ઉત્સાહ / પહેલી વખત IPL ઓક્શન વિદેશમાં થશે, હરાજી માટેનું સ્થળ કરાયું પસંદ, ખેલાડીઓની બોલીની રકમમાં પણ વધારો

• પ્રથમ વખત આઇપીએલ ઓક્શન થશે વિદેશની ધરતી પર
• ખેલાડીઓની હરાજી ભારતમાં નહીં થાય
• હરાજી 19મી ડિસેમ્બરના રોજ દુબઈમાં યોજાશે

વિશ્વની સૌથી મોટી ક્રિકેટ લીગ માટે ક્રિકેટ ચાહકો હંમેશા ઉસ્તાહીત હોય છે. ત્યારે IPLની આગામી સિઝન માટે ખેલાડીઓની હરાજી ક્યારે અને ક્યાં થશે? તે અંગે મોટા અપડેટ સામે આવી રહ્યા છે. દર વખતની જેમ આ વખતે ખેલાડીઓની હરાજી ભારતમાં નહીં પરંતુ પ્રથમ વખત વિદેશની ધરતી પર થશે.એટલે કે હરાજી 19મી ડિસેમ્બરના રોજ દુબઈમાં યોજાશે. વિદેશમાં હરાજીનું પ્રથમ વખત આયોજન કરાયું છે. ટીમમાં રિટેન કરાયેલા ખેલાડીઓની યાદી સબમિટ કરવાની અંતિમ તારીખ 26મી નવેમ્બર નક્કી કરવામા આવી છે.

હરાજીમાં ઉપલબ્ધ 95 કરોડ રૂપિયાથી વધારીને 100 કરોડ રૂપિયા કરાઈ
આઈપીએલના અધિકારી દ્વારા સત્તાવાર પુષ્ટિ કરી છે. તમામ ફ્રેન્ચાઇઝીઓને જાણ કરવામાં આવી હતી કે ખેલાડીઓને ટીમમાં યથાવત રાખવાની અંતિમ તારીખ 26 નવેમ્બર સુધી લંબાવવામાં આવી છે. જે અંગે સત્તાવાર માહિતી આપી છે. બીજી બાજુ  સામે આવ્યું કે મોટી સંખ્યામાં લગ્નોને કારણે હોટેલ હાઉસફુલ હોવાથી સમસ્યા ન જન્મે તે માટે આયોજન દુબઈમાં કરવાનું નક્કી કર્યું છે.' IPLની તમામ 10 ટીમોના ખેલાડીઓ માટે બોલી લગાવવાની રકમ આગાઉની હરાજીમાં ઉપલબ્ધ 95 કરોડ રૂપિયાથી વધારીને 100 કરોડ રૂપિયા કરાઈ હોવાનું પણ બહાર આવ્યું છે.

કઈ ટીમ પાસે કેટલા પૈસા છે?

પંજાબ કિંગ્સ પાસે ગયા વર્ષે 12.20 કરોડ રૂપિયા છે, તેમા 2 કરોડ રૂપિયાનો વધારો કર્યા બાદ હવે સંપત્તિ વધીને 17.20 કરોડ રૂપિયા થશે. વધુમાં મુંબઈ ઈન્ડિયન્સ પાસે 50 લાખ રૂપિયા છે..જેમાં 5 કરોડનો વધારો કરતા આ રકમ હવે રૂ. 5.05 કરોડ થઈ છે. સનરાઈઝર્સ હૈદરાબાદ પાસે હવે 11.55 કરોડ, ગુજરાત ટાઇટન્સના પાસે અગાઉના 4.45 કરોડ રૂપિયા હતા..જે વધીને 9.45 કરોડ રૂપિયા થઈ ગયા છે. દિલ્હી કેપિટલ્સનું પર્સ હવે વધીને 9.45 કરોડ રૂપિયા થઈ ગયું છે, જ્યારે LSGની ઝોળીમાં કુલ 8.55 કરોડ રૂપિયા થઈ ગયું છે.