ક્રિકેટ / કોરોના વાયરસ : ક્રિકેટ વર્લ્ડ કપ ફાઈનલ દરમ્યાન 80,000 દર્શકોની વચ્ચે ઘટી એવી ઘટના કે લોકો ડરી ગયા

• મેલબર્ન શહેરમાં 70 દર્દીઓની સારવાર કરનાર ડોક્ટર પણ કોરોના વાયરસથી સંક્રમિત
• આ મેચમાં ઓસ્ટ્રેલિયાએ ભારતને 85 રનોથી હરાવી પાંચમી વખત મહિલા T20નું ટાઇટલ પ્રાપ્ત કર્યું

મહિલા T20 વર્લ્ડ કપ ફાઇનલ ઓસ્ટ્રેલિયાના મેલબર્ન શહેરમાં થયો હતો. ત્યાં કોરોના વાયરસથી પીડિત દર્દીઓ પણ છે. એટલું જ નહી કોરોના વાયરસના 70 દર્દીઓની સારવાર કરનાર ડોક્ટર પણ કોરોના વાયરસથી સંક્રમિત થઇ ચુક્યા છે. 

આ મુકાબલામાં યજમાન ટીમ ઓસ્ટ્રેલિયાએ ભારતને 85 રનોથી હરાવી પાંચમી વખત મહિલા T20નું ટાઇટલ પ્રાપ્ત કર્યું. આ મેચને જોવા માટે 86,174 લોકો પહોંચ્યા હતા જો કે મહિલા ક્રિકેટ મેચને જોવા આવેલા દર્શકોની આ રેકોર્ડ સંખ્યા છે. 

તમને જણાવી દઈએ કે કોરોના વાયરસના કારણે દુનિયાભરમાં સાર્વજનિક સભાઓ, સેમિનાર, રમતનું આયોજન રદ કરવામાં આવેલ છે. પરંતુ ઓસ્ટ્રેલિયાના મેલબર્નમાં મહિલા T20 વર્લ્ડ કપની ફાઇનલ મેચ ભારત અને ઓસ્ટ્રેલિયાઇ મહિલા ટીમ વચ્ચે રમવામાં આવી હતી. સ્વાસ્થ્ય અને જન સેવા વિભાગે સબંધિત વ્યક્તિને સારવારની સલાહ આપી છે. જેનાથી આસપાસની જનતા અને સ્ટાફ વચ્ચે કોવિડ-19ના ફેલાવાનું ઓછું જોખમ થઇ શકે છે. 

આ વ્યક્તિ MCGના સેક્શન A42માં નોર્ધન સ્ટેન્ડના લેવલ 2 પર બેઠો હતો. સ્વાસ્થ્ય અને જન સેવા વિભાગે સલાહ આપી છે કે, A42માં બેસેલા લોકો પોતાની સામાન્ય દિનચર્યા ચાલુ રાખે અને સાફ સફાઈ પર વધારે ધ્યાન આપે. સાથે જ કહેવામાં આવ્યું છે કે ખાંસી-શરદી જેવા લક્ષણો દેખાતા ડોક્ટરની સલાહ લેવી.