અમદાવાદ / ઉમિયા ધામના કાર્યક્રમમાં DyCM નીતિન પટેલનું નિવેદન મને એકલો પાડવાના...

• નિતીન પટેલ ફરી એકવાર ચર્ચામાં
• નિતીન પટેલના નિવેદને કોના પર કર્યો ઈશારો
• અગાઉ પણ આવા નિવેદનોને લઈને ચર્ચામાં રહ્યાં છે

ગુજરાતના નાયબ મુખ્યમંત્રી ફરી એકવાર ચર્ચામાં આવ્યા છે. તાજેતરમાં જ અમદાવાદમાં યોજાયેલા વિશ્વ ઉમિયા ફાઉન્ડેશનના માં ઉમિયાના શિલાન્યાસ કાર્યક્રમ વખતે નાયબ મુખ્યમંત્રીએ નિવેદન આપ્યું છે કે મને એકલો પાડવાનો પ્રયાસ થઈ રહ્યો છે. પરંતુ સમયની સાથે હું યાદ આવી જ જાઉં છું. કારણ કે માં ઉમિયાના મારા પર આર્શિવાદ છે. તમે ટીવી અને ન્યુઝપેપરમાં જોતા જ હશો કે એક બાજુ હું એકલો અને બીજી બાજુ બધા છે. અહી એમ જ નથી પહોચાતું.

અમદાવાદના જાસપુર ખાતે વિશ્વના સૌથી ઊંચા (431 ફૂટ) વિશ્વ ઉમિયાધામ મંદિરનો શિલાન્યાસ કરી પૂજા અર્ચન કર્યા. pic.twitter.com/yJkd5TaMyO

— Nitin Patel (@Nitinbhai_Patel) February 29, 2020

પરંતુ આજે હું તમારા બધાના સહયોગથી બોલું છું. અને એક પક્ષના કાર્યકર તરીકે બોલું છું. બધી જગ્યાએ મને જે યાદ આવવાનું હોય તે આવી જ જાય. કારણ કે માં ઉમિયાના મારા પર આર્શિવાદ છે. બીજા ઘણાં નથી ગમતું અને બધી વાતો ભુલાવા મથે છે પણ નિતીનભાઈ ભૂલતા નથી. 

અમદાવાદ ખાતે માન. મુખ્યમંત્રી શ્રી @vijayrupanibjp અને નાયબ મુખ્યમંત્રી શ્રી @Nitinbhai_Patel ની વિશેષ ઉપસ્થિતિમાં વિશ્વ ઉમીયાધામનો શિલાન્યાસ સમારોહ યોજાયો. (1/2) pic.twitter.com/grODzKqC0r

— BJP Gujarat (@BJP4Gujarat) February 29, 2020

નાયબ મુખ્યમંત્રી નિતીન પટેલના આ નિવેદન બાદ ફરી એકવાર તર્ક વિતર્ક થઈ રહ્યાં છે. અને અગાઉ પણ નિતીનભાઈ આવા નિવેદનોના કારણે ચર્ચામાં રહ્યાં છે પરંતુ હવે જોવાનું તે રહેશે કે નિતીનભાઈનો આ વખતે કોના તરફ ઈશારો જઈ રહ્યો છે.

 

આ સમગ્ર કાર્યક્રમમાં જીતુ વાઘાણી અને ગુજરાતના મુખ્યમંત્રી વિજય રૂપાણી તેમજ અનેક ધારાસભ્યો હાજર હતાં.