સ્ટુડન્ટને મોટી રાહત / ઓછા સ્કોરને આધારે વિદ્યાર્થીઓને ભણવાની લોન આપવાનો ઈન્કાર ન કરી શકાય, HCનો બેન્કોને આદેશ

• વિદ્યાર્થીઓના હિતમાં કેરળ હાઈકોર્ટનો મહત્વનો નિર્ણય
• બેન્કો અને નાણાકીય સંસ્થાઓને આપ્યો આદેશ
• વિદ્યાર્થીઓને ભણવાની લોન આપવાનો ઈન્કાર ન કરી શકાય

કેરળ હાઈકોર્ટે કહ્યું છે કે CIBIL (ક્રેડિટ ઇન્ફર્મેશન બ્યુરો ઇન્ડિયા લિમિટેડ)ના નીચા સ્કોરના આધારે વિદ્યાર્થીને એજ્યુકેશન લોન આપવાનો ઈનકાર ન કરી શકાય. જસ્ટીસ પી.વી. કુન્હીકૃષ્ણને બેંકોને શિક્ષણ લોન માટેની અરજીઓ પર વિચાર કરતી વખતે "માનવીય અભિગમ" અપનાવવા જણાવ્યું હતું. કોર્ટે કહ્યું કે વિદ્યાર્થીઓ આવતીકાલના રાષ્ટ્રઘડવૈયા છે. તેઓએ ભવિષ્યમાં આ દેશનું નેતૃત્વ કરવું પડશે. એજ્યુકેશન લોન માટે અરજી કરનાર વિદ્યાર્થીનો સિબિલ સ્કોર ઓછો હોવાથી બેંકે એજ્યુકેશન લોન માટેની અરજી નામંજૂર કરવી જોઇએ નહીં.  

કયા કેસમાં હાઈકોર્ટે આપ્યો યુકાદો 
આ કેસમાં અરજદાર કે જે વિદ્યાર્થી છે, તેણે બે લોન લીધી હતી, જેમાંથી એક લોન રૂ.16,667/- ની બાકી નીકળતી હતી, અને બીજી લોનને બેંકોએ ઓવરડ્યૂ ખાતામાં નાખી દીધી હતી.  આ કારણોસર અરજદાર વિદ્યાર્થીનો સિબિલ સ્કોર ઓછો આવ્યો હતો.  અરજદારના વકીલો દ્વારા એવી રજૂઆત કરવામાં આવી હતી કે, જ્યાં સુધી તાત્કાલિક રકમ નહીં મળે ત્યાં સુધી અરજદાર મુશ્કેલીમાં મુકાશે. વકીલ પ્રણવ એસ.આર. બ્રાન્ચ મેનેજર એટ અલ. (2020) ના કિસ્સામાં, કોર્ટે ઠરાવ્યું હતું કે વિદ્યાર્થીના માતાપિતાનો અસંતોષકારક ક્રેડિટ સ્કોર શૈક્ષણિક લોનને નકારી કાઢવા માટેનું કારણ હોઈ શકે નહીં, કારણ કે શિક્ષણ એ વિદ્યાર્થીની ચુકવણીની ક્ષમતા અનુસાર નિર્ણાયક પરિબળ હોવું જોઈએ. આ કેસમાં વકીલોએ જણાવ્યું હતું કે, અરજદારને મલ્ટીનેશનલ કંપની તરફથી નોકરીની ઓફર મળી છે અને આ રીતે તે લોનની સંપૂર્ણ રકમ ચૂકવી શકશે.

બેન્કોએ વિરોધ કર્યો 
બીજી તરફ, પ્રતિવાદીઓના વકીલે દલીલ કરી હતી કે અરજદાર દ્વારા માંગવામાં આવેલી રાહત મુજબ આ મામલે વચગાળાનો આદેશ પસાર કરવો એ ભારતીય બેંકોના એસોસિએશન દ્વારા ભારતીય રિઝર્વ બેંકની નિર્દેશિત યોજનાની વિરુદ્ધ હશે. તેમાં વધુમાં કહેવામાં આવ્યું છે કે ક્રેડિટ ઇન્ફર્મેશન કંપનીઝ એક્ટ, 2005, ધ ક્રેડિટ ઇન્ફર્મેશન કંપનીઝ રૂલ્સ, 2006 અને સ્ટેટ બેંક ઓફ ઈન્ડિયા દ્વારા જારી કરવામાં આવેલા પરિપત્રમાં હાલના અરજદારની સ્થિતિમાં લોનની વહેંચણી પર પ્રતિબંધ મૂકવામાં આવ્યો છે.