ગૌરવ / 16 વર્ષ ભારતીય છોકરીની મહાસિદ્ધિ: ઉભી કરી નાખી 100 કરોડની કંપની, નામ છે પ્રાંજલી

• 16 વર્ષની ભારતની દીકરીએ કરી કમાલ
• AI કંપનીથી બિઝનેસની કરી હતી શરૂઆત
• આજે કંપનીની વેલ્યૂએશન 100 કરોડને પાર

ભારતની 16 વર્ષની દીકરી પ્રાંજલીએ આજે તમામ ભારતીયોનું નામ રોશન કરી દીધું છે. પ્રાંજલીએ Delv.AIની સાથે AIની દુનિયામાં પોતાનું સ્થાન બનાવી લીધું છે. મીડિયા રિપોર્ટ અનુસાર પ્રાંજલી અવસ્થીએ 2022માં Delv.AIની શરૂઆત કરી હતી. આ સ્ટાર્ટઅપની કિંમત પહેલાથી 100 કરોડ રૂપિયા છે અને હાલમાં મિયામી ટેક વીકમાં લોકો આ સ્ટાર્ટઅપથી અતિ પ્રસન્ન થયાં છે.

10 લોકોની નાનકડી ટીમ
16 વર્ષની ઉંમરમાં અવસ્થીની નીચે 10 લોકો કામ કરે છે. રિપોર્ટ અનુસાર આ સ્ટાર્ટઅપમાં પ્રાંજલીનાં પિતાએ તેને ઘણી મદદ કરી છે. જ્યારે તેણે કોડિંગ શરૂ કરી ત્યારે તે માત્ર 7 વર્ષની હતી. 11 વર્ષની ઉંમપમાં તેનો પરિવાર ભારતથી ફ્લોરિડા શિફ્ટ થઈ ગયો જ્યાં તેમણે બિઝનેસની શરૂઆત કરી.

13 વર્ષની ઉંમરમાં ઈન્ટર્નશિપ
ફ્લોરિડામાં ઈંટરનેશનલ યૂનિવર્સિટીની પ્રયોગશાળાઓમાં પ્રાંજલીએ 13 વર્ષની ઉંમરમાં ઈન્ટર્નશિપ કરી હતી. એ સમયે ChatGpt-3 બીટા લૉન્ચ થયું હતું . આ દરમિયાન Delv.AI શરૂ કરવાનો વિચાર પ્રાંજલીને આવ્યો.

3.7 કરોડ રોકાણની કિંમત આજે 100 કરોડ
આ બાદ પ્રાંજલીને બેકએન્ડ કેપિટલનાં લુસી ગુઓ અને ડેવ ફોંટેનોટની લિડરશિપમાં મિયામીમાં એક AI સ્ટાર્ટઅપ એક્સેલેરેટર પ્રોગ્રામમાં આ બિઝનેસને એક્સેપ્ટ કરવામાં આવ્યું જે બાદ બિઝનેસ યાત્રા શરૂ થઈ. એક્સેલેરેટર  પ્રોગ્રામે અવસ્થીને ઑન જેક અને વિલેજ ગ્લોબલથી ઈનવેસ્ટમેન્ટ મળવા લાગ્યું. કંપનીએ ફંડિંગમાં આશરે 3.7 કરોડ રૂપિયા ભેગા કર્યાં જેની આજની કિંમત 100 કરોડ રૂપિયા છે.