GT vs KKR / ગુજરાત ટાઇટન્સે 5 વિકેટે કોલકાતા નાઈટ રાઈડર્સને હરાવ્યું, ગિલ- રબાડા રહ્યા હીરો

IPL 2026ની 25મી મેચ અમદાવાદના નરેન્દ્ર મોદી સ્ટેડિયમ ખાતે ગુજરાત ટાઇટન્સ અને કોલકાતા નાઈટ રાઈડર્સ વચ્ચે રમાઈ હતી. આ મેચમાં ગુજરાત ટાઇટન્સ 5 વિકેટે જીત્યું હતું. જેમાં 181 રનના ટાર્ગેટને ગુજરાત ટાઇટન્સે 20મી ઓવરમાં ચેઝ કર્યો હતો. જેમાં ગુજરાત તરફથી શુભમન ગિલ અને કાગીસો રબાડાએ શાનદાર પ્રદર્શન કર્યું હતું.

• KKRએ બનાવ્યા 180 રન

આ મેચમાં KKRની શરૂઆત ખરાબ રહી હતી. ઓપનર ટિમ સીફર્ટે 14 બોલમાં 19 રન બનાવ્યા હતા જ્યારે અજિંક્ય રહાણે ઝીરો પર આઉટ થયો હતો. અંગક્રિશ રઘુવંશી 4 બોલમાં 8 રન બનાવીને આઉટ થયો હતો. તો કેમેરોન ગ્રીને 55 બોલમાં 79 રન બનાવ્યા હતા, જેમાં 7 ચોગ્ગા અને 4 છગ્ગાનો સમાવેશ થાય છે. રોવમેન પોવેલે 20 બોલમાં 27 રન બનાવી શક્યો હતો. ત્યાર બાદ રમનદીપ સિંહે 8 બોલમાં 17 રન બનાવ્યા હતા. આમ, KKR એ 20 ઓવરમાં 10 વિકેટ ગુમાવીને 180 રન બનાવ્યા હતા

આ મેચમાં KKR સામે કાગીસો રબાડાએ 4 ઓવરમાં 29 રન આપીને 3 વિકેટ લીધી હતી. જ્યારે મોહમ્મદ સિરાજે 2 વિકેટ લીધી હતી. અશોક શર્માએ પણ 2 વિકેટ લીધી હતી.

181 રનનો ટાર્ગેટ ચેઝ કરતી વખતે ગુજરાતની શરૂઆત પણ એવરેજ રહી હતી. જેમાં સાઈ સુદર્શન 16 બોલમાં 22 રન બનાવી આઉટ થયો હતો. જ્યારે શુભમન ગિલે શાનદાર બેટિંગ કરીને 50 બોલમાં 86 રન બનાવ્યા હતા. જોસ બટલરે 15 બોલમાં 25 રન બનાવ્યા હતા. જ્યારે વોશિંગ્ટન સુંદરે 13 બોલમાં 13 રન બનાવ્યા હતા. આમ GT એ 19.4 ઓવરમાં 181/5 રન બનાવીને મેચ જીતી લીધી હતી.

• ગુજરાત vs કોલકાતા હેડ ટૂ હેડ

આ બે ટીમો વચ્ચે આઈપીએલમાં અત્યાર સુધી કુલ 6 મેચો રમાઈ છે. જેમાં ગુજરાત 4 મેચ જીત્યું છે તો કોલકાતા 1 મેચ જીત્યું છે. આ સિવાય 1 મેચ અનડિસાઇડેડ રહી હતી.

ગુજરાત ટાઇટન્સની પ્લેઇંગ ઇલેવન: શુભમન ગિલ (કેપ્ટન), સાઇ સુદર્શન, જોસ બટલર (વિકેટકીપર), વોશિંગ્ટન સુંદર, ગ્લેન ફિલિપ્સ, રાહુલ તેવટિયા, રાશિદ ખાન, કાગીસો રબાડા, પ્રસીદ્ધ કૃષ્ણ, મોહમ્મદ સિરાજ અને અશોક શર્મા.

વધુ વાંચો : રોયલ ચેલેન્જર્સ બેંગલુરુએ 5 વિકેટે લખનૌ સુપર જાયન્ટ્સને હરાવ્યું

કોલકાતા નાઈટ રાઈડર્સની પ્લેઈંગ ઈલેવન: સુનીલ નારાયણ, ટિમ સીફર્ટ, અજિંક્ય રહાણે (કેપ્ટન), અંગક્રિશ રઘુવંશી (વિકેટકીપર), કેમરોન ગ્રીન, રિંકુ સિંહ, રોવમેન પોવેલ, રમનદીપ સિંહ, અનુકુલ રોય, કાર્તિક ત્યાગી અને વૈભવ અરોરા.

ઈમ્પેક્ટ સબ: વરુણ ચક્રવર્તી

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ