કોવિડ સંકટ / મુશ્કેલ સમયમાં સૌથી વિશ્વસનીય મિત્રનો મળ્યો મોદી સરકારને સાથ, કહ્યું - મદદ મોકલી રહ્યા છીએ

• કોરોનાની બીજી લહેરથી દેશમાં ઓક્સિજન સંકટ વધ્યું હતું 
• મોદી સરકારની મદદની ટહેલ પર વૈશ્વિક દેશો આવ્યા આગળ 
• અમેરિકા અને યુરોપના પશ્ચિમી દેશો, સાથે જ રશિયા, થાઈલેન્ડ, સિંગાપોર અને ગલ્ફના દેશોથી પણ મળી સહાયતા 

ભારતમાં કોરોના વાયરસની બીજી લહેરના કારણે તારાજી ફેલાઈ ગઈ છે, સુપ્રીમ કોર્ટ અને અન્ય હાઇકોર્ટ પણ જ્યારે સરકારનો કાન આમળી રહી છે, ત્યારે વિદેશના મોરચે સરકારને રાહત મળે તેવી ખબરો લગાતાર સામે આવી રહી છે. 

President @EmmanuelMacron's message on France's massive solidarity mission in support of India. Solidarity is at the heart of the friendship between France and India. We will win this fight together.

Facebook message👉 https://t.co/mzTCHpZCTl pic.twitter.com/gIWl4TlD4H

— Emmanuel Lenain (@FranceinIndia) April 27, 2021

રશિયા, ચીન, બ્રિટેન, અમેરિકા, ઈઝરાયેલ, જર્મની અને યુરોપિયન યુનિયન પછી હવે યુરોપમાં ભારતના સૌથી વિશ્વસનીય મિત્ર ગણાઇ રહેલા ફ્રાન્સે ભારત માટે એક ખાસ સંદેશ મોકલ્યો છે, મહત્વનો છે કે આ સંદેશ ખાસ ફ્રાંસના રાષ્ટ્રપતિ ઇમેન્યુએલ મેક્રો એ મોકલ્યો છે, જેમાં ભારત માટે તેમણે કહ્યું છે કે આપણે જે મહામારીના સમયથી નીકળી રહ્યા છીએ, તેનાથી કોઈ પણક અલગ રહી શક્યું નથી, અમે જાણીએ છીએ કે ભારત એક મુશ્કેલ સમયનો સામનો કરી રહ્યું છે. 

મેક્રોએ ફેસબુક પર લખ્યો ખાસ સંદેશો 

ફેસબુક પર ભારત માટે ખાસ લખેલા સંદેશમાં તેમણે વધુમાં જણાવ્યું હતું કે ભારત અને ફ્રાંસ હમેશા એકસાથે જ રહ્યા છે, અમે મદદ કરવાની પોતાની પ્રતિબદ્ધતા સાથે જોડાયેલા છીએ અને ફ્રાંસ ભારતને ઓક્સિજન જનરેટર, વેન્ટિલેટર અને મેડિકલ ઉપકરણ મોકલશે.  દરેક જનરેટર ઓક્સિજનનું ઉત્પાદન કરીને એક હોસ્પિટલને 10 વર્ષ સુધી આત્મનિર્ભર બનાવી શકે છે. 

I am heartbroken by the current situation in India. I’m grateful the U.S. government is mobilizing to help. Microsoft will continue to use its voice, resources, and technology to aid relief efforts, and support the purchase of critical oxygen concentration devices.

— Satya Nadella (@satyanadella) April 26, 2021

વધુમાં મેક્રોએ એમ પણ કહ્યું હતું કે ભારતની મદદ માટે ફ્રાંસની કંપનીઓ કતારબંદ થઈ રહી છે, અને તે પહેલાથી જ ઘણી મોટી સંખ્યામાં ત્યાં હાજર છે, આ અમારી બંને દેશોની મિત્રતાના કેન્દ્રમાં છે, અમે સાથે મળીને આ લડાઈ જીતીશું. 

Devastated to see worsening Covid crisis in India. Google & Googlers are providing Rs 135 Crores in funding to GiveIndia, UNICEF for medical supplies, org supporting high-risk communities, and grants to help spread critical information: Google CEO Sundar Pichai

(File photo) pic.twitter.com/3Iy7I7FbAg

— ANI (@ANI) April 26, 2021

બ્રિટેનથી મદદનો પહેલો જથ્થો આવ્યો 

મહત્વનું છે કે ભારતમાં ઓક્સિજન સંકટની વચ્ચે બ્રિટેનથી મોકલવામાં આવેલી મદદનો પહેલો જથ્થો દેશમાં પહોંચી ચૂક્યો છે, તેમાં 100 વેન્ટિલેટર, 95 કોન્સેન્ટરેટર્સ અને અન્ય મેડિકલ ઉપકરણો સામેલ છે. આની સિવાય અમેરિકન સરકાર દ્વારા પણ ભારતને વેક્સિન માટેના કાચા માલની સાથે જ મેડિકલ ઉપકરણો માટે પહોંચાડી રહી છે. 40 અમેરિકન કંપનીઓએ ભારતને મદદ માટે ટાસ્ક ફરસ બનાવી છે, આની સાથે જ યુરોપિયન યુનિયન અને ઓસ્ટ્રેલીયા દ્વારા પણ ભારતની મદદ માટે તૈયારી બતાવાઇ છે, માઇક્રોસોફ્ટ અને ગૂગલ કંપની દ્વારા પણ ભારતની મદદ માટે જાહેરાત કરવામાં આવી છે.  

The shipment of vital medical supplies from the United Kingdom, including 100 ventilators & 95 oxygen concentrators, arrived in India earlier this morning: Ministry of External Affairs (MEA)#COVID19 pic.twitter.com/Ed3CXGARS6

— ANI (@ANI) April 27, 2021

થાઈલેન્ડથી પણ મળી છે મદદ 

નોંધનીય છે કે આની સાથે જ થાઈલેન્ડ તરફથી ભારતને ઓક્સિજન કન્ટેનર્સનું વધુ એક કંસાઈન્મેન્ટ મોકલી દેવામાં આવ્યું છે. રશિયાએ રેમડેસીવીર અને અન્ય મેડિકલ સહાયતા આપવાની વાત સ્વીકારી છે, ગલ્ફના દેશોમાંથી યુએઇ અને સાઉદી આરબ દ્વારા ભારતને ઓક્સિજનની મદદ કરવામાં આવી છે, દુનિયાની સૌથી ઊંચી ઇમારત એવી બુર્જ ખલીફા પર દુબઈમાં ભારતનો તિરંગો દર્શાવીને યુએઇ દ્વારા ભારતને મુશ્કેલ સમયમાં મજબૂત રહેવાનો અને તેની સાથે હોવાનો સંદેશ પણ આપ્યો છે. આ સિવાય કેનેડા અને સિંગાપોરથી પણ ઉપકરણો મંગાવાઈ રહ્યા છે. 

આયર્લેન્ડ પણ કરશે મદદ 

યુરોપના દેશ આયર્લેન્ડ તરફથી પણ ભારત માટે એક રાહતની ખબર આવી છે, નોંધનીય છે કે મુશ્કેલ એવા આ સમયમાં આયર્લેન્ડ ભારતને 700 ઓક્સિજન કોન્સેન્ટરેટર્સ મોકલવા રાજી થઈ ગયું છે.