ભારે કરી! / VIDEO: બસ ફુલ થઈ ગઈ છે ને... બસમાં બેસીને PM ની સભામાં જવા નીકળ્યા નીતિન પટેલ

• પ્રધાનમંત્રી નરેન્દ્ર મોદી ગુજરાતના પ્રવાસે 
• મોઢેરાને પ્રથમ BESS સોલર પાવર્ડ વિલેજ જાહેર કરશે
• નિતીન પટેલ સભામાં ભાગ લેવા માટે કાર્યકરો સાથે બસમાં રવાના

ભારતના પ્રધાનમંત્રી નરેન્દ્ર મોદી ગુજરાતના પ્રવાસે છે ત્યારે આજે તેઓ મહેસાણાના મોઢેરાને પ્રથમ BESS સોલર પાવર્ડ વિલેજ જાહેર કરવાના છે. ઘણા ભારતીય જનતા પાર્ટીના નેતાઓ આ કાર્યક્રમમાં ભાગ લેવા માટે મહેસાણા જવા રવાના થયા છે. આ સાથે જ ગુજરાત રાજ્યના પૂર્વ નાયબ મુખ્યમંત્રી નિતીન પટેલ પણ સભામાં ભાગ લેશે. તેઓ કાર્યકર્તાઓ સાથે બસમાં બેસી મોઢેરા રવાના થયા હતા. તેઓએ બસમાં જતા સમયે જણાવ્યું કે, 'હું પહેલેથી કાર્યકરોને સાથે લઈને ચાલવા વાળો છું'.

પ્રધાનમંત્રીનુઈ ગુજરાતમાં આગમન
ગુજરાતનાં ચૂંટણી જાહેર થાય અને આચાર સંહિતા લાગે તે પહેલા સરકારી કામોની ભેટ આપવા માટે ફરીવાર પીએમ મોદી ગુજરાત આવી રહ્યા છે જેમાં સતત ત્રણ દિવસ સુધી પ્રધાનમંત્રી ગુજરાતનાં જુદા જુદા જિલ્લાઓમાં વિવિધ લોકાર્પણ કરશે અને જંગી સભાઓને પણ સંબોધન કરશે. આ પહેલા પીએમ મોદી આવ્યા ત્યારે ભાવનગર, અમદાવાદ અને સુરત જેવા ત્રણ મોટા શહેરોને કવર કરી લીધા હતા. આ વખતે રાજકોટ, જામનગર, મહેસાણા, ગાંધીનગર અને અમદાવાદમાં કાર્યક્રમો છે.

પીએમ મોદી મોઢેરા જવા રવાના
આજે અમદાવાદ એરપોર્ટ પર આગમન બાદ પ્રધાનમંત્રી મોદી સીધા જ મોઢેરા જવા માટે રવાના થવાના છે જ્યાં મોઢેરાને પ્રથમ BESS સોલર પાવર્ડ વિલેજ જાહેર કરવામાં આવશે. જે બાદ મોઢેશ્વરી માતાજીના આશીર્વાદ લઈને સૂર્યમંદિરમાં લાઇટ એન્ડ સાઉન્ડ શૉ ખુલ્લો મૂકશે અને રાત્રિ રોકાણ ગાંધીનગરમાં કરશે.   

સોમવારે જામનગરમાં કરશે રાત્રીરોકાણ
સોમવારે પ્રધાનમંત્રી મોદી આમોદ તથા અડાલજમાં બે સભાઓને ગજવશે અને સાંજે જામનગરમાં પણ સંબોધન કરી ત્યાં જ રાત્રિરોકાણ કરશે. મંગળવારે જયેશ રાદડિયાના ગઢ જામકંડોરણામાં જંગી સભાનું આયોજન કરવામાં આવ્યું છે જેમાં દોઢ લાખથી પણ વધુ લોકો આવશે તેવો દાવો કરવામાં આવી રહ્યો છે. તે બાદ અમદાવાદ સિવિલનો એક કાર્યક્રમ પતાવી પ્રધાનમંત્રી મોદી મધ્ય પ્રદેશ જવા રવાના થશે.