સુવિધા / ગાંધીનગરવાસીઓને હવે કાયમી રાહત, તંત્રએ લીધો જબરજસ્ત નિર્ણય, મેયરે કરી જાહેરાત

ગાંધીનગર શહેર હવે રાજ્યનું પહેલું એવું શહેર બન્યું છે જ્યાં નાગરિકોને 24 કલાક નિરંતર પીવાનું પાણી ઉપલબ્ધ રહેશે. આ ઐતિહાસિક પગલાનું અમલ મંગળવારથી શરૂ થશે, જેમાં પ્રથમ તબક્કા તરીકે સેક્ટર 14 થી 29 સુધીના વિસ્તારોમાં 24x7 પાણી પુરવઠો સુનિશ્ચિત કરવામાં આવશે.

ગાંધીનગર મહાનગરપાલિકા દ્વારા આયોજન બાદ લેવાયેલો આ નિર્ણય શહેરના પાણી વ્યવસ્થાપન ક્ષેત્રે એક પરિવર્તન ગણાય છે. ટૂંક સમયમાં શહેરના બાકીના સેક્ટરોમાં પણ સતત પાણી પુરવઠો શરૂ કરવામાં આવશે.

પાણી પુરવઠો માટે મીટર આધારિત બિલિંગ

આ નવી વ્યવસ્થા અંતર્ગત દરેક ઘર પર પાણીનું મીટર લગાવવામાં આવશે અને પાણીના ઉપયોગ અનુસાર નાગરિકો પાસેથી બિલ વસૂલ કરવામાં આવશે. આથી પાણીનો યોગ્ય ઉપયોગ થશે અને વ્યર્થ વપરાશ પર રોક આવે તેવી અપેક્ષા છે.

આ પણ વાંચોઃ જશોદાનગર આત્મવિલોપન કેસમાં નવો વળાંક, કોર્પોરેટરને 4,00,000 આપ્યાના દાવાથી હડકંપ

લિકેજ અંગે નાગરીકો મહાનગરપાલિકાને જાણ કરશે

નાગરિકો તેમના વિસ્તારમાં પાણી લિકેજ થતી હોય તો તે અંગે મહાનગરપાલિકાને જાણ કરી શકશે. મહાનગરપાલિકા તાત્કાલિક કાર્યવાહી કરી લિકેજ દૂર કરવાની કામગીરી હાથ ધરશે, જેથી પાણીનો બચાવ થાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ