મહત્વનું / દિવાળી પર 499 વર્ષ બાદ અદ્ભૂત સંયોગ, જાણો કોનો શરુ થઈ રહ્યો છે સારો સમય

• સર્વાર્થ સિદ્ધિ યોગ બની રહ્યો છે
• 15 નવેમ્બર સવારે 10 વાગ્યા સુધી રહેશે. આ સમયમાં દિવાળી મનાવવામાં આવશે
• પહેલા ગ્રહોની આવી સ્થિતિ 1521માં જોવા મળી હતી
• આવો સંયોગ 499 વર્ષ બાદ બની રહ્યો છે

દિવાળી - કાળી ચૌદશએક જ દિવસે

આ વર્ષે મોટો સંયોગ એ છે કે દિવાળી અને કાળી ચૌદશ એક જ દિવસે હશે. કાળી ચૌદશને નાની દિવાળી પણ કહેવામાં આવે છે.  આ દિવસે સ્નાન કરી યમ તર્પણ અને સાંજનના સમયે આંગણામાં દિપ પ્રગટાવવાનું તેમજ દાનનું મોટું મહત્વ છે.

કાળી ચૌદશનું શુભ મુહૂર્ત

કાળી ચૌદશ પર સ્નાનનું શુભ મુહૂર્ત સવારે 5.23થી સવારે 6.43 વાગ્યા સુધી રહેશે. આ તિથિને કાળી ચૌદશની સાથે દિવાળી પણ મનાવવામાં આવશે. જોકે ચૌદશ તિથિ બપોરે 1 વાગ્યેને 16 મિનિટ સુધી રહેશે. આ બાદ અમાવસ્યા તિથિનો આરંભ થઈ જશે. 15 નવેમ્બર સવારે 10 વાગ્યા સુધી રહેશે. આ સમયમાં દિવાળી મનાવવામાં આવશે.

ગ્રહોની સ્થિતિથી કોને થશે લાભ

ગુરુ જ્ઞાન અને શનિ ધન-સંપત્તિનો ગ્રહ મનાય છે. દિવાળી પર ગુરુ - શનિના સ્વરાશિમાં રહેવાના કારણે અનેક લોકોના ભાગ્ય ચમકી શકે છે. આ દિવાળી તમારા માટે શુભ સંકેત લઈને આવી રહી છે. જ્યોતિષોના જણાવ્યાનુંસાર વૃષભ, કર્ક, તુલા અને કુંભ રાશિના જાતકો માટે આ સમય ઘણો શુભ રહેશે. જ્યારે મિથુન, સિંહ અને કન્યા રાશિ માટે થોડુ સંભાળીને રહેવું પડશે.

સર્વાર્થ સિદ્ધિ યોગ

જ્યોતિષોના જણાવ્યાનું સાર 11 નવેમ્બરથી 14 નવેમ્બર સુધી સર્વાર્થ સિદ્ધિ યોગ પણ બનેલો રહેશે. દિવાળી, ધનતેરસ અને સર્વાર્થ સિદ્ધિ યોગની વચ્ચે ખરીદી કરવી શુભ રહેશે. ખાસ કરીને કોઈ વાહન ખરીદવા અથવા વ્યાપારના શુભારંભ માટે આ સમય ઘણો ખાસ રહેવાનો છે.

દિવાળી પર કરો આ શુભ કામ

દિવાળીના દિવસે હનુમાનજી, યમરાજ, ચિત્રગુપ્ત, કુબેર, ભૈરવ, કુલદેવતા અને પિતૃઓનું પૂજન કરવાનું ન ભૂલતા. મા લક્ષ્મીની સાથે ભગવાન વિષ્ણુનું પણ પૂજન કરજો.  પૂજાના સમયે શ્રી સૂક્તનો પાઠ કરો. ઈચ્છો તો વિષ્ણુસહસ્ત્રનામ, ગોપાલ સહસ્ત્રનામનો પાઠ પણ કરી શકો છે.