અવળચંડુ ડ્રેગન / ભારત અને ઈન્ડિયા વિવાદ વચ્ચે ચીનને લાગ્યા મરચાં, G20 મુદ્દે આપી વણમાંગી સલાહ

• ભારત અને India નામના વિવાદમાં હવે ચીનની એન્ટ્રી
• દેશનું નામ બદલવાની ચર્ચા ચર્ચા વચ્ચે આપી દીધી સલાહ
• INDIA અને ભારત મુદ્દા સિવાય દેશમાં ઘણા મહત્વપૂર્ણ મુદ્દાઓ 

રાષ્ટ્રીય રાજધાની દિલ્હીમાં બે દિવસીય G-20 સંમેલન પહેલા જ દેશમાં  INDIA અને ભારત નામને લઈને વિવાદ વકરી રહ્યો છે. G-20 માટે આયોજિત ડિનર માટે રાષ્ટ્રપતિ દ્રૌપદી મુર્મુ દ્વારા મોકલવામાં આવેલા આમંત્રણમાં INDIA ને બદલે ભારતનો ઉલ્લેખ કરવામાં આવ્યો હતો. આ પછી મીડિયાથી લઈને સોશિયલ મીડિયા પર ચર્ચાઓ થવા લાગી કે INDIA હવે ભારત તરીકે ઓળખાશે. નામને લઈને ચાલી રહેલી ચર્ચા વચ્ચે પાડોશી દેશ ચીનને મરચાં લાગી રહ્યા છે. ચીન સરકાર માટે પ્રોપેગેન્ડા ચલાવતા એક સ્થાનિક ચેનલે એક લેખ લખ્યો છે જેમાં કહેવામાં આવ્યું છે કે INDIA અને ભારત મુદ્દા સિવાય દેશમાં અન્ય ઘણા મહત્વપૂર્ણ મુદ્દાઓ છે. લેખની શરૂઆત એમ કહીને થાય છે કે એવા સમયે જ્યારે વૈશ્વિક ધ્યાન આગામી G20 સમિટ પર કેન્દ્રિત છે. 

ચીને ભારતીય અર્થવ્યવસ્થાને લોખંડી ગણાવી

નવી દિલ્હી વિશ્વને શું સંદેશ આપવા માંગે છે? જ્યારે ભારતે ડિસેમ્બર 2022 માં G-20 નું પ્રમુખપદ ગ્રહણ કર્યું હતું. ભારત દેશના આંતરરાષ્ટ્રીય પ્રભાવને વધારવા માટે તેના G-20 પ્રમુખપદનો ઉપયોગ કરવા માંગે છે. આ લેખમાં ચીને ભારતીય અર્થવ્યવસ્થાને પણ લોખંડી ગણાવી છે. તેમણે કહ્યું છે કે, ભારત વિશ્વની સૌથી ઝડપથી વિકસતી અર્થવ્યવસ્થાઓમાંની એક છે અને આ માર્ગ પર આગળ વધવા માટે તૈયાર છે. દેશ વિશ્વની પાંચમી સૌથી મોટી અર્થવ્યવસ્થા બનવા માટે બ્રિટનને પાછળ છોડી દીધું છે અને નજીકના ભવિષ્યમાં ત્રીજી સૌથી મોટી અર્થવ્યવસ્થા બનવાનું લક્ષ્ય ધરાવે છે.

દેશને INDIA બદલે ભારત કહેવાની માંગ

આ લેખમાં વધુ કહેવામાં આવ્યું છે કે ભારતે વિશ્વનું ધ્યાન ખેંચ્યું છે. ભારત આ G-20 સમિટ દ્વારા બહારની દુનિયાને શું સંદેશ મોકલવા માંગે છે તેનાથી કોઈ ફરક પડતો નથી. ભારત વધતા વૈશ્વિક ધ્યાનનો સારો ઉપયોગ કરી શકશે અને આ પ્રભાવને વિકાસ માટે પ્રેરક બળમાં ફેરવી શકશે. કેટલાક દિવસોથી INDIA અને ભારતના નામો પર ચાલી રહેલી ચર્ચાનો ઉલ્લેખ કરતા લેખમાં કહેવામાં આવ્યું છે કે, મોદીની પાર્ટીના કેટલાક નેતાઓએ દેશને INDIA બદલે ભારત કહેવાની માંગ કરી છે. કારણ કે તેઓ દલીલ કરે છે કે INDIA નું નામ ભારત હતું. બ્રિટિશ વસાહતીઓ દ્વારા રજૂ કરાયેલ અને ગુલામીનું પ્રતીક છે. તેથી નામ બદલવામાં આવે તે જરૂરી બની ગયું છે. 

ક્રાંતિકારી સુધારા વિના ભારત ક્રાંતિકારી વિકાસ કરી શકે નહીં : ચીન

ચીનનું કહેવું છે કે ભારતીય લોકોને તેમના દેશને ગમે તે કહેવાની સ્વતંત્રતા છે. જો કે, નામ એ સૌથી મહત્વની વસ્તુ નથી. મહત્વની વાત એ છે કે શું ભારત તેની આર્થિક વ્યવસ્થામાં વ્યાપક સુધારો કરી શકશે? આ ભારતની આર્થિક વૃદ્ધિ અને આંતરરાષ્ટ્રીય મંચ પર ભારતના પ્રભાવને સુધારવાની ચાવી છે. ક્રાંતિકારી સુધારા વિના ભારત ક્રાંતિકારી વિકાસ કરી શકે નહીં. 1991થી ભારતમાં આર્થિક સુધારાની દ્રષ્ટિએ મોદી સરકાર સૌથી મહત્વાકાંક્ષી સરકારોમાંની એક છે, જ્યારે ભારતે તેની અર્થવ્યવસ્થાને ઉદાર બનાવવા માટે મોટા સુધારાની શરૂઆત કરી હતી. ભારત વેપાર સંરક્ષણવાદ તરફ ઝડપથી આગળ વધી રહ્યું છે. તેના અગાઉના કેટલાક સુધારા પગલાં પણ અટકી ગયા છે.

આ રીતે ભારતે G-20 કોન્ફરન્સનો ઉપયોગ કરવો જોઈએ

ચીને થોડા વર્ષો પહેલા ચાઈનીઝ કંપનીઓ પર કરવામાં આવેલી કાર્યવાહીને લઈને ઠંડી પડી ગઈ છે. કેટલીક ચીની કંપનીઓ પર ભારતની તાજેતરની કાર્યવાહી દેશમાં વધતા રાષ્ટ્રવાદ અને લોકવાદ સાથે જોડાયેલી છે. આ સ્થિતિ અનિવાર્યપણે ભારતમાં રોકાણકારોનો વિશ્વાસ ઘટાડશે. લેખમાં વધુમાં જણાવવામાં આવ્યું છે કે ભારત ડિસેમ્બર 2022માં ઈન્ડોનેશિયા પાસેથી G20 અધ્યક્ષપદ સંભાળશે અને આગામી દિવસોમાં ભારત પ્રથમ વખત G20 નેતાઓની સમિટની યજમાની કરશે. હવે, ભારતે G20 અધ્યક્ષપદનો ઉપયોગ તેની અર્થવ્યવસ્થામાં સુધારો કરવા, તેની નિખાલસતાનો વિસ્તાર કરવા, વિદેશી રોકાણ આકર્ષવા અને વિદેશી રોકાણકારો માટે વ્યાજબી વ્યાપાર વાતાવરણ પ્રદાન કરવા માટે તેના સંકલ્પને દર્શાવવા માટે કરવો જોઈએ. ઉપરાંત આ પગલાં ધીમે ધીમે અમલમાં મૂકવા જોઈએ. આ બધું દેશનું નામ બદલવા કરતાં વધુ મહત્વનું છે.