ગાંધીનગર / જિલ્લા પંચાયત પ્રમુખ અને ઉપપ્રમુખની વરણીની તારીખો જાહેર, વિકાસ કમિશનરે બહાર પાડ્યું જાહેરનામું

ગાંધીનગર ન્યૂઝ: ગુજરાતની 31 જિલ્લા પંચાયત પ્રમુખ અને ઉપપ્રમુખની વરણી થશે, જિલ્લા પંચાયત પ્રમુખ અને ઉપપ્રમુખની 13-14 સપ્ટેમ્બરના રોજ થશે વરણી, પ્રથમ દિવસે 16 જિલ્લા પંચાયતમાં હોદ્દેદારો નીમાશે , 14 સપ્ટેમ્બરના રોજ 15 જિલ્લા પંચાયતમાં પ્રમુખ ઉપપ્રમુખની થશે વરણી, વિકાસ કમિશનર સંદિપ… pic.twitter.com/GHpqAga74W

— VTV Gujarati News and Beyond (@VtvGujarati) August 30, 2023

• ગુજરાતની 31 જિલ્લા પંચાયત પ્રમુખ અને ઉપપ્રમુખની વરણી થશે
• જિલ્લા પંચાયત પ્રમુખ અને ઉપપ્રમુખની 13-14 સપ્ટેમ્બરના રોજ થશે વરણી
• પ્રથમ દિવસે 16 જિલ્લા પંચાયતમાં હોદ્દેદારો નીમાશે 

ગાંધીનગરથી મહત્વના સમાચાર સામે આવી રહ્યા છે. જેમાં ગુજરાતના 31 જિલ્લા પંચાયત પ્રમુખ અને ઉપપ્રમુખની વરણી કરવામાં આવશે. આ અંગે તારીખો પણ જાહેર કરી દેવામા આવી છે.જેમાં જિલ્લા પંચાયત પ્રમુખ અને ઉપપ્રમુખની 13-14 સપ્ટેમ્બરના રોજ વરણી કરવામાં આવે તેવું સત્તાવાર રીતે જાહેર થવા પામ્યું છે.

14 સપ્ટેમ્બર ના રોજ 15 જિલ્લા પંચાયતમાં પ્રમુખ ઉપપ્રમુખની થશે વરણી

આ અંગે વિસ્તારથી વાત કરીએ તો પ્રથમ દિવસે 16 જિલ્લા પંચાયતમાં હોદ્દેદારોના શિરે વિધિવત રીતે જવાબદારી સોંપવામાં આવશે. ત્યારબાદ 14 સપ્ટેમ્બર ના રોજ 15 જિલ્લા પંચાયતમાં પ્રમુખ અને ઉપપ્રમુખની વરણી કરવામાં આવશે. આ મામલે વિકાસ કમિશનર સંદિપ કુમાર દ્વારા જાહેરનામું બહાર પાડવામાં આવ્યું છે.

વિકાસ કમિશનર સંદિપ કુમારે બહાર પાડ્યું જાહેરનામું
મહત્વનું છે કે જામનગર ગીર સોમનાથ, ડાંગ, દાહોદ, નર્મદા અને તાપી સહિતની જિલ્લા પંચાયત પ્રમુખ પદ એસટી કેટેગરી માટે અનામત જાહેર કરાયું છે. બીજી બાજુ જામનગર, ડાંગ, ગીર સોમનાથ સહિતના જિલ્લાઓમાં પ્રમુખ પદ એસટી કેટેગરીના મહિલા ઉમેદવાર માટે અનામત રખાયું છે અને તેમાં લગભગ નામો પણ નિશ્ચિત થઈ ગયા છે અને ઉચ્ચકક્ષાએથી મંજૂરીની મ્હોર લગાવ્યા બાદ સત્તાવાર રીતે જાહેરાત કરાશે.