BIG BREAKING / પ્રયાગરાજના Dy. CMOની હોટલમાંથી લાશ મળી આવતા ચારેકોર હડકંપ, અધિકારીઓએ વ્યક્ત કરી હત્યાની આશંકા

• અતિક-અશરફની હત્યા બાદ ફરી એકવાર પ્રયાગરાજથી મોટા સમાચાર
• પ્રયાગરાજના ડેપ્યુટી CMO સુનિલ કુમાર સિંહનો મૃતદેહ મળ્યો 
• સિવિલ લાઈનમાં હોટલ વિઠ્ઠલના રૂમમાંથી મળી આવ્યો સુનિલ કુમાર સિંહનો મૃતદેહ

અતિક-અશરફની હત્યા બાદ ફરી એકવાર પ્રયાગરાજથી મોટા સમાચાર સામે આવ્યા છે. વાત જાણે એમ છે કે, પ્રયાગરાજના ડેપ્યુટી CMO સુનિલ કુમાર સિંહનો મૃતદેહ સિવિલ લાઈનમાં હોટલ વિઠ્ઠલના રૂમમાંથી મળી આવ્યો હતો. સોમવારે સવારે હોટલના કર્મચારીઓએ સૌપ્રથમ લાશને ફાંસી પર લટકતી જોઈ. આ પછી CMOને બોલાવવામાં આવ્યા હતા. ઈન્ચાર્જ CMO ડૉ.અશોક કુમાર અને અન્ય અધિકારીઓ ઘટનાસ્થળે પહોંચી ગયા છે.

પ્રયાગરાજ સિવિલ લાઈનમાં હોટલ વિઠ્ઠલના રૂમમાંથી મળી પ્રયાગરાજના ડેપ્યુટી CMO સુનિલ કુમાર સિંહનો મૃતદેહ મળતા હડકંપ મચી ગયો છે. લગભગ 10.30 વાગ્યે પોલીસ પણ ઘટનાસ્થળે પહોંચી ગઈ હતી. હોટલના રૂમ નંબર 106નો દરવાજો માસ્ટર કી વડે ખોલવામાં આવ્યો હતો. ફોરેન્સિક ટીમે રૂમમાંથી પુરાવા એકત્ર કર્યા છે. ડૉ.સુનિલ કુમાર સિંહ મૂળ બનારસના પાંડેપુરના છે. તેઓ પ્રયાગરાજમાં ચેપી રોગો માટે નોડલ ઓફિસર હતા. મૃતદેહની હાલત જોઈને આરોગ્ય વિભાગના અધિકારીઓએ આ આત્મહત્યા નહીં પરંતુ હત્યા હોવાની આશંકા વ્યક્ત કરી છે.

Uttar Pradesh | Prayagraj Deputy CMO Sunil Kumar Singh was found dead at a hotel in the city today.

A forensics team has reached the spot and an investigation is underway pic.twitter.com/6bemUzMqm7

— ANI UP/Uttarakhand (@ANINewsUP) April 24, 2023

શું કહ્યું પોલીસે ? 
પોલીસનું કહેવું છે કે, પોસ્ટમોર્ટમ રિપોર્ટ આવ્યા બાદ મોતનું સાચું કારણ બહાર આવશે. ડીએમ સંજય કુમાર ખત્રી અને પોલીસ કમિશનર રમિત શર્મા પણ હોટલ પહોંચી ગયા છે. તેણે ફોરેન્સિક ટીમ અને પોલીસ ટીમ સાથે કેસની તપાસ કરવા વાત કરી. આરોગ્ય વિભાગમાં તેમની સાથે કામ કરતા ડોક્ટરોએ જણાવ્યું કે પ્રયાગરાજ પોસ્ટિંગ પહેલા તેઓ મિર્ઝાપુરમાં પોસ્ટેડ હતા. પ્રયાગરાજને ઓગસ્ટ 2022માં પોસ્ટ કરવામાં આવ્યું હતું. કારણ કે આ હોટલ CMO ઓફિસથી માત્ર 4 કિમી દૂર છે, એટલા માટે તેઓ અહીં રહેવા લાગ્યા. ડોકટરોના જણાવ્યા મુજબ, તે એકદમ મિલનસાર હતા. તેમનો કોઈ સાથે કોઈ વિવાદ નહોતો.

હોટલના રૂમમાં રહેતા હતા ભાડે 
વિગતો મુજબ પ્રયાગરાજના ડેપ્યુટી CMO સુનિલ કુમાર સિંહ હોટલના રૂમ નંબર 106માં રહેતા હતા. સોમવારે સવારે હોટલનો સ્ટાફ જ્યારે રૂમમાં પહોંચ્યો ત્યારે રૂમ ખુલ્યો ન હતો. ઘણી વખત ફોન કર્યા બાદ કર્મચારીએ રિસેપ્શન પર માહિતી આપી. આ પછી હોટલના સ્ટાફે માસ્ટર કી વડે દરવાજો ખોલ્યો હતો. 

પોલીસે ડેપ્યુટી CMOના સામાનની શોધખોળ હાથ ધરી છે. જોકે કોઈ સુસાઈડ નોટ મળી નથી. આ તરફ હવે હોટલના સીસીટીવીની પણ તપાસ કરવામાં આવી રહી છે. જેથી રૂમની આસપાસની હિલચાલ જોઈ શકાય. પોલીસે પરિવારજનોને માહિતી મોકલી છે. ડોક્ટરના પિતા ઘનશ્યામ સિંહ યુપી કોલેજ બનારસમાં પ્રોફેસર હતા.

પલંગ પરથી ગાદલું જમીન પર પડેલું જોવા મળ્યું
ACP આકાશ કુલહારી ઘટનાસ્થળે પહોંચી ગયા છે. બેગ રૂમના એક ખૂણામાં રાખેલી મળી આવી હતી. પલંગ પરથી ગાદલું જમીન પર લટકતું હતું. રૂમમાં બધો સામાન બિસ્માર હાલતમાં જોવા મળ્યો છે. પોલીસની ટીમ આરોગ્ય વિભાગના તબીબો અને કર્મચારીઓના નિવેદનો નોંધી રહી છે. સાથે જ બીજી ટીમ સામાનની ચકાસણી, પરિવારજનો સાથે સંપર્ક અને સીસીટીવી ચેક કરવામાં વ્યસ્ત છે.