સામીપ્ય / મૃત્યુ એ નિશ્ચિત વાસ્તવિકતા, પણ અંતિમ સંસ્કાર સૌન્દર્ય સભર વાતાવરણમાં,ઇડરનું રમણીય અંતિમ ધામ

• ઇડરનું અનોખુ અંતિમધામ
• અંતિમધામમાં બનાવ્યો મોટો બગીચો
• એક વ્યક્તિનો પુરુષાર્થ,રમણીય અંતિમધામ 

મૃત્યુએ જીવનનું એક માત્ર સત્ય છે. સામાન્ય રીતે કેટલાક અંતિમધામને બાદ કરીએ તો મોટેભાગેના અંતિમ ધામ ભયાનક લાગતા હોય છે. સુવિધાઓનો અભાવ હોય છે. ડાઘુઓને બેસવા માટેની વ્યવસ્થા સુદ્ધા હોતી નથી. ત્યારે સાબરકાંઠા જિલ્લાના ઈડરના કાનપુરમાં એક નિવૃત કર્મચારીએ અંતિમધામ કેવું હોય . તેને ઉત્તમ ઉદાહરણ ઉભુ કર્યું છે. 

 ઈડરના કાનપુર ગામે આવેલું અંતિમ ધામ જાણે  પાર્કને પણ ટક્કર તેવો બગીચો છે. અંતિમધામના આ અદભૂત મોડલ પાછળ ગામના એક નિવૃત કર્મચારીનું મોટું યોગદાન છે. કાનપુર ગામના જશુભાઈ પટેલ રિઝર્વ બેન્ક ઓફ ઇન્ડિયાના નિવૃત કર્મચારી છે. બેન્કમાંથી નિવૃત્ત થયા પછી તેમણે પોતાના ગામમાં આવેલા અંતિમધામને મોડલ સ્વરૂપ બનાવાનું નક્કી કર્યું હતુ. 

ગીતામાં કહેવાયેલા નિસ્વાર્થ કર્મ યોગના સિદ્ધાંતને જશુભાઈએ પોતાના જીવનમાં ઉતાર્યો અને ગામના અંતિમધામના કાયાપલટ કરી દીધી. આ અંતિમધામમાં 194 પ્રકારના વિવિધ ફૂલ-છોડ અને વૃક્ષો રોપવામાં આવ્યા છે. લોકો અંતિમધામ મુલાકાત અંતિમ સંસ્કારના સમયે જ લેતા હોય છે. પરંતુ જશુભાઈએ ઉભા કરેલા અંતિમાધામના મોડેલને જોઈને આપણને ત્યાં અમસ્તો જ આંટો મારવાનું મન થાય એટલો સુંદર બનાવ્યું છે. જશુભાઈએ ઉભા કરેલા અંતિમધામના મોડલને જોઈને યુવાનો પણ પ્રેરાયા છે.અને પોતાના કામ-ધંધા અને અભ્યાસમાંથી સમય કાઢીને અંતિમધામને વધુ સુંદર બનાવવાના કામમાં સહભાગી થાય છે.  આગામી સમયમાં જશુભાઈએ કાનપુર ગામમાં એક લાખથી વધારે વૃક્ષો ઉછેરવાનો સંકલ્પ કર્યો છે.

મૃત્યુએ નવજીવનની શરૂઆત છે.  જીવન આપણે ઉત્સાહ પૂર્વક જીવીએ છીએ તો મૃત્યુની ઉજવણી કેમ નહી. આપણે ઘરને સજાવીએ છીએ તો અંતિમધામને કેમ નહી. તમામ માન્યતાઓને કોરાણે મુકીને જશુભાઈએ અંતિમધાને સુંદર બનાવાનુ જે કામ કર્યુ છે. ખરેખર તે વ્યસ્ત સમાજ માટે મોટું ઉદાહરણ છે.