- સ્વાદની સાથે આપણા સ્વાસ્થ્ય માટે પણ બહુ ઉપયોગી છે લસણ
- લસણનો પ્રયોગ તમને આપશે અનેક ચમત્કારિક ફાયદા
- લસણની તાજી પેસ્ટમાં ટીબીના જીવાણુને નષ્ટ કરવાનો ગુણ છે
લસણ રસોઇમાં સ્વાદની સાથે આપણા સ્વાસ્થ્ય માટે પણ બહુ ઉપયોગી છે. લસણ ગુણમાં ગરમ, તીક્ષ્ણ, રસાયન, પાચક, પચવામાં ભારે, ભાંગેલાં હાડકાંને મટાડનાર, બળવર્ધક, બુદ્ધિવર્ધક છે. એક કળીવાળું લસણ ઉત્તમ ગણાય છે. લસણ હૃદયના રોગો, વાયુના રોગો, કફના રોગો, પેટનો દુખાવો, કબજિયાત, અરુચિ, ઉધરસ વગેરે મટાડે છે તો આજે આપણે લસણના કેટલાક ઉપાય જાણીએ.
• દરરોજ લસણની એક કળીનું સેવન કરવાથી શરીરને વિટામિન-એ, બી અને સીની સાથે આયોડિન, આયર્ન, પોટેશિયમ, કેલ્શિયમ અને મેગ્નેશિયમ જેવાં પોષક તત્ત્વો એકસાથે મળી જાય છે, જેથી શરીરમાં આ પોષક તત્ત્વોની ઊણપ સર્જાતી નથી અને અનેક સમસ્યા દૂર રહે છે
• રાતે સૂતાં પહેલાં એક ચમચી ઓલિવ ઓઈલ અથવા સોયાબીન ઓઈલ સાથે લસણની પેસ્ટ લેવાથી લિવર સ્વચ્છ થવાની સાથે તે મજબૂત બનીને કાર્યરત રહે છે. લસણમાં વિટામિન-સી, એ, બી અને જી તથા સલ્ફર, લોહ, કેલ્શિયમ ઉપરાંત નકામા બેકટેરિયાનો નાશ કરતું એલિસિન નામનું તત્ત્વ છે. લસણની તાજી પેસ્ટમાં ડિપ્થેરિયા અને ટીબીના જીવાણુને નષ્ટ કરવાનો ગુણ છે.
• હાઈપરટેન્શન, હાઈ બીપીની તકલીફ થઈ હોય તો રોજ તાજા લસણની બે કળી ખાવાથી લોહીનું ભ્રમણ થાય છે. તે એનીમિયા, રૂમેટિક ડિસીઝ, ડાયાબિટીસ, હાઈપોગ્લાઈસેમિયા, અસ્થમા, ઊધરસ, એલર્જી, આંતરડાના વર્મ્સ ઉપરાંત કબજિયાત દૂર કરવામાં ઉપયોગી છે.
• લસણની કળીવાળો આહાર લેવાથી ચરબીનું પ્રમાણ ઘટતાં કમરનો ઘેરાવો ઓછો થાય છે. ટાઈપ-ટુ ડાયાબિટીસ માટે લસણ શ્રેષ્ઠ કુદરતી ઔષધની ગરજ સારે છે. લસણનું સેવન શરીરમાં ઈન્સ્યુલિનની માત્રાને વધારી દે છે, જેનાથી ડાયાબિટીસની બીમારીમાં ઘણો ફાયદો થાય છે.
• સરસિયાના તેલમાં લસણની કળી નાખી ઉકાળીને આ તેલ કાનમાં નાખવામાં આવે તો કાનના દુખાવામાં તરત જ રાહત મળે છે. બાળકો માટે પણ આ રીતે ઉપયોગ કરી શકાય છે.
• લસણનું તેલ હથેળી અને પગમાં લગાવવાથી મચ્છર પાસે આવતાં નથી અને કરડતાં નથી, સાથે જ ત્વચા પણ સુંવાળી થાય છે. લસણમાં એિન્ટબેક્ટેરિયલ તત્ત્વ હોય છે.
