વરસાદ / રાજ્યમાં પડેલા વરસાદ મામલે સીએમ રૂપાણીએ કરી સમીક્ષા, ઉકાઈ અને નર્મદા ડેમમાં પાણીની ભારે આવક

છેલ્લા 24 કલાકમાં રાજ્યના તમામ તાલુકામાં વરસાદ નોંધાયો છે. ત્યારે મુખ્યમંત્રી વિજય રૂપાણીએ વરસાદની સ્થિતિની સમીક્ષા કરી હતી. આ દરમિયાન સીએમ રૂપાણીએ પ્રતિક્રિયા આપી છે કે, ભારે વરસાદ થતા રાજ્યના મોટા ભાગના ડેમમાં પાણીની આવક થઈ છે. ગત વર્ષે 56 ટકા ડેમ ભરાયા હતા. આ વર્ષે અત્યાર સુધી 60 ટકા ડેમ ભરાયા છે. સાથે જ તેમણે જણાવ્યુ કે, અત્યાર સુધી 11 લોકોના મોત થયા છે. રાજકોટમાં ભારે વરસાદને પગલે 6 હજારથી વધુ લોકોને સલામત સ્થળે ખસેડાયા છે. ત્યાર બાદ તેમણે જણાવ્યુ કે, ગાઈડલાઈન પ્રમાણે 5 ઈંચથી કોઈ પણ તાલુકામાં ઓછો વરસાદ નોંધાયો નથી. મોટા ભાગના તાલુકામાં 10 ઈંચથી વધુ વરસાદ નોંધાયો છે.