બનાસકાંઠા જીલ્લાનાં ઢેલાણા ગ્રામ પંચાયત દ્વારા પાણી બચાવવા નવતર પ્રયોગ હાથ ધરવામાં આવ્યો છે. ત્યારે ગામમાં પાણીનો વેડફાટ થતો અટકાવવા ગ્રામ પંચાયત દ્વારા ગામમાં દરેક ઘરે પાણીનાં મીટર નાંખવામાં આવ્યા છે.
Share
પાલનપુરના ઢેલાણા ગ્રામ પંચાયતનો નવતર પ્રયોગ
પાણીનો વેડફાટ થતો અટકાવવા ઘેર ઘેર લગાવ્યા મીટર
મીટરને કારણે પાણીનો બિનજરુરી વપરાશ થયો બંધ
ગુજરાત ટેકનોલોજીના ક્ષેત્રે ખૂબ પ્રગતિ કરી રહ્યો છે. જેને કારણે રાજ્યના અનેક મેટ્રો શહેર પણ ખૂબ ઝડપથી આગળ વધી રહ્યા છે. શહેરોમાં 24 કલાક વીજળી, પાણી અને LPGની સુવિધા પ્રશાસન તરફથી આપવામાં આવે છે. ત્યારે નોર્મલી આપણે શહેરોમાં વીજળીના મીટર, LPGના મીટર અને પાણીના મીટર જોયા હશે, પરંતુ જો આવી વ્યવસ્થા ગામોમાં પણ જોવા મળે તો નવાઈ લાગે. પરંતુ હવે બનાસકાંઠાના પાલનપુરના ઢેલાણા ગામમાં આવેલા તમામ ઘરો પાણીના મીટરથી સજ્જ થયા છે.
પાણી બચાવવા માટે એક અભિયાનની શરૂઆત
ગુજરાતના બનાસકાંઠામાં આવેલા એક ગામ દ્વારા નવતર પ્રયોગ કરવામાં આવ્યો છે. જેમાં પાલનપુરના ઢેલાણા ગ્રામ પંચાયત દ્વારા પાણી બચાવવા માટે એક અભિયાનની શરૂઆત કરી છે. આ અભિયાન અંતર્ગત ગામમાં આવેલા સમગ્ર મકાનોમાં પાણીના મીટર લગાવવામાં આવ્યા છે. જેને કારણે હવે વેડફાતું પાણી બંધ થયું છે. એક સમય પહેલા ગામોમાં લોકો વીજળીનો વેડફાટ કરતા હતા પંરતુ વીજળીના મીટર લાગ્યા બાદ તેઓ વીજળીનો વેડફાટ અટક્યો હતો. ઠીક તેવી રીતેજ આજે સમગ્ર ગામમાં આવેલા 410 ઘરોમાં પાણીના મીટર લગાવવામાં આવ્યા છે. જેને કારણે લોકોએ પાણીનું વેડાફટ બંધ કર્યું છે.. ઢેલાણા ગામના સરપંચ નીતાબેન અને પાણી સમિતિ દ્વારા સર્વે કરી ઢેલાણા ગામમાં આવેલા દરેક ઘર સુધી ફુલ ફોર્સ સાથે પાણી પહોંચે તે હેતુથી મોટી પાઈપ લાઈનો નાખવામાં આવી છે. જેમાં 1 હજાર લીટર પાણીના વપરાશ માટે ટોકન રૂપિયા એક ચાર્જ નક્કી કરાયો છે. છેલ્લા દસ દિવસથી નવી મીટર પદ્ધતિથી રહીશોને પાણી પૂરું પાડવામાં આવી રહ્યું છે.
બે કલાકમાં જ મકાનના બીજા માળે ફૂલ ફોર્સની સાથે પાણી પહોંચી જાય
બનાસકાંઠા જિલ્લામાં પ્રથમ વખત ઢેલાણા ગામે પાણી બચાવવા માટેનો આ અનોખો પ્રયાસ છે. જેમાં ગ્રામજનોને સફળતા મળી છે. પાણીના મીટર લાગ્યા બાદ ગ્રામજનો સમજદારી પૂર્વક પાણીનો વપરાશ કરી રહ્યા છે. તો બીજી તરફ આ સમગ્ર પ્રોજેક્ટ અંતર્ગત પ્રશાસન તરફથી 24 લાખની ગ્રાન્ટ અને 10% ગામ ફાળો ઉઘરાવી કુલ 26 લાખના ખર્ચે નવીન પાણીની પાઇપલાઇન અને મીટર લગાવવામાં આવ્યા છે. જેમાં હવે માત્ર બે કલાકમાં જ મકાનના બીજા માળે ફૂલ ફોર્સની સાથે પાણી પહોંચી જાય છે.
હાલ સમગ્ર ઢેલાણા ગ્રામજનો દ્વારા કર કસરયુક્ત પાણીનો ઉપયોગ કરવામાં આવી રહ્યો છે જેનાં કારણે પાણીનો બગાડ થતો અટક્યો છે. પહેલા 6 કલાક સુધી ગામમાં પાણી પહોંચાડવામાં આવતું હતુ. જે હવે માત્ર બે કલાકમાં સમગ્ર ગામમાં પાણી પહોંચી જાય છે. પાણીના મીટર લાગવાથી હાલ સમગ્ર ગામમાં ખુશીની લહેર છે.
