તમારા કામનું / સરકારે ગામડાંઓ માટે લૉન્ચ કરી 5-સ્ટાર યોજના, ગ્રામીણોને બચતમાં થશે મોટો ફાયદો

• ભારતમાં શરૂ થશે ગ્રામીણ યોજના
• યોજનાનુ નામ છે ફાઇવસ્ટાર ગામ યોજના
• પહેલા મહારાષ્ટ્રમાં શરૂ થશે આ યોજના

આ યોજનાની શરૂઆત કરતી વખતે કેન્દ્રીય મંત્રી સંજય ઘોત્રેએ કહ્યું કે આ યોજના મહારાષ્ટ્રમાં પ્રારંભિક આધાર પર શરૂ કરવામાં આવશે. અહીંના અનુભવના આધારે આ યોજનાને બીજા રાજ્યોમાં પણ શરૂ કરવામાં આવશે. 

પોસ્ટ ઓફિસના વિશાળ નેટવર્કનો ફાયદો ઉઠાવતા લોકો માટે આ સારી યોજના સાબિત થશે. આવો જાણીએ કે આ યોજના કેવી રીતે કામ કરશે, અને કેટલા લોકોને આ યોજનાનો લાભ મળશે. 

ફાઇવ સ્ટાર ગામ હેઠળ આ યોજનાઓ

• સેવિંગ ખાતા, રિકરિંગ ડિપોઝીટ ખાતા, કેવીપી કે એનએસસી પ્રમાણ પત્ર
• સુકન્યા સમૃદ્ધિ કે પીપીએફ ખાતા
• ફાઇનેસિંગ પોસ્ટઓફિસ બચત ખાતા
• પોસ્ટલ લાઇફ ઇન્સ્યોરન્સ પોલિસી કે ગ્રામીણ વિમા પોલિસી
• પ્રધાનમંત્રી સુરક્ષા વિમા યોજના કે પ્રધાનમંત્રી જીવન જ્યોતિ વિમા યોજના ખાતા

ફાઇવ સ્ટાર ગામ યોજના અમલીકરણ દળ

આ યોજનાને પાંચ ગામની પોસ્ટઓફિસની ટીમ દ્વારા અમલીકરણ કરવામાં આવશે, જેમાં લોકોને બચત અને વિમા યોજનાના માર્કેટિંગ માટે એક ગામ સોંપવામાં આવશે. આ ટીમનુ નેતૃત્વ સંબંધિત શાખા કાર્યાલય કે શાખા પોસ્ટ માસ્ટર કરશે. 

ફાઇવસ્ટાર ગામ યોજના અભિયાન
ગ્રામીણ પોસ્ટ સેવકોની ટીમ ગ્રામિણોને કવર કરતા આ યોજનાને ઘરે ઘરે જઇને જાગરુકતા અભિયાન ચલાવશે. શાખા કાર્યાલયના નોટિસ બોર્ડ પર સૂચના પ્રદર્શિત કરીને વ્યાપક પ્રચાર કરવામાં આવશે.