IPL 2023 / VIDEO: ફરી ધોનીએ જ સ્ટમ્પ પાછળથી કર્યો આ કમાલ, અમ્પાયર પણ થયા ફેલ, ફેન્સ થઈ ગયા ખુશ

• સૂર્યાને આઉટ કરવામાં ધોનીની ચતુરાઈ કામમાં આવી
• ડીઆરએસ લેવામાં માહેર છે ધોની 

IPL 2023 માં ગઇકાલે ચેન્નાઈ સુપર કિંગ્સ અને મુંબઈ ઈન્ડિયન્સ વચ્ચે મેચ રમાઈ હતી અને આ મેચમાં CSKના કેપ્ટન મહેન્દ્ર સિંહ ધોનીએ ટોસ જીતીને પહેલા બોલિંગ કરવાનો નિર્ણય કર્યો હતો. જે એકદમ સાચો નીકળ્યો હતો. CSK સ્પિનરોએ શાનદાર રમત બતાવી હતી કેપ્ટન ધોનીએ મુંબઈના એક સ્ટાર ખેલાડીને આઉટ કરવામાં મહત્વની ભૂમિકા ભજવી હતી. 

Dhoni Review System 🦁💛 pic.twitter.com/DFO1do0CpT

— Rohan (@Csk_army1) April 8, 2023

ધોનીએ કર્યું આ કામ
મિશેલ સેન્ટનર ચેન્નાઈ સુપર કિંગ્સ માટે ઈનિંગની આઠમી ઓવર ફેંકવા આવ્યો હતો અને તેમની સામે સૂર્યકુમાર યાદવ હતા. આ ઓવરના બીજા બોલ પર સૂર્યાએ સ્વીપ શોટ રમ્યો હતો અને બોલ ધોનીના ગ્લોવ્સમાં ગયો. જ કે અમ્પાયરે બોલ વાઈડ આપ્યો પણ ત્યારપછી વિકેટની પાછળ ઉભેલા CSKના કેપ્ટન ધોનીએ આઉટ થવાની અપીલ કરી હતી. જો કે એ સમયે અમ્પાયરે તેને નકારી કાઢી હતી. ત્યારબાદ ધોનીએ રિવ્યુ લીધો હતો. થયું એવું કે રિપ્લેમાં જાણવા મળ્યું હતું કે બોલ સૂર્યકુમારના ગ્લોવ્ઝમાં વાગ્યો અને ધોની પાસે ગયો અને આ રીતે થર્ડ અમ્પાયરે સૂર્યાને આઉટ આપ્યો હતો. આ રીતે સૂર્યાને આઉટ કરવામાં ધોનીની ચતુરાઈ કામમાં આવી હતી. 

Dhoni review system and the celebration with all CSK players. pic.twitter.com/cJAltuciSe

— Johns. (@CricCrazyJohns) April 8, 2023

કપ્તાનીમાં નિષ્ણાત છે માહી 
મહેન્દ્ર સિંહ ધોનીની ગણતરી વિશ્વના શ્રેષ્ઠ કેપ્ટનોમાં થાય છે. તેની વિકેટકીપિંગ કુશળતા પણ અદભૂત છે. તે બોલિંગમાં શાનદાર ફેરફાર કરે છે અને ડીઆરએસ લેવામાં માહેર છે. રિવ્યુ લેવાની તેમની કળાને ઘણા ચાહકો 'ધોની રિવ્યુ સિસ્ટમ' પણ કહે છે. તેમની કપ્તાનીમાં CSK ચાર વખત IPL ટ્રોફી જીતી ચુકી છે.