ઇલેક્શન 2022 / કોંગ્રેસ ક્યાં ગૂંચવાઈ: છેલ્લી યાદીમાં આ 10 ધારાસભ્યોને કાપવા કે રિપીટ કરવા તે અંગે મુંઝવણ, હાઇકમાન્ડને લિસ્ટ મોકલાયું

• ગુજરાત કોંગ્રેસને લઇને મોટા સમાચાર
• કોંગ્રેસની છેલ્લી યાદી આજે રાત સુધીમાં જાહેર થવાની શક્યતા
• પ્રદેશ નેતૃત્વે દિલ્લી હાઇકમાન્ડ સમક્ષ મોકલી યાદી 

ગુજરાત કોંગ્રેસને લઇને સૌથી મોટા સમાચાર સામે આવી રહ્યાં છે. જેમાં આજે કોંગ્રેસના ઉમેદવારોની છેલ્લી યાદી રાત સુધીમાં જાહેર થવાની શક્યતા સેવાઇ રહી છે.પ્રદેશ નેતૃત્વ દ્વારા સંભવિત ઉમેદવારોની યાદી બનાવી દિલ્લી હાઇકમાન્ડ સમક્ષ મોકલી દેવામાં આવી છે.  જેમાં તમામ નામો જાહેર થઇ શકે છે. મહત્વનું છે કે કોંગ્રેસે હજુ 36 ઉમેદવારોના નામ જાહેર કર્યા નથી.જે 36 માંથી 10 વર્તમાન ધારાસભ્યો અંગે કોંગ્રેસે હજુ સુધી નિર્ણય કર્યો નથી. આ 10 ધારાસભ્યોની ટિકિટ કાપવી કે રિપીટ કરવી તેને લઇને કોંગ્રેસ મુંઝવણમાં મુકાઇ છે. જ્યારે 3 બેઠકો પર કોંગ્રેસ અને NCP વચ્ચે ગઠબંધન થયું છે.  

કોણ થઇ શકે રિપીટ,ક્યા ફસાયો પેચ?

• વિરમગામથી ધારાસભ્ય લાખા ભરવાડ થઇ શકે છે રિપીટ
• ધંધુકા બેઠક પર યુથ કોંગ્રેસના અધ્યક્ષ અને વર્તમાન ધારાસભ્ય રાજેશ ગોહિલ વચ્ચે ફસાયો છે પેચ
• બેચરાજીથી વર્તમાન ધારાસભ્ય ભરતજી ઠાકોરની કપાઇ શકે ટિકિટ
• બાયડથી જશુ પટેલની કપાઇ શકે છે ટિકિટ,બાયડથી મહેન્દ્રસિંહને મળી શકે ટિકિટ 
• કપડવંજમાં વર્તમાન ધારાસભ્ય કાળુભાઇ ડાભી અને બિમલ શાહ વચ્ચે ફસાયો છે પેચ
• પાલનપુરમાં મહેશ પટેલ વર્તમાન ધારાસભ્ય અને રવિરાજ ગઢવી અને રાજુ જોશી વચ્ચે પેચ ફસાયો
• દિયોદરમાં શિવાભાઇ ભૂરિયા વર્તમાન ધારાસભ્ય અને અનિલ માળી વચ્ચે ફસાયો પેચ 
• પેટલાદમાં વર્તમાન ધારાસભ્ય નિરંજન પટેલે પોતાના અથવા દીકરા માટે માગી રહ્યાં છે ટિકિટ 
• પેટલાદ ભરતસિંહ સોલંકીને પાર્ટી લડાવે તો પણ નવાઇ નહીં
• ઠાસરાથી વર્તમાન ધારાસભ્ય કાંતિભાઇ પરમાર થઇ શકે રિપીટ
• બાલાસિનોરથી વર્તમાન ધારાસભ્ય અજિત ચૌહાણ પણ થશે રિપીટ 
• કાંકરેજમાં અમરતજી ઠાકોર,ભૂપતજી ઠાકોર અને સી.વી.ઠાકોર વચ્ચે ફસાયો પેચ
• ઊંઝામાં અરવિંદ પટેલ અને પિંકિબેન પટેલ વચ્ચે ફસાયો પેચ
• વિસનગર બેઠક પર કિરીટ પટેલ,જીતુ ચૌધરી અને રામાજી ઠાકોરના નામમાંથી એક ફાઇનલ 
• મહેસાણાથી ડૉ.રાજુ પટેલ,ભાવેશ પટેલ અને કનકસિંહ વચ્ચે ફસાયો પેચ
• ભિલોડાથી રાજન ભાગોર અને રાજેન્દ્ર પારઘીમાંથી એક નામ લગભગ નક્કી
• પ્રાંતિજ બેઠક પર બેચરસિંહ અને ભગવતસિંહ ઝાલા વચ્ચે ફસાયો પેચ
• દેહગામ બેઠક પર કામિનીબા રાઠોડ,વખતસિંહ ચૌહાણ અને કાળુસિંહ વિહોલા વચ્ચે ફસાયો પેચ
• સાણંદથી પંકજસિંહ વાઘેલા લગભગ નક્કી
• ધોળકા બેઠક માટે અશ્વિન રાઠોડ અને જશુભાઇ સોલંકી વચ્ચે ફસાયો પેચ 
• ગાંધીનગર નોર્થ માટે નિશિત વ્યાસ અથવા અજીતસિંહ વાઘેલા વચ્ચે ખેંચતાણ
• નારણપુરા,મણિનગર,અસારવા,ખંભાત,માતર,મહેમદાવાદ અને લુણાવાડા,સંતરામપુર અને શેહરાના નામ પણ થઇ શકે જાહેર 
• ગોધરા,દાહોદ(ST) દાહોદ,સાવલી,પાદરા અને કરજણ બેઠકના નામ પણ થઇ શકે છે જાહેર