ટકોર / એફિડેવિટમાં ભૂલ અને વિલંબ મુદ્દે ગુજરાત હાઇકોર્ટ લાલઘૂમ, કહ્યું 'આ બેદરકારી નહીં ચલાવી લેવાય'

ગુજરાત હાઈકોર્ટમાં રોજનાં હજારો કેસોનો નિકાલ કરવામાં આવતો હોય છે. આ તમામ પ્રક્રિયામાં સોગંદનામું મહત્વનું હોય છે. ત્યારે અમુક વખત સોગંદનામામાં ભૂલો કરવામાં આવતી હોય છે. જેને લઈ હાઈકોર્ટ દ્વારા અનેક વખત ટકોર કરી હોવા છતાં પણ સુધારો ન આવતા હોઈકોર્ટ હવે એફિડેવિટમાં થતી ભૂલ તેમજ વિલંબ બાબતે કડક વલણ અપનાવ્યું છે. ત્યારે હાઈકોર્ટેનાં ચીફ જસ્ટીસે કહ્યું કે, ચલતા હૈ, ચલને દો ની નીતિ બંધ કરવા હાઈકોર્ટને ટકોર કરી હતી. કોર્ટમાં કાયદાકીય રજૂઆતમાં થતા વિલંબને લઈ કોર્ટ દ્વારા અવલોકન કર્યું હતું. 

હાઈકોર્ટનાં ચીફ જસ્ટીસે આ મુદ્દે જણાવ્યું હતું કે, સરકાર અને વકીલોની બેદરકારી મુદ્દે હાઈકોર્ટે અવલોકન કર્યુ હતું કે, આ કોર્ટ છે કોઈપણ બેદરકારી ચલાવી નહી લેવાય. સોગંદનામાં સમયરસ રજૂ કરો. તેમજ એફિડેવિટમાં થતા વિલંબ મુદ્દે સરકાર અને વકીલોને સમયની બરબાદીને લઈ ટકોર કરી હતી. 

વધુ વાંચોઃ ગુજરાત પોલીસમાં 12472 પદો માટે ભરતી અને નિયમો જાહેર, લોકરક્ષક તથા PSIની જગ્યાઓનું જુઓ લિસ્ટ

હાઈકોર્ટનાં ચીફ જસ્ટીસે આ બાબતે કહ્યું હતું કે, હાઈકોર્ટમાં ચલતા હૈ તેવું વલણ ન દાખવી શકો. તેમજ એફીડેવિટમાં રહેલ ખામી દર્શાવતા વકીલે આ બાબતે કહ્યું હતું કે, અહીંયા  એવું જ ચાલતું હોવાની વાત કરી હતી. ત્યારે આ બાબતે ચીફ જસ્ટિસે નારાજગી દર્શાવી હતી. ત્યારે હાઈકોર્ટે ટકોર કર્યા બાદ ભૂલ સુધારવા પર ભાર મુકવામાં આવ્યો હતો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો