મહામારી / ગાંધીનગર સચિવાલયમાં ક્લાઇમેટ ચેન્જ ડિપાર્ટમેન્ટના ઓફિસરનું કોરોનાથી અવસાન, 3 અઠવાડિયામાં 5માં અધિકારીનું મોત

• ગાંધીનગર સચિવાલયના વધુ એક કર્મચારીનું કોરોનાથી મૃત્યુ
• ક્લાઈમેટ ચેન્જ ડિપાર્ટમેન્ટમાં સેક્સન ઓફિસરનું નિધન
• માત્ર ત્રણ સપ્તાહમાં પાંચ અધિકારીઓનું કોરોનાના કારણે મોત

ગાંધીનગરમાં વધુ એક સરકારી કર્મચારીનું મોત થયુ છે. કલાઈમેન્ટ ચેન્જ ડિપાર્ટમેન્ટમાં ફરજ બજાવતા સેકશન અધિકારી હિતેશ પંડયાને કોરોના પોઝિટિવ આવતા તેઓ કોરોનાની સારવાર લઇ રહ્યા હતા. ત્યારે આજે તેમનું સારવાર દરમિયાન કરૂણ મોત નિપજ્યુ હતું. જેના પગલે સચિવાલયમાં કામ કરતા કર્મચારીઓમાં ફફડાટ ફેલાયો છે. ખાસ કરીને નિવૃતીના આરે પહોંચેલા કર્મચારીઓમાં વધારે ફફડાટ જોવા મળી રહ્યો છે. 

માત્ર ત્રણ સપ્તાહમાં પાંચ અધિકારીઓનું કોરોનાના કારણે મોત

મહત્વનું છે કે, ગાંધીનગરની મોટાભાગની સરકારી કચેરીઓના કર્મચારીઓ કોરોના સંક્રમિત જોવા મળી રહ્યા છે. ફક્ત સચિવાલય કેમ્પસની વાત કરીએ તો છેલ્લા ત્રણ સપ્તાહમાં પાંચ જેટલા અધિકારીઓના કોરોનાના કારણે મોત નિપજ્યા છે. SO, Dy.SO સ્તરના આ પાંચમાં અધિકારીનું અવસાન થયું છે. કોરોનાના કહેરના કારણે હાલ તો સચિવાલયના કર્મચારીઓમાં ભયનો માહોલ જોવા મળી રહ્યો છે.

સરકારી કચેરીમાં 50 ટકા સ્ટાફ રાખવા સરકારનો નિર્ણય

ગઇકાલે સરકારી કચેરીમાં 50 ટકા સ્ટાફથી કામગીરીનો સામાન્ય વહીવટ વિભાગે પરીપત્ર જાહેર કર્યો હતો. 50 ટકા સિવાયના સ્ટાફ માટે વર્ક ફ્રોમ હોમની વ્યવસ્થા ગોઠવવામાં આવી છે. વીડિયો કોન્ફરન્સ સુવિધાનો વધુમાં વધુ ઉપયોગ કરવા નિર્દેશ કરાયા છે.