાંઠાના વિસ્તારોમાં વરસાદની શરૂઆત થવાના સંકેતો છે. ખાસ કરીને દક્ષિણ ગુજરાત અને સૌરાષ્ટ્રના વિસ્તારોમાં વરસાદી પ્રવૃત્તિઓ સક્રિય બની શકે છે.
આ તસવીર શેર કરો
4/7
આ સાથે અંબાલાલની આગાહી મુજબ 16થી 18 જૂન દરમિયાન મૃગશીર્ષ નક્ષત્રના પ્રભાવ હેઠળ રાજ્યના કેટલાક વિસ્તારોમાં સારો વરસાદ નોંધાઈ શકે છે. કેટલાક જિલ્લાઓમાં સામાન્ય કરતાં વધુ વરસાદ થવાની સંભાવના પણ વ્યક્ત કરવામાં આવી છે. ત્યારબાદ 18થી 20 જૂન વચ્ચે ચોમાસું વધુ આગળ વધશે અને અનેક વિસ્તારોમાં ભારે વરસાદી માહોલ સર્જાઈ શકે છે.
આ તસવીર શેર કરો
5/7
અંબાલાલ પટેલે જણાવ્યું છે કે, 21 જૂન સુધી સૂર્યની વધતી ક્રાંતિના કારણે ગરમી અને ભેજનું પ્રમાણ વધતું રહેશે. જેના કારણે લોકોને ઉકળાટ અને અકળામણનો અનુભવ થઈ શકે છે. જોકે ત્યારબાદ 22 જૂનથી આદ્રા નક્ષત્રના પ્રભાવ હેઠળ વરસાદી પ્રવૃત્તિઓમાં વધારો થવાની શક્યતા છે.
આ તસવીર શેર કરો
6/7
આ સાથે 23થી 26 જૂન દરમિયાન પવન સાથે વરસાદી ઝાપટાં પડવાની શક્યતા વ્યક્ત કરવામાં આવી છે, જ્યારે મહિનાના અંત સુધીમાં રાજ્યના કેટલાક વિસ્તારોમાં ભારે વરસાદ પણ નોંધાઈ શકે છે. તેમના અનુમાન મુજબ 29 જૂન સુધી ગુજરાતના વિવિધ ભાગોમાં વરસાદની તીવ્રતા વધી શકે છે.
આ તસવીર શેર કરો
7/7
આ સાથે જુલાઈના પ્રથમ સપ્તાહ સુધી રાજ્યના મોટા ભાગના વિસ્તારોમાં ચોમાસું સક્રિય બની જશે અને 7 જુલાઈ સુધીમાં ગુજરાતના મહત્તમ વિસ્તારોમાં સારો વરસાદ નોંધાઈ શકે છે. ખેડૂતો, વેપારીઓ અને સામાન્ય નાગરિકો માટે આ આગાહી મહત્વપૂર્ણ માનવામાં આવી રહી છે, કારણ કે રાજ્યની કૃષિ અને જળસંગ્રહ વ્યવસ્થા મોટા પ્રમાણમાં ચોમાસા પર આધારિત છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
