ન્યૂઝ અપડેટ્સ
ન્યૂઝ અપડેટ્સ
15 ફોટો ગેલેરી
Last Updated: 12:40 PM, 6 November 2026
FOLLOW ON
શેર કરો
1/15
દિવાળીના પાંચ દિવસના તહેવારની શરૂઆત ધનતેરસથી થાય છે. આ દિવસે લોકો પોતાના બજેટ પ્રમાણે ઘર માટે નવી વસ્તુઓ ખરીદે છે. કોઈ સોનું-ચાંદી ખરીદે છે તો કોઈ નવાં વાસણો કે ઇલેક્ટ્રોનિક વસ્તુઓ ઘરે લાવે છે. ધાર્મિક માન્યતા પ્રમાણે આ દિવસે કરેલી ખરીદી ઘરમાં સુખ-સમૃદ્ધિ અને ખુશહાલી લાવે છે. પરંતુ ખરીદી કરતી વખતે તમારી રાશિનું પણ ધ્યાન રાખવામાં આવે તો તે વધુ શુભ માનવામાં આવે છે. જ્યોતિષમાં દરેક રાશિના સ્વામી ગ્રહ પ્રમાણે અલગ-અલગ વસ્તુઓ ખરીદવાની સલાહ આપવામાં આવે છે. તો ચાલો જાણીએ મેષથી લઈને મીન રાશિ સુધીના જાતકોએ આ ધનતેરસે કઈ વસ્તુઓ ખરીદવી જોઈએ.
આ તસવીર શેર કરો
2/15
હિંદુ ધર્મમાં ધનતેરસનું ખાસ મહત્વ છે. દર વર્ષે કારતક મહિનાના કૃષ્ણ પક્ષની તેરસના દિવસે આ પર્વ મનાવવામાં આવે છે. ધાર્મિક માન્યતા પ્રમાણે સમુદ્રમંથન દરમિયાન આ દિવસે ભગવાન ધન્વંતરિ અમૃતનો કળશ લઈને પ્રગટ થયા હતા. ભગવાન ધન્વંતરિને આરોગ્યના દેવતા માનવામાં આવે છે. આથી ધનતેરસના દિવસે તેમની પૂજા કરવાનું ખાસ મહત્વ છે.આ દિવસે લોકો ભગવાન ધન્વંતરિ, માતા લક્ષ્મી અને કુબેરની પૂજા કરે છે. સોના-ચાંદી, તાંબાના વાસણો અને બીજી નવી વસ્તુઓ ખરીદવાની પરંપરા પણ છે. જોકે, ખરીદી કરતી વખતે માત્ર દેખાદેખી કે ઉતાવળમાં ખર્ચ કરવાને બદલે પોતાની જરૂરિયાત અને બજેટનું ધ્યાન રાખવું પણ જરૂરી છે.
આ તસવીર શેર કરો
ADVERTISEMENT
3/15
મેષ રાશિના સ્વામી મંગળ દેવ છે. જ્યોતિષમાં મંગળને હિંમત, શક્તિ અને ઊર્જાનો ગ્રહ માનવામાં આવે છે. આથી મેષ રાશિના જાતકો માટે ધનતેરસના દિવસે તાંબાની વસ્તુઓ ખરીદવી શુભ માનવામાં આવે છે. તમે તાંબાનો લોટો, કળશ કે અન્ય વાસણો ખરીદી શકો છો. આ ઉપરાંત લાલ રંગનાં કપડાં અને પૂજામાં ઉપયોગી વસ્તુઓની ખરીદી પણ કરી શકો છો.
આ તસવીર શેર કરો
4/15
વૃષભ રાશિના સ્વામી શુક્ર ગ્રહ છે. શુક્રને સુખ-સુવિધા, સુંદરતા, પ્રેમ અને વૈભવ સાથે જોડવામાં આવે છે. આથી વૃષભ રાશિના લોકો માટે ધનતેરસે ચાંદીની ખરીદી કરવી શુભ માનવામાં આવે છે. તમે ચાંદીનો સિક્કો, પાયલ, વીંટી કે નાનું ઘરેણું ખરીદી શકો છો. ચાંદીની કોઈ ઉપયોગી વસ્તુ ખરીદવી પણ આ રાશિના જાતકો માટે સારી માનવામાં આવે છે.
આ તસવીર શેર કરો
ADVERTISEMENT
5/15
મિથુન રાશિના સ્વામી બુધ દેવ છે. બુધ ગ્રહને બુદ્ધિ, વાણી, સમજશક્તિ અને વેપારનો કારક માનવામાં આવે છે. આથી આ રાશિના જાતકો માટે ધનતેરસે પિત્તળ અથવા કાંસાના વાસણો ખરીદવા શુભ માનવામાં આવે છે. આ ઉપરાંત પુસ્તકો, નોટબુક, પેન કે વેપાર-ધંધામાં ઉપયોગી નવી વસ્તુઓ ખરીદવી પણ સારી માનવામાં આવે છે.
આ તસવીર શેર કરો
6/15
કર્ક રાશિના સ્વામી ચંદ્ર દેવ છે. ચંદ્રને મન, લાગણી અને શાંતિ સાથે જોડવામાં આવે છે. આથી કર્ક રાશિના જાતકો માટે ધનતેરસના દિવસે ચાંદીની વસ્તુઓ ખરીદવી શુભ માનવામાં આવે છે. તમે ચાંદીનો સિક્કો, વાટકી, ચમચી કે નાનો દીવો ખરીદી શકો છો. આ ઉપરાંત ઘરની સજાવટ માટે સફેદ રંગની વસ્તુઓ ખરીદવી પણ સારી માનવામાં આવે છે.
આ તસવીર શેર કરો
ADVERTISEMENT
7/15
સિંહ રાશિના સ્વામી સૂર્ય દેવ છે. સૂર્યને આત્મવિશ્વાસ, શક્તિ અને માન-સન્માનનું પ્રતીક માનવામાં આવે છે. આથી સિંહ રાશિના જાતકો માટે ધનતેરસે સોનું ખરીદવું શુભ માનવામાં આવે છે. બજેટ પ્રમાણે સોનાનો સિક્કો કે નાનું ઘરેણું ખરીદી શકાય છે. જો સોનું ખરીદવું શક્ય ન હોય તો તાંબાના વાસણોની ખરીદી પણ કરી શકાય છે.
આ તસવીર શેર કરો
8/15
કન્યા રાશિના સ્વામી પણ બુધ ગ્રહ છે. બુધને જ્ઞાન, સમજશક્તિ અને વેપાર સાથે જોડવામાં આવે છે. આથી કન્યા રાશિના લોકો માટે ધનતેરસે પિત્તળ અથવા કાંસાના વાસણો ખરીદવા શુભ માનવામાં આવે છે. આ ઉપરાંત અભ્યાસ, લેખન અને કામકાજમાં ઉપયોગી વસ્તુઓ જેવી કે પુસ્તકો, પેન, નોટબુક કે નવી ઓફિસની વસ્તુઓ ખરીદવી પણ સારી માનવામાં આવે છે.
આ તસવીર શેર કરો
ADVERTISEMENT
9/15
વૃશ્ચિક રાશિના સ્વામી મંગળ દેવ છે. મંગળને હિંમત, શક્તિ અને પરાક્રમનો ગ્રહ માનવામાં આવે છે. આથી વૃશ્ચિક રાશિના જાતકો માટે ધનતેરસના દિવસે તાંબાના વાસણો ખરીદવા શુભ માનવામાં આવે છે. તમે તાંબાનો કળશ, લોટો કે પૂજામાં ઉપયોગી પાત્ર ખરીદી શકો છો. આ ઉપરાંત પૂજા માટે સિંદૂર અને પિત્તળની ઘંટડી ખરીદવી પણ સારી માનવામાં આવે છે.
આ તસવીર શેર કરો
10/15
ધનુ રાશિના સ્વામી દેવગુરુ બૃહસ્પતિ છે. ગુરુ ગ્રહને જ્ઞાન, શિક્ષણ, ધર્મ અને સૌભાગ્ય સાથે જોડવામાં આવે છે. આથી ધનુ રાશિના જાતકો માટે ધનતેરસે સોનાનો સિક્કો અથવા પિત્તળનાં વાસણો ખરીદવા શુભ માનવામાં આવે છે. આ ઉપરાંત પીળા રંગનાં કપડાં, ધાર્મિક પુસ્તકો અને પૂજાની સામગ્રી પણ ખરીદી શકાય છે.
આ તસવીર શેર કરો
ADVERTISEMENT
11/15
મકર રાશિના સ્વામી શનિદેવ છે. શનિને મહેનત, શિસ્ત અને કર્મનો કારક માનવામાં આવે છે. આથી મકર રાશિના જાતકો માટે ધનતેરસે ચાંદી અથવા કાંસાની વસ્તુઓ ખરીદવી શુભ માનવામાં આવે છે. તમે ચાંદીનો સિક્કો, કાંસાના વાસણો કે ઘરમાં ઉપયોગી વસ્તુઓ ખરીદી શકો છો. આ ઉપરાંત પોતાની જરૂરિયાત પ્રમાણે ઇલેક્ટ્રોનિક ઉપકરણોની ખરીદી પણ કરી શકો છો.
આ તસવીર શેર કરો
12/15
કુંભ રાશિના સ્વામી પણ શનિદેવ છે. આથી આ રાશિના જાતકો માટે પણ ધનતેરસે ચાંદી અને કાંસાની વસ્તુઓ ખરીદવી શુભ માનવામાં આવે છે. તમે ચાંદીનો સિક્કો, પૂજામાં ઉપયોગી સામગ્રી કે વાદળી રંગની ઉપયોગી વસ્તુઓ ખરીદી શકો છો. ઘરની જરૂરિયાત મુજબ કોઈ નવી વસ્તુ ખરીદવી પણ સારી માનવામાં આવે છે.
આ તસવીર શેર કરો
13/15
મીન રાશિના સ્વામી દેવગુરુ બૃહસ્પતિ છે. ગુરુ ગ્રહને ધર્મ, જ્ઞાન અને સૌભાગ્યનો કારક માનવામાં આવે છે. આથી મીન રાશિના જાતકો માટે ધનતેરસે સોનું અને પિત્તળ ખરીદવું શુભ માનવામાં આવે છે. બજેટ પ્રમાણે સોનાનો સિક્કો કે પિત્તળનાં વાસણો ખરીદી શકાય છે. આ ઉપરાંત ધાર્મિક પુસ્તકો, પૂજાપાઠની સામગ્રી અને પીળા રંગની વસ્તુઓ ખરીદવી પણ શુભ માનવામાં આવે છે.
આ તસવીર શેર કરો
14/15
ધનતેરસના દિવસે ખરીદી કરવી શુભ માનવામાં આવે છે, પરંતુ આ માટે વધારે ખર્ચ કરવો જરૂરી નથી. પોતાની આર્થિક સ્થિતિ અને જરૂરિયાત પ્રમાણે જ વસ્તુઓ ખરીદવી જોઈએ. રાશિ પ્રમાણે જણાવેલી વસ્તુઓ જ્યોતિષ અને ધાર્મિક માન્યતાઓ પર આધારિત છે. આને આસ્થા સાથે જોડાયેલી પરંપરા તરીકે જોવી જોઈએ. સૌથી અગત્યનું એ છે કે તહેવારના આનંદમાં પરિવારની ખુશી અને ઘરની આર્થિક સ્થિતિનું ધ્યાન રાખીને ખરીદી કરવામાં આવે.
આ તસવીર શેર કરો
15/15
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
