સારા સમાચાર / હાશકારો..સિંગતેલનો ડબ્બો સસ્તો થયો, આટલા રૂપિયાનો થયો ઘટાડો, જાણો લેટેસ્ટ ભાવ

 

• ગૃહિણીઓ માટે રાહતના સમાચાર
• સિંગતેલના ભાવમાં ઘટાડો
• એક અઠવાડિયામાં ડબ્બે રૂ.50નો ઘટાડો

ગુજરાતમાં ગૃહિણીઓ માટે રાહતના સમાચાર આવ્યા છે. દરરોજ વધતી મોંઘવારીની વચ્ચે સિંગતેલના ભાવમાં ઘટાડો જોવા મળ્યો છે. સતત ભાવ વધારા બાદ હવે સિંગતેલના ભાવમાં  ઘટાડો નોંધાયો છે. સિંગતેલના ભાવમાં એક અઠવાડીયામાં 50 રૂપિયાનો ઘટાડો થયો છે. સિંગતેલના 15 કિલોના ડબ્બાનો આજનો ભાવ 2750-2850 રૂપિયા છે. તો કપાસિયા તેલના ડબ્બાનો ભાવ 1520-1600 બોલાઈ રહ્યો છે.

સિંગતેલના ભાવમાં આંશિક ઘટાડો 
સિંગતેલના ભાવમાં છેલ્લા કેટલાક સમયથી સતત વધારો જોવા મળતો હતો પરંતુ તેજ ગતિ થતાં વધારા વચ્ચે થોડા રાહતના સમાચાર સામે આવ્યા છે. સિંગતેલના ભાવમાં આંશિક ઘટાડો થયો છે. થોડા દિવસ પહેલા ફક્ત 3 દિવસમા સિંગતેલના ડબ્બાના ભાવમાં રૂ.100નો વધારો થતાં ગૃહીણીઓમાં દેકારો બોલાઈ ગયો હતો. પરંતુ આંશિક ભાવ ઘટાડો થતાં ગૃહીણીઓમાં થોડી રાહત થઈ છે.

ભાવમાં ઘટાડો થતાં મળી થોડી રાહત
સતત વધતા સિંગતેલના ભાવ વચ્ચે રાહતના સમાચાર સામે આવ્યાં છે. સિંગતેલના ભાવમાં આંશિક ઘટાડો થયો છે, જેમાં ડબ્બામાં રૂપિયા 50નો ઘટાડો થયો છે. છેલ્લા એક અઠવાડિયામાં સિંગતેલનો ડબ્બો 50 રૂપિયા જેટલો સસ્તો થયો છે. જે બાદ હવે સિંગતેલના ડબ્બાનો ભાવ  2750-2850 રૂપિયા થયો છે. સિંગતેલના ભાવમાં સતત વધારો થતો હતો જેને લઈ મધ્યમ અને ગરીબ વર્ગના લોકોનું બજેટ ખોરવાઈ ગયું હતું. પરંતુ છેલ્લા એક અઠવાડિયામાં 50 રૂપિયા ઘટતા મધ્યમ વર્ગને થોડી રાહત મળી છે.  

કપાસિયા તેલના ડબ્બાના ભાવ 1520-1600
કપાસિયા તેલના ભાવ વિશે વાત કરીએ તો કપાસિયા તેલના ભાવ રૂપિયા 1520-1600 થયા છે. ગત વર્ષે સિંગતેલ અને કપાસિયા તેલના ભાવ સરખાં હતા. આ વર્ષે કપાસિયા તેલ કરતા સિંગતેલના ભાવમાં એક હજાર રૂપિયાનો વધારો જોવા મળી રહ્યો છે. બજારમાં મંદી અને અન્ય તેલીબિયાના ભાવમાં ઘટાડો થયાનો વેપારીઓ દાવો કરી રહ્યા છે. 

ત્રણ દિવસમાં થયો હતો રૂ.100નો વધારો
આપને જણાવી દઈએ કે, ગત 9 મેના રોજ સતત ત્રીજા દિવસે સિંગતેલના ભાવમાં વધારો નોંધાયો હતો. 3 દિવસમાં સિંગતેલના ડબ્બાના ભાવમાં 100 રૂપિયાનો વધારો થયો હતો. જે બાદ સિંગતેલના ડબ્બાનો ભાવ 2 હજાર 860થી વધીને 2 હજાર 960 રૂપિયા થયા હતા. વેપારીઓએ લગ્નની સિઝનને કારણે ભાવ વધ્યો હોવાનું અનુમાન લગાવ્યો હતો.