ધર્મ / નવરાત્રીની આઠમ-નોમ પર જો-જો આ 6 ભૂલો કરતા! નહીં તો મુકાઇ જશો મુશ્કેલીમાં

• શક્તિની ઉપાસનાના પવિત્ર પર્વ નવરાત્રીનો જામતો માહોલ
• આઠમા અને નવમા નોરતે રાખો ખાસ ધ્યાન
• અષ્ટમી અને નવમી પર આ છ ભૂલ ક્યારેય ન કરવી જોઇએ

શક્તિની ઉપાસનાના પવિત્ર પર્વ નવરાત્રી ચાલી રહી છે અને આ શરદીય નવરાત્રીનો આજે 7 મો દિવસ છે. જે અવસર ધર્મ ભક્તિનો બરાબરનો માહોલ જામ્યો છે. ત્યારે અષ્ટમી અને નવમી તિથિ પર કન્યા પૂજન સાથે નવરાત્રીનું સમાપન કરવામાં આવશે. આ વર્ષે નવરાત્રી મહોત્સવની આઠમ એટલે કે આઠમું નોરતું 22 ઓક્ટોબર અને મહાનવમી 23 ઓક્ટોબરના રોજ ઉજવવામાં આવશે. ત્યારે ધાર્મિક માન્યતા અનુસાર અષ્ટમી અને નવમી પર છ ભૂલ ક્યારેય ન કરવી જોઇએ. 

આ બંને માતાજીની પૂજા જરૂરી
આઠમા નોરતે મહાગૌરી અને નવમા નોરતે મા સિદ્ધદાત્રીની પૂજાનું ખૂબ જ મહત્વ હોય છે. આથી આ બંને માતાજીની પૂજા ઉપાસના વગર વ્રતના પારણા ક્યારેય ન કરવા જોઈએ.


ઈશાન ખૂણામાં પૂજા કરવી
સાથે જ આ બંને દિવસે ઘરના ઈશાન ખૂણામાં પૂજા કરવી જોઈએ અને પૂજાના સમયે તમારું મુખ ઈશાન, પૂર્વ તથા ઉતરમાં હોવું જોઈએ.અન્ય દિશામાં પૂજા કરવાથી ધાર્યું ફળ મળતું નથી.

ખંડિત મૂર્તિની બિલકુલ પૂજા ન કરવી
વધુમાં માન્યતા અનુસાર વાત કરવામાં આવે તો નવરાત્રીના આઠમા અને નવમા દિવસે ખંડિત ચોખા એટલે કે કટકા થયેલ ચોખાથી તથા ખંડિત મૂર્તિની બિલકુલ પૂજા ન કરવી જોઈએ. આવું કરવાથી વ્રતનું ફળ ન મળે તેવી માન્યતા છે.

લસણ, ડુંગળીનો ત્યાગ કરવો
વધુમાં નવરાત્રીના આ પાવન દિવસે ઘરમાં લસણ, ડુંગળી અને દારૂ તથા માંસમટનનો પ્રયોગ ભૂલથી પણ ન કરવો જોઈએ. વ્રત ન રાખતા લોકોએ પણ આ દિવસે ખાસ લસણ, ડુંગળી સહિતના ખાદ્ય પદાર્થનો ત્યાગ કરવો જોઈએ.

ગરીબનું આપમાન ન કરવું
સાથે સાથે નવરાત્રીના આ બંને પવિત્ર દિવસો દરમિયાન ગરીબ, નિર્ધન અથવા અસક્ત વ્યક્તિનું અપમાન ન કરવું જોઈએ. સાથે કન્યાઓનું અપમાન અને તેમના પર ગુસ્સો કરવાથી પણ બચવું જોઈએ.

રંગનું રાખવું ખાસ ધ્યાન 
આ ઉપરાંત કાળા વસ્ત્રો ધારણ કરીને માતાજીની આરાધના અને ઉપાસના પણ ક્યારેય ન કરવી જોઈએ. કારણ કે તે અશુભ માનવામાં આવે છે. તો આ દિવસે ખાસ લાલ તથા પીળા રંગના વસ્ત્રો ધારણ કરીને જ શુભ કાર્યમાં બેસવું જોઈએ.