કોવિડ 19 / મહારાષ્ટ્રમાં કોરોના વિસ્ફોટ, પાલઘરમાં સ્કૂલો-કોલેજો બંધ, તો આ રાજ્યમાં 9 જિલ્લાઓમાં નાઈટ કર્ફ્યૂના સમયમાં વધારો

• મહારાષ્ટ્રમાં પ્રતિબંધો લાગૂ કરાયા 
• ગુજરાતમાં પણ કોરોનાની અસર, પ્રતિબંધો લાગૂ 
• પંજાબમાં પણ સરકારદ્વારા કરાઇ કાર્યવાહી

મહારાષ્ટ્રમાં સતત કોરોનાનો ખતરો વધી રહ્યો છે અને તંત્રએ હવે કડક નિર્ણયો ઉઠાવવાના શરૂ કરી દીધા છે. કેટલાક જિલ્લાઓમાં પ્રતિબંધ લગાવી દેવાયો છે અને ગુરૂવાર સવારે પાલઘર જિલ્લામાં આગામી આદેશ સુધી તમામ શાળા, કોલેજ, હોસ્ટેલ બંધ કરવાનો આદેશ આપી દેવાયો છે. બુધવારે રાજ્યમાં 23,179 તાજા કોરોના વાયરસના કેસ અને મોત થયા છે.
નંદોરમાં એક આશ્રમ શાળાના શિક્ષક સહિત 30 લોકોનો કોરોના પોઝિટિવ આવ્યો છે જ્યારબાદ શાળાની હૉસ્ટેલ સીલ કરી દેવાયા છે. પાલઘરના ડેપ્યુટી કલેક્ટરે આ માહિતી આપી.

કોરોના વાયરસની અસર 

વિશેષજ્ઞોનું કહેવું છે કોરોના ગાઇડલાઇન્સમાં ઢીલ આપવાના કારણે ફરીથી કોરોનાના કેસમાં વધારો જોવા મળી રહ્યો છે. આ પહેલા મહારાષ્ટ્ર સરકાર લોકોને ચેતવણી આપી ચૂકી છે કે જો કોરોના નિયમોન પાલન ન થયું તો સરકાર લૉકડાઉન લગાવવા પર મજબૂર થઇ જશે. કેટલીક ડિલોમાં સરકારે આમ કહેવાનું શરૂ પણ કરી દીધું છે.

પંજાબના 9 જિલ્લાઓમાં વધ્યો નાઇટ કર્ફ્યુનો સમય

પંજાબમાં કોરોના વાયરસનું સંક્રમણની ઝડપ વધી રહી છે ત્યારે કડકાઇ પણ વધારવામાં આવી રહી છે. મુખ્યમંત્રી કેપ્ટન અમરિંદર સિંહે નાઇટ કર્ફ્યુની સમય મર્યાદાને 2 કલાક વધારી દેવામાં આવી છે. મુખ્યમંત્રી કેપ્ટન અમરિંદરે એલાન કર્યું કે આજે એટલે ગુરૂવાર રાત્રીથી રાત્રી કર્ફ્યુનો સમય રાત્ર 9 વાગ્યાથી સવારે 5 વાગ્યા સુધી હશે. આ પહેલા રાત્રી કર્ફ્યુની ટાઇમિંગ રાત્રે 11થી સવારે 5 વાગ્યા સુધી હતી. એટલે પંજાબે 9 જિલ્લા લુધિયાણા, પટિયાલા, મોહાલી, ફતેહગઢ સાહિબ, જાલંધર, શહિદ ભગતસિંહ નગર, રૂપનગર, કપૂરથલા અને હોશિયારપુરમાં રાત્રી કર્ફ્યુના સમયમાં 2 કલાકનો સમય વધાર્યો છે.

ગુજરાતમાં શું છે ?

દેશના ઘણા રાજ્યોમાં કોરોના કેસો વધતાં આંશિક લોકડાઉન જેવા પ્રતિબંધો સ્થાનીય અથવા રાજ્ય સ્તરે લાગૂ કરવામાં આવી રહ્યા છે, પીએમ મોદીએ મુખ્યમંત્રીઓ સાથેની બેઠકમાં ચેતવણી ઉચ્ચાર્યા પછી વિવિધ રાજ્યોમાં હવે કોરોનાને નિયંત્રણમાં લેવા માટે પગલાં ભરવામાં આવી રહ્યા છે, આ શ્રેણીમાં ગુજરાતમાં પણ અમદાવાદ, સુરત, રાજકોટ અને વડોદરામાં પણ નાઈટ કારફયુનો સમય વધારી દેવામાં આવ્યો છે, અમદાવાદમાં પબ્લિક ટ્રાન્સપોર્ટ (BRTS અને AMTS) બંધ કરી દેવાઈ છે, સાથે જ પરીક્ષાઓ મુલતવી રાખીને 10 એપ્રિલ સુધી ઓફલાઇન શિક્ષણ બંધ કરી દેવાયું છે.