રેડિમેડ કપડાં, ટેક્સટાઇલ અને ફુટવેર ખરીદવા જાન્યુઆરી 2022થી મોંઘા થઇ જશે. જોકે, સરકારે રેડિમેડ કપડાં, ટેક્સટાઇલ અને ફુટવેર જેવી ફિનિસ્ડ પ્રોડક્ટર પર GST દર 5 ટકાથી વધારીને 12 ટકા કરી દેવાયો છે, જે જાન્યુઆરી 2022થી લાગૂ થશે.
રેડિમેડ કપડાં, ટેક્સટાઇલ અને ફુટવેર ખરીદવા મોંઘા થશે
જાન્યુઆરી 2022થી જીએસટી 5 ટકાથી 12 ટકા થઇ જશે
નિર્ણય પર CMAIએ નારાજગી વ્યક્ત કરી
સેન્ટ્રલ બોર્ડ ઑફ ઇનડાયરેક્ટ ટેક્સ એન્ડ કસ્ટમ્સ એટલે કે સીબીઆઈસીએ આ અંગે 18 નવેમ્બરે નોટિફિકેશન જાહેર કર્યું છે. ફેબ્રિક્સ પર જાન્યુઆરી 2022થી જીએસટી દર 5 ટકાથી 12 ટકા થઇ જશે. આ રીતે કોઈ પણ ભાવના બનેલા કપડા પર જીએસટી દર પણ 12 ટકા થઇ જશે. જણાવી દઇએ કે, પહેલા 1000 રૂપિયાના ભાવના કપડા પર 5 ટકા જીએસટી લાગતો હતો.
આ રીતે બીજા ટેક્સટાઇલ(ગુંથેલા કપડા, સેન્થેટિક યાર્ન, પાઇલ ફ્રેબ્રિક્સ, બ્લેંકેટ્સ, ટેન્ટ, ટેબલ ક્લોથ જેવા બીજા ટેક્સટાઇલ) પર પણ જીએસટી દર 5 ટકાથી વધીને 12 ટકા કરી દેવાયો છે. આની સાથે જ કોઈ પણ ભાવના ફુટવેર પર પણ 12 ટકા જીએસટી લાગૂ કરાયો છે. ઉલ્લેખનીય છે કે, પહેલા 1000 રૂપિયાથી વધુ ભાવના ફુટવેર પર 5 ટકાના દરથી જીએસટી લાગતું હતું.
નિર્ણય પર CMAIએ નારાજગી વ્યક્ત કરી
ક્લોથિંગ મેન્યૂફેક્ચરર એસોસિએશન ઑફ ઇન્ડિયા એટલે CMAIએ આ નિર્ણય પર 19 નવેમ્બરે ટિપ્પણી કરતા કહ્યું કે, અપેરલ્સ પર જીએસટી દર વધારવાનો સરકારનો નિર્ણય ખુબજ નિરાશાજનક છે. મિંટમાં જાહેર થયેલા સમાચાર અનુસાર, સીએમએઆઈના પ્રેસિડેન્ટ રાજેશ મસંદે કહ્યું છે કે, સીએમએઆઈ અને બીજા એસોસિએશન અને વેપારી સંગઠન ગવર્નમેન્ટ અને જીએસટી કાઉન્સિલથી આ વાતની અપીલ કરે છે કે જીએસટી દરોમાં આ ફેરફારને લાગૂ કરવામાં આવે. આ ટેક્સટાઇલ અને અપેરલ વેપાર માટે ઘણો નિરાશાજનક છે.
આ નિવેદનમાં વધુમાં કહેવામાં આવ્યું છે કે, ઇન્ડસ્ટ્રી પહેલાથી જ કાચા માલમાં વધારાનો દબાવ સહી રહી છે. આ સાથે જ પેકેજિંગ મટિરીયલ અને માલ ભાડામાં પણ વધારો જોવા મળી રહ્યો છે. તેવામાં જીએસટી દરોમાં વધારો વધુ એક મોટો ઝટકો છે.