કેબિનેટ વિસ્તરણ / 'તે ભ્રષ્ટ વ્યક્તિ છે'... રાજસ્થાનમાં ટીકારામને મંત્રી બનાવાતા ભડક્યા કોંગ્રેસના દિગ્ગજ નેતા, મૂક્યો મોટો આરોપ

• ગેહલોત કેબિનેટનું વિસ્તરણ
• ટીકારામ જુલીને મંત્રી બનાવાતા ભડક્યા કોંગ્રેસના દિગ્ગજ નેતા 
• ટીકારામ જુલી ભ્રષ્ટ વ્યક્તિ-જોહરીલાલ મીણા

મીડિયા સાથેની વાતચીતમાં કોંગ્રેસ ધારાસભ્ય જોહરીલાલ મીણાએ કહ્યું કે અમારા જિલ્લા અલવરમાં બધાને ખબર છે કે ટીકારામ જુલી એક ભ્રષ્ટ વ્યક્તિ છે. તેમનો પરિવાર વસૂલમાં સામેલ છે. મેં પાર્ટી નેતૃત્વને તેમને હટાવવાનું જણાવ્યું છે તેમ છતાં પણ તેમને મંત્રી બનાવાયા. હું આ વાતની વિરૃદ્ધ છું. 

In our district (Alwar), it is well known that Tikaram Juli is a corrupt man and that his family is involved in the collection. I asked the party leadership to remove him but instead, he has been made a minister. I am against it: Congress MLA Johari Lal Meena pic.twitter.com/AwWQS5g0CA

— ANI (@ANI) November 21, 2021

કેબિનેટમાં મહિલાઓને 33 ટકા અનામત ન  મળ્યું 
રાજસ્થાન કેબિનેટ ફેરબદલ પર કોંગ્રસના ધારાસભ્ય શફિયા જૂબેરે પણ નારાજગી વ્યક્ત કરી. તેમણે કહ્યું કે કેબિનેટમાં મહિલા ધારાસભ્યોને 33 ટકા અનામત મળ્યું નથી. 

પોતાની સામેના આરોપ ટીકારામ જૂલેએ ફગાવ્યાં
રાજસ્થાનના મંત્રી ટીકારામ જૂલીએ પોતાની સામેના આરોપને ફગાવતા જણાવ્યું કે જોહરીલાલ મીણા પાર્ટીના વરિષ્ઠ નેતા છે. હું તેમનું સન્માન કરું છું પરંતુ તેમના આરોપ સંપૂર્ણપણે પાયાવિહોણા છે. જો તેમની પાસે પુરાવા હોય તો તેમણે સામે આવવું જોઈએ. 

રાજસ્થાન કેબિનેટનું વિસ્તરણ, 15 નવા મંત્રીઓ સામેલ

રાજસ્થાન કેબિનેટના આજે થયેલા વિસ્તરણમાં નવા 15 ચહેરાને સ્થાન આપવામાં આવ્યું છે. 11 કેબિનેટ અને 4 રાજ્યકક્ષાના મંત્રીઓને કેબિનેટમાં સ્થાન આપવામાં આવ્યું છે. 
(1) હેમારામ ચોધરી
(2) મહેન્દ્રજીત સિંહ માલવીય
(3) રામલાલ જાટ
(4) મહેશ જોશી
(5) વિશ્વેન્દ્ર સિંહ
(6) રમેશ મીણા
(7) મમતા ભુપેશ
(8) ભજનલાલ જાટવ
(9) ટીકારામ જુલી
(10) ગોવિંદ રામ મેઘવાલ
(11) શકુતંલા રાવત
(12) બૃજેન્દ્ર સિંહ ઓલા
(13) મુરારીલાલ મીણા
(14) રાજેન્દ્ર સિંહ ગુઢા
(15) ઝાહિદા ખાન