મારામારી / VIDEO : કારસવાર શખ્સોનો યુવક પર જીવલેણ હુમલો, તીક્ષ્ણ હથિયારથી તૂટી પડ્યા

Palanpur Youth Attack Video : બનાસકાંઠા જિલ્લામાં અસામાજિક તત્વોની દાદાગીરી દિવસેને દિવસે વધતી જઈ રહી છે. પાલનપુર નજીકના ચંડીસર વિસ્તારમાં આજે એક ગંભીર ઘટના સામે આવી છે. વાસ્તવમાં અહીં કેટલાક શખ્સોએ ખુલ્લેઆમ એક યુવક પર તલવાર અને અન્ય હથિયારોથી હુમલો કર્યો હતો. આ સમગ્ર ઘટનાનો વીડિયો હાલ સોશિયલ મીડિયા પર વાયરલ થઈ રહ્યો છે. નોંધનીય છે કે, VTV Digital આ વાયરલ વીડિયોનું કોઈપણ પ્રકારે પુષ્ટિ કરતું નથી.

નંબર પ્લેટ વગરની કારમાં આવ્યા હુમલાખોરો અને પછી...

પ્રાપ્ત માહિતી મુજબ, શખ્સો નંબર પ્લેટ વગરની કારમાં ચંડીસરના એક ખાનગી હોટલ સામે આવ્યા હતા. આ દરમિયાન ઇસમોએ ત્યાં ઊભેલા યુવકને નિશાન બનાવી તલવાર અને હથિયારોથી હુમલો કર્યો હતો. યુવક પોતાનો જીવ બચાવવા ભાગતો નજરે પડ્યો હતો.

આ પણ વાંચો : ભાજપ કાર્યાલયમાં મારામારીનો મામલો, કાર્યકર્તાઓ પર કરવામાં આવી કાર્યવાહી

હજુ સુધી નથી નોંધાઈ પોલીસ ફરિયાદ

માહિતી મુજબ ઘટનાને લઈને કોઈપણ પ્રકારની પોલીસ ફરિયાદ નોંધાઈ નથી. વાયરલ થયેલા વીડિયોમાં હુમલાખોરો સ્પષ્ટ રીતે હથિયારો સાથે નજરે પડે છે. અહીં એ ખાસ નોંધનીય છે કે, VTV Digital આ વાયરલ વીડિયોનું કોઈપણ પ્રકારે પુષ્ટિ કરતું નથી. આ તરફ હવે સ્થાનિક પોલીસે આ મામલે વધુ તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ