સુનાવણી / '...તો કલ્પના કરજો કે કેટલાં લોકો જેલમાં હશે', એવું શું થયું કે સુપ્રીમ કોર્ટે કરવી પડી આ પ્રકારની ટિપ્પણી?

સુપ્રીમ કોર્ટે કહ્યું કે, સોશિયલ મીડિયા પર જેના પર આરોપ લગાવવામાં આવે તે દરેક વ્યક્તિને જેલમાં નાખી શકાય નહીં. યુટ્યુબરની જામીન પુનઃસ્થાપિત કરતી વખતે સુપ્રીમ કોર્ટે આ ટિપ્પણી કરી છે. યુટ્યુબર પર 2021માં તમિલનાડુના સીએમ એમકે સ્ટાલિન વિરુદ્ધ વાંધાજનક ટિપ્પણી કરવાનો આરોપ હતો. આરોપીઓને જામીન આપતાં સુપ્રીમ કોર્ટે કહ્યું કે જો આપણે ચૂંટણી પહેલા દરેક યુટ્યુબરને જેલમાં ધકેલી દઈએ તો કલ્પના કરો કે કેટલા લોકો જેલમાં હશે.

યુટ્યુબર સટ્ટાઈ પર વાંધાજનક ટિપ્પણીઓનો આરોપ છે
તમિલનાડુ સરકાર વતી વરિષ્ઠ વકીલ મુકુલ રોહતગી સુપ્રીમ કોર્ટમાં હાજર થયા હતા. જસ્ટિસ એએસ ઓકાની આગેવાની હેઠળની સુપ્રીમ કોર્ટની બેંચે રોહતગીને કહ્યું કે જો ચૂંટણી પહેલા જેના પર આરોપ લગાવવામાં આવે તે દરેક યૂ ટ્યૂબરને જેલમાં ધકેલી દેવામાં આવે તો કલ્પના કરો કે કેટલા લોકો જેલના સળિયા પાછળ જશે. આરોપી એડી સટ્ટાઈના જામીન રદ કરવાના આદેશ સામે સુપ્રીમ કોર્ટમાં અપીલ દાખલ કરવામાં આવી હતી.

આ પણ વાંચોઃ શું ગુજરાતમાં રૂપાલાના વિવાદનો આવશે અંત? કેન્દ્રીય મંત્રી રાજનાથસિંહે આપ્યા સંકેત, શું કહ્યું જુઓ Video

સુપ્રીમ કોર્ટે જામીન પુનઃસ્થાપિત કર્યા

સુપ્રીમ કોર્ટે જામીન રદ કરવાના આદેશને ફગાવી દીધો હતો અને આરોપીના જામીન પુનઃસ્થાપિત કર્યા હતા. સુપ્રીમ કોર્ટે કહ્યું કે હાલના કેસમાં આરોપીએ પોતાની અભિવ્યક્તિની સ્વતંત્રતાનો ઉપયોગ કર્યો છે અને તે કેસમાં આપવામાં આવેલા અધિકારોનું ઉલ્લંઘન થયું નથી. સુપ્રિમ કોર્ટે રાજ્ય સરકારની એ દલીલને પણ ફગાવી દીધી હતી કે સટ્ટાઈને જામીન દરમિયાન નિંદનીય ટિપ્પણી કરતા અટકાવવા જોઈએ અને આ શરત નિશ્ચિત કરવી જોઈએ. મદ્રાસ હાઈકોર્ટે જામીન રદ કર્યા હતા, જે આદેશ સુપ્રીમ કોર્ટે ફગાવી દીધો હતો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો